Haiastan

De Vicipedia
Jump to navigation Jump to search
Haiastan
Flag of Armenia.svg Coat of arms of Armenia.svg
Armenia (orthographic projection).svg
Informa jeneral
Capital: Ierevan
Lingua ofisial: Haieren
Dirije
Governa:
- Xef de stato:
- Xef de governa:
Otras
Area: 29,800 km²
Popla: 2,971,650
Densia:
PIB:
Mone:
Zona de ora:
Numero de telefon:
Interede:
Am-map - 2.png

Haiastan (o Armenia), ofisial la Republica de Haiastan, es un pais en la Caucaso sude. Locada en Asia ueste en la Montania Haieren, lo es bordada par Turcia a la ueste, Sacartvelo a la norde, la Republica Nagorno-Karabakh e Azerbaidjan a la este, e Iran e Nakhchivan (un esclave de Azerbaidjan) a la sude. La Republica Haiastan composa sola un desi de la Armenia istorial.

Haiastan es un stato democratal de multe partitos, con un erita cultural antica. Urartu ia es instituida en 860 aec, e ante la fini de la sentenio 6 aec, lo ia es sustituida par la Satrapia de Armenia. En la sentenio prima aec, la rena Armenia ia ateni sua zenite su Tigranes la Grande.

Haiastan ia deveni la stato prima cual ia adota cristianisme como sua relijio ofisial. Entre la tarda de la sentenio 3 e anios temprana de la sentenio 4, la stato ia deveni la nasion prima cristian. La data ofisial de adota de cristianisme es 301 ec.

La rena antica Armenia ia es divideda entre la Imperos Bizantian e Sasanian sirca la temprana de la sentenio 5. Su la dinastia Bagratuni, la Rena Bagratan de Armenia ia es restorada en la sentenio 9. Declinante par causa de la geras contra la bizantianes, la rena ia cade en 1045, e corta a pos, Armenia ia es invadeda par la turceses seldjuc. Un prinsia armenian e plu tarda un rena nomida Armenia Cilician ia es locada a la costa de la Mar Mediteraneo entre la sentenios 11 e 14.

Entre la sentenios 16 e 19, la pais tradisional haieren (composada de Haiastan Este e Haiastan Ueste) ia veni su la rena de la Imperos Osmanian e Irani, renada par la un o la otra tra la sentenios. Ante la fini de la sentenio 19, Haiastan Este ia es concistada par la Impero Rusce, ma la plu de la partes ueste de la pais tradisional haieren ia resta su rena osmanian. En la Gera Mundal Prima, haierenes abitante en sua paises tradisional en la Impero Osmanian ia es sistemosa matada en la Jenoside Haieren.

En 1918, pos la Revolui Rusce, tota paises nonrusce ia declara sua autonomia pos cuando la Impero Rusce ia sesa esiste, gidante a la institui de la Republica Prima de Haiastan. Ante la fini de 1920, la stato ia deveni un parte de la Republica Soviet Federal Sosialiste Transcaucasian, e en 1922 ia deveni un membro fundinte de la Uni Soviet. En 1936, la stato transcaucasian ia es abandonada, mutante sua statos composante (incluinte la Republica Sosialiste Soviet Haieren) a republicas plen. La Republica moderna de Haiastan ia deveni autonom en 1991 con la fini de la Uni Soviet.

La Republica de Haiastan reconose la Eglesa Apostolal Haieren, la eglesa nasional la plu vea de mundo, como la institui relijiosa prima de la pais.

La alfabeta haieren es unica, inventada par Mesrop Mashtots en 405 ec.

Haiastan es un membro de la Uni Economial Eurasian, la Consilio de Europa e la Organiza de Trata de Securia Coletiva. Lo suporta la Republica Nagorno-Karabakh cual ia declara sua autonomia en 1991.

La area es sirca 29 800 cilometres cuadrida.

La cuantia de abitores, en la anio 2007, ia es sirca 2 971 650 persones.

La site capital es Ierevan.

La lingua major es haieren.