Deutxland

De Vicipedia
Jump to navigation Jump to search
Republica Federal de Deutxland
Bundesrepublik Deutschland
Flag of Germany.svg Coat of arms of Germany.svg
EU-Germany.svg
Informa jeneral
Capital: Berlin
Lingua ofisial: Deutx
Dirije
Governa: Republica parlamental federal
- Xef de stato: Presidente Frank-Walter Steinmeier
- Xef de governa: Canselor Angela Merkel
Otras
Area: 357 168 km²
Popla: 82 175 700
Densia: 227
PIB: $3.842 trilion
Mone: Euro (€) (EUR)
Zona de ora: CET (UTC+1)
Numero de telefon: 49
Interede: .de
Gm-map.gif

Deutxland es un pais en Europa sentral. La area de Deutxland es sirca 357 000 cilometres cuadrida. La cuantia de abitores, en la anio 2006, ia es judida como sirca 82,5 milion persones. Lo es formida par 16 statos composante e covre un area de 357 021 cilometres cuadrida. Con un cuantia de abitores de 82 miliones, lo es la stato plu poplada de la Uni European. A pos Statos Unida, lo es la destina de migra plu popular en la mundo. Sua capital es urbe plu grande es Berlin e otra sites importante es Hamburg, Munich, Cologne, Frankfurt, Stuttgart, Düsseldorf, Leipzig, Bremen, Dresden, Hannover e Nuremberg.

La lingua major es deutx.

Istoria[edita | edita la fonte]

Tra 900 anios, la istoria de Deutxland ia es unida a lo de la Impero Santa Roman. En 800, la re franco Carlo la grande ia es coronida como imperor e ia fundi la Impero Carolan cual ia es divideda entre sua eritores en 843. La Impero Santa Roman ia emerji de la rejion este de la rena orijinal de Carlo la grande.

Deutxland ia uni prima a un nasion en la anio 1871.

Deutxland ia es declarada como un republica a la comensa de la Revolui Deutxland en novembre 1918. A 11 agosto 1919, la presidente Friedrich Ebert ia suscrive la Constitui democrata de Weimar.

Pos la Gera Mundal Du, en 1949, Deutxland ia es divideda a du statos: la Republica Federal Deutxland, o Deutxland Ueste, e la Republica Deutx Democratial, o Deutxland Este. Lo ia deveni reunida en 1990.

Jeografia[edita | edita la fonte]

Deutxland ave 16 statos (Länder o Bundesländer), incluinte la sites Berlin e Hamburg.

Politica[edita | edita la fonte]

Deutxland es un democratia parlamental. La parlamento deutx ave du cameras: la Bundestag (Parlamento federal) e la Bundesrat (Consilio federal). La parlamento federal es direta elejeda par la popla. La consilio federal es la representa de la governas de la 16 statos federal. Deuxtland es un stato federal.

La xef de la governa en Deutxland ave la titulo Bundeskanzler (Canselor federal). La xef de la stato es elejeda par la Bundesversammlung (Asembla federal) e ave la titulo Bundespräsident (Presidente federal).

La parlamento federal ave 620 membros e ses partitos es aora representada en lo.

Relijio[edita | edita la fonte]

De sua funda en 1871, Deutxland ia es du tris protestante e un tri catolica, con un minoria judi notable. Otra relijios ia ance esiste en la stato ma ia no ateni la sinifia demografial e la efeto cultural de la tre fidas. La composa relijial ia cambia a pos 1945, con Deutxland ueste avente plu relijios como resulta de la migras e Deutxland este deveninte casi nonrelijiosa a causa de la politicas statal. A pos la reuni de Deutxland en 1990, plu fidas ia veni a Deutxland cambiante la composa: lo ave un declina forte de la relijiosia e un aumenta de la protestantes evanjelial e la muslimes.

Turisme[edita | edita la fonte]

Deutxland es la pais sete la plu visitada en la mundo con 407 milion reposas de note en 2012. Berlin ia es la site tre de la plu visitadas en Europa. Ajuntada, plu ca 30% de deutxes ia pasa sua vacanses en sua propre pais.