Cimrica (lingua)
| Cimrica (Cymraeg) | |
|---|---|
| Parlada en: | Cimri |
| Area: | Europa |
| Tota parlores: | 610.000 |
| Ordina: | |
| Familia: | Linguas celta |
| State ofisial | |
| Lingua ofisial de: | Cimri |
| Regulada par: | |
| Sifras | |
| ISO 639-1 | cy |
| ISO 639-2 | wel (B), cym (T) |
| SIL | cym |
 | |
| Vide ance: Lingua – Lista de linguas | |
Cimrica (Cymraeg, y Gymraeg, [kəmˈrɑːɨɡ], [ə ɡəmˈrɑːɨɡ]) es un lingua britonica de la familia de linguas celta. Lo es parlada xef en Cimri. Sirca 750 000 persones parla cimrica en la mundo.
Cimrica es scriveda en un varia de la alfabeta latina, usante 28 leteras, de cual oto es leteras duple cual es listada como leteras singular:
- a [a, ɑː]
- b [b]
- c [k]
- ch [x]
- d [d]
- dd [ð]
- e [ɛ, eː]
- f [v]
- ff [f]
- g [g]
- ng [ŋ]
- h [h]
- i [ɪ, iː, j]
- l [l]
- ll [ɬ]
- m [m]
- n [n]
- o [ɔ, oː]
- p [p]
- ph [f]
- r [r]
- rh [r̥]
- s [s]
- t [t]
- th [θ]
- u [ɨ/ɪ, ɨː/iː]
- w [ʊ, uː, w]
- y [ɨ/ɪ, ɨː/iː, ə/əː]
Nota ce tota la leteras a, e, i, o, u, w, y es vocales en cimrica. La pronunsia de u e y varia entra la dialetos norde e sude.
Otra leteras es usada en multe parolas comun cual ia es emprestada de engles: j, k, q, v, x, z. Estra j, estas es ance comun cambiada a c, c, f, s, s, en esta ordina.
La sinieta la plu comun es la sircoflexe, cual indica vocales "longa", plu comun en omografes. Per esemplo: man "loca" e mân "fini", "peti".
La fonolojia de cimrica ave alga sonas cual no aveni en otra linguas european. Per esemplo, la fricante ladal sin vose [ɬ], la nasales sin vose [m̥], [n̥], e [ŋ̊], e la r sin vose [r̥]. La asentua es normal a la silaba cuasi ultima en parolas de plu ca un silaba, e la silaba final (e nonasentuada) ave un tono plu alta.
La morfolojia de cimrica es simil a la otra linguas celta moderna. Lo usa mutas de alga consonantes comensante e preposadas fusada con sua pronomes ojetal, e la ordina de parolas es VSO (verbo-sujeto-ojeto) como en eres.
Nomes ave du sesos gramatical, mas e fema, ma no es infletada per caso. Cimrica ave finis variosa per indica la plural, e du finis per indica la singular de alga nomes.
En cimrica como parlada, la tempo, aspeta e modo de verbos es xef indicada par paroletas. Ma en la cimrica de leteratur, la verbo es normal infletada.
En cimrica parlada, la tempo presente es construida con bod ("es"), con la verbo major en la forma de un nom-verbal (simil a un infinitiva), pos la paroleta yn:
- Mae Siân yn mynd i Lanelli - Siân vade a Llanelli (leteral, "es Sian 'a' vade a Lanelli").
Asi, mae es la forma de bod presente per la person tre. Otra tempos, modos e aspetas de verbos es construida en un modo simil.
Cimrica no ave pronomes per construi proposas suordinada. En loca, lo usa paroletas preverbal e forma spesial de la verbos.
Cimrica usa comun formas de posese per indica la ojeto direta de un verbo. Per esemplo, "me gusta Rhodri" es Dw i'n hoffi Rhodri (leteral: "me es en se gusta"); "me gusta tu" es Dw i'n dy hoffi (leteral: "me es en tua gusta")
Numeros segue un sistem de dudesuples, simil a franses: 40 es "du dudesuples", 60 es "tre dudesuples", etc. Ma plu resente, alga prefere un sistem de desuples.
Vide ance: cernoica, bresonica
Esemplo
[edita | edita la fonte] Ein Tad yn y nefoedd,
sancteiddier dy enw;
deled dy deyrnas;
gwneler dy ewyllys,
ar y ddaear fel yn y nef.
Dyro inni heddiw ein bara beunyddiol,
a maddau inni ein troseddau,
fel yr ym ni wedi maddau i'r rhai a droseddodd yn ein herbyn;
a phaid â'n dwyn i brawf,
ond gwared ni rhag yr Un drwg.
Oherwydd eiddot ti yw'r deyrnas a'r gallu a'r gogoniant am byth. Amen.