Minoan (lingua)
La lingua minoan es la lingua (o linguas) de la sivilia antica minoan de Criti, scriveda en la ieroglifos critica e plu tarde en la silabario linial A. Car la ieroglifos no es desifrida e linial A es sola partal desifrida, la lingua minoan no es vera comprendeda e no es clasida. Vera, con la evidentia esistente, lo pare no posible es serta ce la du scrives es en la mesma lingua, o an ce un lingua solitar es scriveda en cada. La lingua eteocritica, atestada en alga enscrives de Criti un mil anios plu tarde, es posible un desendente de minoan, ma es ance nonclasida.
La enscrives en linial A es alga lejable comparada con linial B. La ieroglifos es de la dui prima de la milenia du aec. La testos en linial A, la plu enscriveda sur tabletas de arjila, es sperdeda tra tota Criti, con plu ca 40 locas sur la isola.
De la dinastia 18 de Egipte, on ave cuatro testos cual conteni nomes e dises en la lingua ceftiu (posible minoan). Lo es, como tipal en testos nonegipsian, scriveda en ieroglifos egiptian, cual permete un pronunsia plu esata.
- Papiro majica Harris (Papyrus magicus Harris XII, 1-5); de la dinastia 18: un dise en la lingua ceftiu [1]
- Tableta per scrive (B.M. 5647); de la dinastia 18 temprana: un tableta negra de scola con un nom ceftiu [2]
- Papiro medical London (B.M., 10059); fini de la dinastia 18: du dises contra maladias (# 32-33)
- Lista a carta Ejean (de): alga nomes de locas critica.
Con esta testos, la sistem fonetica de la lingua minoan pote es developada. Lo ave la fonemes seguente:[3]
| Bilabial | Dental | Alveolal | Palatal | Velal | Uvulal | Glotal | |
|---|---|---|---|---|---|---|---|
| Nasal | m | n | |||||
| Esplodente | p b | t d | k | q | |||
| Fricante | s | h | |||||
| Vibrante | r | ||||||
| Aprosimante | j | w |
Referes
[edita | edita la fonte]- ↑ H. Lange: Der Magische Papyrus Harris; Kopenhagen (1927)
- ↑ T. E. Peet: The Egyptian Writing-Board B.M. 5647 bearing Keftiu Names; Oxford 1927
- ↑ Evangelos Kyriakidis: Indications on the Nature of the Language of the Keftiw from Egyptian Sources. In: Ägypten und Levante / Egypt and the Levant Band 12 (2002), S. 211–219.
Lias esterna
[edita | edita la fonte]- Duhoux, Yves. Pre-Hellenic languages of Crete