Gailica (lingua)

De Vicipedia
Gailica (Gàidhlig)
Parlada en: Scotland
Area: Europa
Tota parlores: 100.000
Ordina:
Familia: Linguas celta
State ofisial
Lingua ofisial de: Scotland
Regulada par: Bòrd na Gàidhlig
Sifras
ISO 639-1 gd
ISO 639-2 gla
SIL gla
Locas do gailica es parolada.
Vide ance: LinguaLista de linguas

Gailica (Gàidhlig AFI: /ˈgaːlʲigʲ/) es un lingua celta parlada par sirca 100 000 persones, la plu en Scotland (de do lo es nativa) e alga en America Norde, spesial Scotia Nova. Lo desende, como eres e manes, de eres vea. Nota ce eres es ance frecuente nomida "gailica", e multe persones usa la parolas "gailica scotes" e "gailica eres" per distingui la du; ma la parola scotes es usada sola per la lingua germanica de Scotland, prosima relatada a engles. La plu de Scotland moderna ia parla gailica en la pasada, como atestada spesial par nomes de locas en Scotland cual es en gailica.

En la conta de abitores de 2011 en Scotland, 57 375 persones (1.1% de la popla de Scotland ci ave tre anios o plu) dise ce los pote parla gailica, 1275 min ca en 2001. La cuantias persentil la plu grande de parlores de gailica ia es en la Hebrides Esterna. Sola sirca dui de la parlores ia es alfabetiste completa en la lingua. An tal, laboras per revive esiste, e la cuantia de parlores de la lingua ci ia ave min ca dudes anios no ia redui entre la contas de abitores de 2001 e de 2011.

Gailica no es un lingua ofisial de la Uni European o de la Rena Unida. An tal, lo es categorida como un lingua nativa su la Constitui European de la Linguas Minorial o Rejional, cual la governa brites ia validi, e la Lingua Gailica (Scotland) Ata 2005 ia institui un corpo per developa de lingua, Bòrd na Gàidhlig.

Estra Scotland, Gailica canadian es parlada, per la plu parte en Scotia Nova e Isola Prinse Edward. En la conta de abitores de 2011, Canada ia ave 7195 parlores de "linguas gailica", con 1365 en Scotia Nova e Isola Prinse Edward, do la respondes refere per la plu parte a gailica scotes.

Esemplos[edita | edita la fonte]

Gailica Eres Elefen
Fàilte Fáilte Bonveni
Halò Haileo o Dia dhuit ("Dio con tu") Alo
Latha math Lá maith Bon dia
Ciamar a tha thu? Conas atá tú? (Cad é mar atá tú? en Ulster) Como lo vade?
Ciamar a tha sibh? Conas atá sibh? (Cad é mar atá sibh? en Ulster) Como lo vade (a vos/tu)? (plural o formal)
Madainn mhath Maidin mhaith Bon dia
Feasgar math Trathnóna maith Bon dia (pos mediadia)
Oidhche mhath Oíche mhaith Bon note
Ma 's e do thoil e Más é do thoil é Per favore
Ma 's e (bh)ur toil e Más é bhur dtoil é Per favore (plural o formal)
Tapadh leat Go raibh maith agat Grasias
Tapadh leibh Go raibh maith agaibh Grasias (plural o formal)
Dè an t-ainm a tha ort? Cad é an t-ainm atá ort? Cual es tua nom?
Dè an t-ainm a tha oirbh? Cad é an t-ainm atá oraibh? Cual es tua nom? (plural o formal)
Is mise... Is mise... Me es...
Slàn leat Slán leat Adio
Slàn leibh Slán libh Adio (plural e formal)
Dè a tha seo? Cad é seo? Cual es esta?
Slàinte Sláinte Joia! / Sania!