Israel
| Israel מְדִינַת יִשְׂרָאֵל دَوْلَة إِسْرَائِيل | |||
|
| ||
| |||
| Informa jeneral | |||
| Capital: | Ieruxalim | ||
| Lingua ofisial: | ivri | ||
| Dirije | |||
| Governa: | |||
| - Xef de stato: | Isaac Herzog | ||
| - Xef de governa: | Benjamin Netanyahu | ||
| Otras | |||
| Area: | 20 770–22 072 km² | ||
| Popla: | 8 681 580 | ||
| Densia: | 392 | ||
| PIB: | $316.120 bilion | ||
| Mone: | |||
| Zona de ora: | IST (UTC+2) | ||
| Numero de telefon: | +972 | ||
| Interede: | .il .ישראל | ||
| |||
Israel es un pais en Asia.
En ivri e ides la nom completa es Medinat Israel; en arabi, lo es Daulat Israel. Ambos sinifia la Stato de Israel.
La area es sirca 20 770 cilometres cuadrida.
La cuantia de abitores, en la anio 2007, ia es sirca 6 426 679 persones.
La site capital es Ieruxalim, o en arabi Al Quds (La Santa).
En 2013, un governa de uni ia es formida entre Licud-Beitenu, Ha-Beit ha-Yahudim (La Casa de la Iudis), Iex Atid e Ha-Tnui, con Beniamin Netaniahu (Licud Uni) como xef.
La linguas major es ivri. 20% de la popla parla arabi. 10% de la popla parla rusce.
Istoria
[edita | edita la fonte]1896 Der Judenstaat de la jornaliste osteraices-magiar Theodor Herzl comensa la idea de la Israel nova.
1967 Gera de 6 Dias.
1973 Gera de Yom Cippur.
1982 Gera de Liban.
Etimolojia
[edita | edita la fonte]En 1948, la pais ia es nomida Medinat Yisrael o la Stato de Israel, pos la refusa de otra nomes relijiosa e istorial como Eretz Israel ("la Tera de Israel"), Sion, e Iudea. En la semanas temprana de autonomia, la governa ia eleje la terma "israeli" per indica un sitadan de este pais, e la anunsia formal ia es fada par Moxe Xarett, la ministro de esternas.
La nom Israel ia es istorial usada, en usa comun e relijiosa, per refere a la Tera de Israel, la Rena de Israel biblial e la nasion iudiste. Seguente la Biblia, la nom "Israel" (Yisraʾel, Isrāʾīl, "persiste con Dio") ia es donada a la padron Jacob pos sua luta susedosa con un anjel de Dio. La des-du fios de Jacob ia deveni la asendentes de la israelistes, ance conoseda como la Des-du Tribus de Israel o Fios de Israel. Seguente la Biblia, Jacob e sua fios ia vive en Canan e ia es obligada par famion a vade a Misre per cuatro jeneras asta Moses, ci ia regida los a Canan en la Esodo.
La area es ance conoseda como Tera Santa, esente santa per iudisme, cristianisme, islam e bahaisme. Ante la Declara de Autonomia de Israel (1948), la area ia es conoseda como Filastin, Siria Sude, Siria Palestina, Rena de Jerusalem, Provinse de Iudea e Canan.
Jeografia
[edita | edita la fonte]Israel es locada en la este de la Mediteraneo, bordada par Lubnan en la norde, Siria en la norde-este, Urdun en la este e Misre en la sude-ueste. Lo es entre la latitudes 29° e 34° N, e la lonjitudes 34° e 36° E.
Demografia
[edita | edita la fonte]Linguas
[edita | edita la fonte]La linguas ofisial de Israel es ivri e arabi. Ivri es parlada par cuasi tota la popla, e arabi es parlada par la minoria arabi.
Turisme
[edita | edita la fonte]Turisme, spesial par persones relijiosa, es un industria importante en Israel, e la clima, la plaias, la locas arceolojial e istorial e la jeografia atrae ance turistes.
Instrui
[edita | edita la fonte]Las oto universias publica de Israel es finansial suportada par la stato. La Universia Ivri de Jerusalem, la plu vea de Israel, ave la Biblioteca Nasional de Israel, la beneria de libros sur iudisme la plu grande de la mundo. Otra universias es la Universia de Tel Aviv, la Universia de Bar-Ilan e la Universia Ben-Gurion.
