Oseta (lingua)

De Vicipedia
Oseta
Ирон æвзаг (Iron ævzag)
Parlada en: Rusia, Sacartvelo, Turcia
Area:
Tota parlores: 570 000
Familia: Linguas indo-european
State ofisial
Lingua ofisial de: Rusia e Sacartvelo
Regulada par:
Sifras
ISO 639-1: os
ISO 639-2: oss
ISO 639-3: [1]
SIL: oss
Mapa
Colies etnolingual en la Caucaso.
Vide ance: LinguaLista de linguas

Oseta o iron (endonim: Ирон æвзаг, Iron ævzag) es un lingua iranian este parlada en Osetia, un rejion en la inclinas norde de la montes Caucauso. Lo es un desendente direta de la linguas scitian, sarmatian, e alana.

La area en cual la lingua es parlada en Rusia es nomida Osetia-Alania Norde, e la area sude de la borda es nomida Osetia Sude, reconoseda par Rusia e poca otras como un nasion autonom, ma par la resta de la comunia internasional como un parte de Sacartvelo. On ave sirca 577,450 parlores, con 451,000 de la parlores en Rusia.

Gramatica[edita | edita la fonte]

La gramatica de Oseta ia adota multe aspetas de la linguas de la Causasos, ma la strutur gramatical e la vocabula fundal mostra sua relata con la familia iranica.

Nomes[edita | edita la fonte]

Oseta ia perde la categoria de seso cual la plu de linguas indoeuropean ia reteni. Lo ia reteni oto casos de nomes, ma lo pare ce alga de estas no es orijinal ma ia es redevelopada.

La definitiva es indicada par un cambia de asentua, an si esta no es posible per alga nomes. Per esemplo:

færǽt "an axe" fǽræt "the axe"

Nomes e ajetivos comparti la mesma morfolojia e distingui du cuantias (singular e plural) e nove casos: nominativa, jenetiva, dativa, diretiva, ablativa, inesiva, adesiva, ecuativa, e comitativa. La morfolojia es aglutinante: la sufisas per casos e la sufisa per cuantia es separada, con la mesma sufisas de caso e cuantia per tota.

Singular Plural
Nominativa сӕр sær сӕртӕ særtæ
Jenitiva сӕры særy сӕрты særty
Dativa сӕрӕн særæn сӕртӕн særtæn
Alativa сӕрмӕ særmæ сӕртӕм særtæm
Ablativa сӕрӕй særæj сӕртӕй særtæj
Inesiva сӕры særy сӕрты særty
Adesiva сӕрыл særyl сӕртыл særtyl
Ecuativa сӕрау særau сӕртау særtau
Comitativa сӕримӕ særimæ сӕртимӕ særtimæ

Car la inesiva e jenitiva mostra la mesma formas en ambos cuantias, alga linguistes sujeste ce Oseta ave oto casos.

Verbos[edita | edita la fonte]

Verbos distingui tre persones e du cuantias, tre tempos (presente, pasada, e futur, toto sintesal espresada), e tre modos (direta, sujuntiva, e comanda). La morfemes per estas es, per la plu parte, fusada. La vose pasiva es espresada nondireta con la partisipio pasiva pasada e la verbo aidante cual sinifia "vade"; sinifias causal e refletante es ance espresada con espresas nondireta. Verbos pote parteni a un de du aspetas (perfeta e nonperfeta), cual es espresada par prefisas, cual orijina tipal en preposadas. On ave un infinitiva (la mesma como la prima person singular), cuatro partisipios (ativa presente, ativa pasada, pasiva pasada, e futur), e un jerundio.

On ave diferes de vocales e/o consonantes entre la radises presente e pasada, e entre formas transitiva e nontransitiva. On ave ance formas spesial, pe un tempo futur prosima cual es formida par ajunta -inag a la verbo e la verbo aidante "es". La futur imperativa es ance un forma spesial cual usa la particulo iu. E un otra forma spesial es usada per indica un prosede interompeda o cuasi completada, fada par usa la particulo sæi entre la prefisa (tipal fæ-) e la verbo.

Sintatica[edita | edita la fonte]

Oseta usa cuasi sempre posponedas (derivada de nomes), e du preposadas. Nomes segue ajetivos. La ordina de parolas no es rijida, me tende a sujeto-ojeto-verbo. La alinia morfosintatical es nominativa-acusativa, an si la caso acusativa no esiste: en loca la ojeto direta es en la caso nominativa (tipal si nonanimada o nondefininte) o en la jenitiva (tipal si animada o defininte).

Numeros[edita | edita la fonte]

Per numeros supra 20, du sistemes es usada - un sistem desimal es usada ofisial, e un sistem dudesimal es usada demotical.