Caucasos

De Vicipedia

Vide ance: Popla de la Caucasos, Linguas caucasian, Preistoria de la Caucasos.

La Caucasos, o Montes Caucaso, es un cadena de montes en Eurasia entre la Mar Negra e la Mar Caspio, tra Sacartvelo, Haiastan, Azerbaijan e partes de Rusia. On ave du sistemes separada: la Caucasos major e la Caucasos minor. La Caucasos major estende de la area prosima a Sotxi a la costa norde-este de la Mar Negra, vadente a este-sude-este asta aprosima Baku a la Mar Caspian. La Caucasos minor core paralel a la sistem major, a un distantia de sirca 100 km. La du cadenas es juntada par un cadena peti, nomida la Lichis. La monte la plu alta en la cadena es Elbrus, a 5642 metres. La montes prosima a Sotxi ia ospita la Juas Olimpian de Inverno de 2014.

Alga jeografistes considera la Caucasos un borde entre Europa e Asia.

Istoria[edita | edita la fonte]

Locada en la periferias de Turcia, Iran e Rusia, la rejion ia es un stadion per competes political, militar, relijial e cultural como ance un loca per estendisme per sentenios. Tra sua istoria, la Caucaso ia es parte de la mundo persian. En la comensa de la sentenio 19, Rusia ia concista la teritorio.

Mitolojia[edita | edita la fonte]

La Monte Ararat (cual apare en la Biblia) do la Arca de Noe ia ariva es conoseda como la monumento de la rena haiastan antica. La apico de Ararat es tapida con neva en inverno. En la mitolojia elinica antica, la Caucaso ia es un de la colonas suportante la mundo. Prometeo ia es cadenida ala par Zeus. La poesiste roman Ovidio ia loca la Caucaso en Scitia e ia dise ce lo es un monte fria e petrin cual ia es la abiteria de famia personida.

Recursos[edita | edita la fonte]

La Caucaso ave multe minerales e recursos como oro, cromo, cupre, mercurio, manganes, molibdeno, plomo, uolfram, uranio, zinco, petrolio, gas natural, carbon e lignito.

La vale de Borjomi en Sacartvelo es fomosa per sua acuas mineral de orijen volcanal.