Linguas celta

De Vicipedia
Clasi de la linguas celta.

La linguas celta es la linguas cual desende de la protolingua celta, un ramo de la familia de linguas indoeuropean. En la milenio prima aec, esta linguas ia es parlada tra Europa, de la Baia Biscaia e la Mar Norde, longo la Reno e la Danubio, a la Mar Negra e la Balcanes, e en Anatolia (la rejion nomida Galatia). Oji, la linguas celta es limitada a alga partes de Britania (Er, Scotland e Cimri) e Frans (Bres), e apare ance en Canada este, Patagonia, la SUA, e Australia.

Protocelta pote es divideda en cuatro sufamilias:

  • La lingua galica e sua relatadas prosima, lepontica e galatian. Esta linguas ia es parlada de Galia (Frans) e Beljia asta Deutxland sude e Italia norde, en Osteraic e Magiar, e ance en Anatolia sentral (Galatia).
  • La lingua celtiberian, parlada en la penisola Iberia, o, plu esata, en Portugal, Galisia, Asturias, Aragon e Leon.

La separa de protocelta a esta cuatro sufamilias ia aveni cisa sirca 1000 aec. La protoceltas es asosiada con la cultures de Campos de vaso, Hallstatt e La Tène.

On ave du teorias sur la relatas entre la linguas celta:

La plu vea dise ce la goidelica e la celtiberian es ambos Q-celta, e la britonica e la galo es ambos P-celta. Multe parolas cual comensa con Q en protocelta cambia a P en la linguas britonica e galo, ma resta con Q en goidelica e celtiberian.

La otra teoria dise ce goidelica e britonica (nomida celta isolal) es separada de la otras (nomida celta continental). celta isolal ave alga cualias nonusual, como verbo–sujeto–ojeto per sua ordina de parolas, preposadas juntada con pronomes, e la cambia frecuente de la letera prima de un parola per coere con la letera final de la parola presedente. Nota ce, en esta teoria, celtiberian ia es prima separada de protocelta ante cuando celta isolal ia es separada de galo. La cambias a P-celta ia aveni plu tarda a ambos galo e britonica. Esta teoria es aora plu popular.