Etnicos de Europa

De Vicipedia
Jump to navigation Jump to search
Vista jeneral de la distribui de la linguas xef de Europa.

La poplas nativa de Europa es la etnicos cual vive en Europa. Los es la studiada par la etnolojia european, un sucampo de antropolojia con foco en Europa. Seguente la monografia deutx Minderheitenrechte in Europa coeditada par Pan and Pfeil (2002) on ave 87 poplas diferente en Europa, de cual 33 forma la popla xef en a la min un stato autonom, contra ce la 54 restante constitui minorias etnical. La numero intera de minorias lingual o nasional es de 105 miliones o la 14% de la 770 miliones de europeanes.

Vista jeneral[edita | edita la fonte]

On ave oto etnicos european con plu ca 30 miliones de membros abitante en Europa. Esta oto grupos entre tota ave 465 miliones o 65% de la popla european:

  1. Rusces (s 99 miliones en Europa)
  2. Deutxes (s 70 miliones)
  3. Franseses (s 55 miliones)
  4. Brites (s 51 miliones)
  5. Italianes (60 miliones)
  6. Ucrainsces (38-55 miliones)
  7. Espanioles (31-50 miliones)
  8. Polsces (31-50 miliones)

Ambos Espania e Rena Unida es casos spesial, car en la identifia de nasionalia, espaniol e brites, ta pote ave aspetas etnical, incluinte varia etnicos rejional. Suiz ta pote es un caso simil, ma la grupos diferente es linguistica e no etnical, donce lo es considerada un "stato multilingual" e no un "stato multietnical".

Identia european[edita | edita la fonte]

La cultur european es radisida en cual es frecuente refereda como "erita cultural comun". Par causa de un grande numero de perspetivas cual pote ave sur la sujeto, lo es nonposible crea un conseti singular de la cultur european. An tal, on ave elementos xef cual es jeneral acordada como forminte la fundi cultural de Europa moderna. Un lista de elementos donada par K. Bochmann inclui:

  • Un erita spirital e cultural comun derivada de la anticia elinica-roman, cristianisme, la Renase e sua Umanisme, la pensa political de la Lumina e la Revolui franses, e la developa de modernia
  • Un cultur material rica e dinamica cual ia es estendeda a otra continentes como resulta de industri e colonialisme en la "Diverje grande",
  • Un conseta spesifada de la individua espresada par la esiste e, e la respeta per, un legalia cual garantia diretos umana e libria de la individua,
  • Un pluralia de statos con ordinas political diferente, cual es condenada a vive junta en un modo o otra.
  • Respeta per poplas, statos e nasiones estra Europa.

Berting dise ce esta puntos ajusta con la "realis plu positiva de Europa". La conseta de cultur european es jeneral unida a la defini clasica de mundo ueste. En esta defini, la cultur ueste es la colie de prinsipes filosofial, artal, political, siensal e leteratural cual ia separa lo de otra sivilias. Multe de esta colie de tradisiones e conose es colieda en la canon ueste. La parola ia aplica a paises de cual la istoria ia es multe marcada par migra o coloni european en la sentenios 18 e 19, como America e Australasia, e lo no es restrinjeda a Europa.