Elas

De Vicipedia
Jump to navigation Jump to search
Gtk-find-and-replace.svg
Esta article debe es revisada. Razona: Esta paje no es completa
Gtk-find-and-replace.svg
Elas
Flag of Greece.svg Coat of arms of Greece.svg
EU-Greece.svg
Informa jeneral
Capital: Atina
Lingua ofisial: Elinica
Dirije
Governa:
- Xef de stato: Presidente Prokopis Pavlopoulos
- Xef de governa: Ministro xef Alexis Tsipras
Otras
Area: 131,957 km²
Popla: 10,816,286
Densia: 82
PIB:
Mone: Euro
Zona de ora: EET (UTC+2)
Numero de telefon: +30
Interede: .gr, .ελ
Gr-map.png

Elas (ance conoseda como Grecia; la nom ofisial es Ellinikí Dhemokratía, o Ellada en elinica moderna) es un pais en Europa. La area es sirca 131 940 cilometres cuadrida e la cuantia de popla, en la anio 2006, ia es sirca 10 688 058 persones. La site capital es Atina. La lingua major es elinica.

Lo ia es un republica ("Dhemocratia") de 1973, ma la bandera es inspirada par la bandera de Danmarc, de do la casa real ia veni ultima. La ministro xef es Antónis Samarís (Nea Dhimocratía / Republic Nova). Presente, la pais es en un crise economial. 

La istoria de Elas es un de la plu longas de mundo. On regarda la pais como la cuna de la sivilia ueste, como la loca de nase de la democratia, la filosofia ueste, la Juas Olimpial, la leteratur ueste, la istoriografia, la politica, la prinsipes matematical e siensal e la drama ueste. La elinicas ia es prima unida su Filipo 2 de Macedonia en la sentenio 4 aec. Sua fio Alexandro la Grande ia concista la plu de la mundo vea, estendente la cultur elinica de la Mediteraneo este a la Rio Indo. Ajuntada par Roma en la sentenio 2 aec, Elas ia deveni un parte de la Impero Roman e sua seguor, la Impero Bizantian. La sentenio 1 ec iia vide la institui de la Eglesa Ortodox Elinica, cual ia formi la identia elinica moderna e ia transmete la tradisiones elinica a la mundo ortodox. Cadente en la domina osmanian en la sentenio 15, la nasion moderna de Elas ia emerji en 1830 pos la gera de autonomia.

Etimolojia[edita | edita la fonte]

La nomes de la nasion de Elas e sua lingua es diferente en otra linguas. An si la elinicas nomi sua pais Hellas o Ellada (elinica: Ἑλλάς o Ελλάδα) e sua nom ofisial es "Republica Elinica", multe linguas usa un nom derivada de la latina Graecia, cual sinifia "tera de la elinicas" e veni de la elinica Γραικός.

Istoria[edita | edita la fonte]

Periodos clasica e antica[edita | edita la fonte]

La atesta prima de la presentia de omes en la Balcanes sude veni de 270 000 aec, e es locada en la cava Petralona, en la provinse elinica de Macedonia. Tota la tre avenis de la eda de petra (paleolitica, mesolitica e neolitica) es representada en Elas, pd en la cava Franchthi. La colonias neolitica en Elas, de la milenio 7 aec, es la plu veas de Europa par alga sentenios, car Elas es locada en la via par cual la cultiva ia estende de Asia sude-ueste a Europa.

Elas ia es la cuna de la sivilias prima avansada en Europa e on regarda lo como la loca de nase de la sivilia ueste, comensante con la sivilia Cycladic en la isolas de la Mar Ejeo en la 3200 aec, la sivilia minoan en Criti (2700-1500 aec) e a pos la sivilia micenan en la continente (1900–1100 aec). Esta sivilias ia ave scrive: la scrive minoan es un scrive nondesifrada conoseda como Linear A, e la scrive micenan es Linear B, un forma temprana de elinica. La micenanes ia asorbe gradal la minoanes, ma ia colasa en 1200 aec, en un tempo de cambion rejional conoseda como la colasa de la eda de bronze. Esta ia gida a un periodo conoseda como Edas Oscur Elinica, de cual on no ave rejistras scriveda.

La fini de la Eda Oscur ia aveni en 776 aec, la anio de la Juas Olimpial prima. La Iliada e la Odisea, la testos fundal de la leteratur ueste, ia es composada par Homero en la sentenios 7 o 8 aec. Con la fini de la Eda Oscur, alga renas e sites-statos ia emerji en la penisola elinica, cual ia estende a la costas de la Mar Negra, la sude de Italia ("Magna Graecia") e Anatolia. Esta statos e sua colonias ia ateni niveles alta de ricia cual ia resulta en un buma cultural sin presendete, lo de Elas clasica, espresada en la arciteta, la drama, la siensa, la matematica e filosofia. En 508 aec, Cleistene ia institui en Atina la sistem prima de governa democrata de mundo.

En 500 aec, la Impero Persian ia controla la sites elinica en Anatolia e Macedonia. Atentas par alga sites-statos elinica de Anatolia per suverti la governa persian ia fali, e Persia ia invade la statos de Elas en 492 aec, ma ia es forsada a retira se pos sua defeta en la batalia de Maraton en 490 aec. Un invade du par la persianes ia segue en 480 aec. Seguente la vinse elinica desidente en 480 e 479 aec en Salamis, Platea e Micale, la persianes ia es forsada a retira a un ves du, marcante sua retira ultima de tota la teritorios european. Gidada par Atina e Sparta, la vinses elinica en la geras elinica-persian es regardada como un momento esensal en la istoria mundal, car la 50 anios de pas cual ia segue es conoseda como la Eda Orosa de Atina, la periodo seminal de la developa elinica antica cual ia prepara la funda de la sivilia ueste.

La manca de unia political en Elas ia provoca disputas frecuente entre la statos elinica. La plu destruinte ia es la Gera Peloponesan (431–404 aec), en cual Atina ia es vinseda par Sparta, marcante la fini de la Impero Atinan como un potia gidante en Elas antica. Plu tarda, abos Atina e Sparta ia es suprapasada par Tebas e a fini par Macedonia, cual ia uni la mundo elinica en la Liga de Corinto (ance conoseda como la Liga Elinica) su la gida de Filipo 2, ci on ia eleje como gidor de la stato elinica prima unida de istoria.

Pos la asasina de Filipo 2, sua fio Alexandro 3 "la grande" ia oteni la gida de la Liga de Corinto e ia invade la Impero Persian con la forsa combinada de tota la statos elinica en 334 aec. Nonvinseda en la batalia, Alexandro ia concista la intera de la Impero Persian en 330 aec. Cuando el ia mori en 323 aec, el ia crea un de la imperos la plu grande de istoria, de Elas a Barat. Sua impero ia divide a renas diversa pos sua mori, de cual la plu conoseda es la Impero Seleucan, Egipte ptolemean, la Rena elinica-Bactrian e la Rena Indo-Elinica. Multe elinicas ia migra a Alexandria, Antiocia, Seleucia e otra sites eliniste en Asia e Africa. An si la unia political de la impero de Alexandro no ia es mantenida, lo ia produi la sivilia eliniste e ia estende la lingua e cultur elinica en la teritorios concistada par Alexandro. On judi ce la siensa, la matematica e la tecnolojia elinica ia ateni sua apico en esta periodo.

Periodos eliniste e roman (323 aec – sentenio 4 ec)[edita | edita la fonte]

Pos un periodo de confusa seguente la mori de Alexandro, la dinastia antigonan, desendente de un de la jenerales de Alexandro, ia fundi sua controla supra Macedonia e multe de la sites-statos elinica en 276 aec. De 200 aec la Republica Roman ia envolve se en consernas elinica e ia partisipa en un serie de geras contra Macedonia. La defeta de Macedonia en la Batalia de Pidna en 168 aec ia marca la fini de la potia antigonan en Elas. En 146 ec, Macedonia ia es ajuntada como un provinse par Roma, e la resta de Elas ia deveni un protejeda roman.

La prosede ia es completida en 27 ec cuando la imperor roman Augusto ia ajunta la resta de Elas e ia constitui lo como un provinse senatoral de Acaia. An con sua superioria militar, la romanes ia amira e ia es influeda par la atenis de la cultur elinica; en esta contesto Horacio ia declara famosa: Graecia capta ferum victorem cepit ("Elas, an si caturada, ia catura sua concistor savaje"). La epicas de Homero ia inspira la Eneida de Vergilio, e autores como Seneca la joven ia scrive usante stilos elinicas. Eroes roman como Scipio la African ia studia filosofia e ia regarda la cultur e siensa elinica como un esemplo per segue. Simil, la plu de la imperores roman ia manteni un amira per la cosas elinica. La imperor Nero ia visita Elas en 66 ec, e ia partisipa en la Juas Olimpial antica, an con la regulas contra partisipa de nonelinicas. Ance Hadriano ia amira la elinicas; ante deveni imperor, el ia labora como arconte eponim de Atina.

La comunias de lingua elinica de la este elinicida ia es influente en estende cristianisme temprana en la sentenios 2 e 3, e la gidores e scrivores cristian temprana (notable san Paulo) ia es parlores de elinica, an si los no ia es elinica. La Atesta Nova ia es scriveda en elinica, e alga de sua partes atesta la importa de la eglesas en Elas en la cristianisme temprana. An tal, multe de la elinicas ia persiste en sua crede pagan, e la pratica relijial elinica antica ia es modosa en la sentenio 4 ec, cuando lo ia es deslegalida par la imperor roman Teodosio 1 en 391–2. La Juas Olimpial ultima rejistrada ia aveni en 393, e multe templos ia es destruida o danada en la sentenio cual ia segue. En Atina e otra areas campanial, la paganisme ia es praticada asta la sentenio 6 ec, e an plu tarda. On regarda la clui de la Academia Neoplatoniste de Atina par la imperor Justiniano en 529 como la marca de la fini de anticia, an si on ave atestas ce la Academia ia continua sua ativias a alga tempo pos acel. Alga areas distante como la sude-este de la Peloponeso ia resta pagan asta la sentenio 10.

Periodo medieval (sentenio 4 – 1453)[edita | edita la fonte]

Pos la cade de la Impero en la ueste en la sentenio 5, la Impero Roman en la este es conoseda como la Impero Bizantian (ma ia es nomida "Impero Roman" en sua tempo) e ia dura asta 1453. Con sua capital en Constantinopoli, sua lingua e cultur leteratural ia es elinica e sua relijio cristian ia es ortodox este.

De la sentenio 4, la teritorios de la Impero en la Balcanes, incluinte Elas, ia sufri par la desloca de la invades barbar. La atacas e ruina de la gotas e hunes en la sentenios 4 e 5 e la invade slavica de Elas en la sentenio 7 ia provoca un colasa dramal de la autoria imperal en la penisola elinica. Pos la invade slavica, la governa imperal ia reteni la controla formal de sola la isolas e areas de costa, spesial la sites densa poplada como Atina, Corinto e Tesalonici, en cuando alga areas montaniosa en la interna ia resta autonom e ia survive sin aida, continuante reconose la autoria imperal. Estra esta areas, un cuantia limitada de colonis slavica ia aveni.

La regania bizantian de la provinses perdeda ia comensa a la fini de la sentenio 8, e multe de la penisola elinica ia reveni su controla imperal en la sentenio 9. Esta prosede ia es fasilida par la enflue de elinicas de Sisilia e Anatolia a la penisola elinica, en cuando multa slavicas ia es caturada e enviada a Anatolia e los cual ia permane ia es asorbeda. En la sentenios 11 e 12 la reveni de stablia ia fa ce la penisola elinica benefica de la forte crese economial – multe plu grande ca lo de la teritorios anatolian de la Impero.

Pos la Crusada Cuatro e la cade de Constantinopili a la "latinas" en 1204, la penisola elinica ia es divideda entre la Despotia de Epiro (un stato bizantian seguente) e la Francocratia o teritorio governada par la franseses, en cuando alga isolas ia es dominada par la venezianes. La reinstitui de la capital imperal bizantian en Constantinopoli en 1261 ia es acompaniada par la recovre imperal de la plu de la penisola elinica, an si la Prinsia Franco de Acea en la Peloponeso e la Despotia de Epiro oposante en la norde ia resta potias rejional importante asta la sentenio 14, en cuando la isolas ia resta su controla genoves e venezian.

En la sentenio 14, multe de la penisola elinica ia es perdeda par la Impero Bizantian a la serbsces e a pos a la osmanianes. En la comensa de la sentenio 15, la avansa osmanian ia sinifia ce la teritorio bizantian en Elas ia es xef limitada a Tesalonici (sua site alora la plu grande) e la Peloponeso (Despotia de Morea). Pos la cade de Constantinopoli a la osmanianes en 1453, Morea ia es la restante ultima de la Impero Bizantian cual ia luta contra la osmanianes. Par contrasta, esta ia cade a la osmanianes en 1460, completinte la concista osmanian de Elas continental. Con la concista turces, multa eruditas elinica bizantian, ci asta alora ia es encargada per conserva la sabes elinica clasica, ia fuji a la ueste, portante con los multe leteratur e donce contribuinte a la Renase a grado importante.

Eda moderna: posesedas venezian e governa osmanian (sentenio 15 - 1821)[edita | edita la fonte]

Eda contempora[edita | edita la fonte]

Gera elinica de autonomia (1821–1832)[edita | edita la fonte]

Rena de Elas[edita | edita la fonte]

Crese, desastre e reconstrui[edita | edita la fonte]

Tirania, Gera Mundal Du e reconstrui[edita | edita la fonte]

Republica elinica tre[edita | edita la fonte]

Jeografia[edita | edita la fonte]

Isolas[edita | edita la fonte]

Clima[edita | edita la fonte]

Ecolojia[edita | edita la fonte]

Politica[edita | edita la fonte]

Partitos political[edita | edita la fonte]

Relatas esterna[edita | edita la fonte]

Lege e justia[edita | edita la fonte]

Militar[edita | edita la fonte]

Divides dirijal[edita | edita la fonte]

De pos la reforma de Kallikratis a 1 janero 2011, Elas es divideda en 13 rejiones sudivideda en 325 munisipas. La prefetias vea ia es retenida como su-unias de la rejiones. Lo ave ance un area autonom: Monte Atos (elinica: Agio Oros, "Monte Santa"), cual borda la rejion de Macedonia Sentral.

Peripheries of Greece numbered.svg
No. Rejio Capital Area (km²) Area (sq. mi.) Popla[1] GDP (bn)[2]
1 Attica Atina 3,808.10 1,470.32 3,828,434 €103.334
2 Elas Sentral Lamia 15,549.31 6,003.62 547,390 €12.530
3 Central Macedonia Thessaloniki 18,810.52 7,262.78 1,882,108 €34.458
4 Crete Heraklion 8,259 3,189 623,065 €12.854
5 East Macedonia and Thrace Komotini 14,157.76 5,466.34 608,182 €9.054
6 Epirus Ioannina 9,203.22 3,553.38 336,856 €5.827
7 Ionian Islands Corfu 2,306.94 890.71 207,855 €4.464
8 North Aegean Mytilene 3,835.91 1,481.05 199,231 €3.579
9 Peloponnese Tripoli 15,489.96 5,980.71 577,903 €11.230
10 South Aegean Ermoupoli 5,285.99 2,040.93 309,015 €7.816
11 Tesalia Larissa 14,036.64 5,419.58 732,762 €12.905
12 West Greece Patras 11,350.18 4,382.33 679,796 €12.122
13 West Macedonia Kozani 9,451 3,649 283,689 €5.564
No. Stato Autonom Capital Area (km²) Area (sq. mi.) Popla GDP (bn)
(14) Monte Athos Karyes 390 151 1,830 Model:NA

Economia[edita | edita la fonte]

Seguente la statistica de la Banco Mundal per la anio 2013, la economia de Elas es la numero 43 per produi interna bruta espresada, con $242 bilion.

Elas es un pais developada con normas alta de vive e un indise alta de developa umana. Con un economia plu grande ca tota la paises de la Balcanes, lo es la plu grande de la rejion e un investor rejional importante. Lo es la investor stranjer du de capital en Albania, la investor stranjer tre en Bulgaria e un de la tre investores stranjer xef en Romania e Serbia e la asosior comersial la plu importante e la investor stranjer la plu grande de Macedonia. La compania de telecomunica elinica OTE ia deveni un investor forte en Iugoslavia e otra paises balcan.

Cultiva[edita | edita la fonte]

En 2010, Elas ia es la produor la plu grande de la Uni European de coton (183 800 tones) es pistaxios (8 000 tones); la numero du en la produi de ris (229 500 tones) e olivas (147 500 tones); la numero tre en la produi de figas (11 000 tones) e amandas (44 000 tones), tomates (1 400 000 tones) e melones acuosa (578 400 tones); e la numero cuatro en la produi de tabaco (22 000 tones). La cultiva contribui 3,8% de la produi interna bruta de la pais e emplea 12,4% de la forte de labora de la pais.

Elas es la beneficada xef de la Politica Cultival Comun de la Uni European. Como resulta de la entra de la pais a la Comunia European, multe de sua infrastrutur cultival ia renovi e sua esflue cultival ia aumenta. Entre 2000 e 2007 la cultiverias organica ia aumenta par 885%, un cambia de persento la plu alta de la UE.

Demografia[edita | edita la fonte]

Sites[edita | edita la fonte]

Areas urban funsionante[edita | edita la fonte]

Relijio[edita | edita la fonte]

Linguas[edita | edita la fonte]

Migra[edita | edita la fonte]

Instrui[edita | edita la fonte]

Sistem de aida medical[edita | edita la fonte]

Cultur[edita | edita la fonte]

Artes vidable[edita | edita la fonte]

Arciteta[edita | edita la fonte]

Teatro[edita | edita la fonte]

La forma ueste de teatro ia nase en Elas.

Leteratur[edita | edita la fonte]

La leteratur elinica pote es divideda en tre categorias xef: antica, bizantian e moderna.

Filosofia[edita | edita la fonte]

La plu de la tradisiones filosofial ueste ia comensa en Elas antica en la sentenio 6 aec.

Musica e dansa[edita | edita la fonte]

Cosina[edita | edita la fonte]

Sinema[edita | edita la fonte]

Sporte[edita | edita la fonte]

Mitolojia[edita | edita la fonte]

Vacanses e festas[edita | edita la fonte]

Referes[edita | edita la fonte]

  1. "Πίνακας 1: Προσωρινά αποτελέσματα του Μόνιμου Πληθυσμού της Ελλάδος." (PDF) National Statistical Service: 22 July 2011.
  2. "Regional gross domestic product (million EUR), by NUTS 2 regions." Eurostat: 2008. Retraeda en 25 October 2011.