Pilipinas

De Vicipedia
Jump to navigation Jump to search
Republica de Pilipinas
Republic of the Philippines
Republika ng Pilipinas
Flag of the Philippines.svg Coat of arms of the Philippines.svg
PHL orthographic.svg
Informa jeneral
Capital: Manila
Lingua ofisial: Tagalog e engles
Dirije
Governa:
- Xef de stato:
- Xef de governa:
Otras
Area: 300 000 km²
Popla: 100 981 437
Densia:
PIB:
Mone:
Zona de ora:
Numero de telefon:
Interede:
Philippines-CIA WFB Map.png

La Republica de la Pilipinas es un nasion de isolas formida de un arcipelago de plu ca sete mil, ma min ca oto mil, isolas a sirca 100 km sude-este de Asia, en la costa ueste de la Mar Pasifica. La capital es Manila. La linguas ofisial es engles e tagalog, ma la lingua nasional es tagalog (filipino). Ester sites, multe persones no comprende engles. On ave plu ca sento, ma min ca dusento, linguas local austronesian.

La area es sirca 300 000 cilometres cuadrida.

La cuantia de popla, en la anio 2015, es sirca 100 981 437 persones.

La eroe nasional es José Rizal (1861-96), scrivor de la novela Noli me tangere.

La ariva de Ferdinand Magellan a Homonhon, Samar Este, en 1521 ia marca la comensa de la coloni espaniol. En 1543, la esploro espaniol Ruy López de Villalobos ia nomi la arcipelago Las Islas Filipinas, per Felipe 2 de Espania. E Miguel López de Legazpi ia ariva de Site de Mexico en 1565 e ia stabli la prima colonia espaniol en la arcipelago. Pilipinas ia deveni parte de la Impero Espanial per plu ca 300 anios. Esta ia resulta en ce la catolicisme es la relijio xef. Durante esta tempo, Manila ia deveni la sentro ueste en la comersia transpasifica conetante Asia con Acapulco en America e usante la galeones de Manila.

En 1898, la pais ia es concistada par la americanes. La niones ia ocupa la pais en 1941 a 1945. La pais ia ateni la autonomia en 4 de julio de 1946 de la americanes.

81% de filipinos es catolica. 11% es protestante. 5.6% es muslim. 2% es budiste. On ave animistes en la junglas.