Istoria de Europa
La istoria de Europa covre la poplas ce abita Europa de la Preistoria asta oji. Alga de la sivilias la plu conoseda de la preistoria european ia es la minoan e la micenean, cual ia flori en la eda de bronze asta cuando los ia cade en 1200 aec.
Fondo
[edita | edita la fonte]Introdui
Esta libro presenta un vista jeneral de la istoria european, de la fini de la Impero Roman a oji, aprosima de la sentenio 5 a la sentenio 20. Esta es, evidente, un periodo alga capris, ma no intera nonusosa. An si atestas arceolojial mostra un Europa de colonial continuante tra desuples de miles de anios, la atesta de un ordina sosiolojial e political de esta comunias es rara si no completa asente. La istoria de la europeanes temprana es donce un istoria de sua utiles e colonias.
Eda neolitica (7 000 aec a 3 000 aec)
La periodo neolitica es marcada par la estende de la cultiva e la seramica. Utiles como la axa de petra es comun tra esta periodo ma sua orijin presede la neolitica. La axa de petra, an si simple en sua deisnio, es perfeta capas de desforesti. Lo es natural suposa ce utiles fada per linio ia es ance disponable a la om neolitica e con la aumenta de la cultiva la nesesa de iugos e arados de linio. Par contrasta, linio no es un material durante e donce la trovas arceolojial es rara. Atestas de sosias cultival data de 9 000 aec en Asia e on crede ce la praticas cultival ia estende a Europa tra du milenios. On ave un discute sur la developa nondependente de tecnolojias no influida par otra fonte esta la injenia interna de la comunia mesma an si plu investiga va es nesesada per prova esta idea. Per nosa intendes, nos va vide la estende de la tecnolojia neolitica como dependente de sosias en contata lunlotra a nos va adere a la teorias de progresa de este a ueste.
La mar Ejea e Europa sude
La atesta prima de un cultiva european es locada en Cnossos, Criti, e data de la milenio 6 aec. La Mar Ejeo con sua isolas diversa con distantia corta lunlotra e bon clima furni states ideal per coloni. Ondas seguente de migra par poplas tribal diferente de la este ia gida a la institui de comunias tra la Ejeo e ance longa la areas costal de Turcia e Elas moderna. No es un coavebi ce la romanes ia crede se mesme desendentes de Enea; la eroe lejendal de Troia; car en la lejendas e mitos de Europa clasica es locada la panteon de dios e eroes. Criti como un de la isolas plu grande en la Ejeo e locada entre la costa de Africa norde, la sude de la penisola eurooeran e la costa de Anatolia con recursos natural plu abundante ca otra isolas ejean plu peti e un masa de tera sufisinte per suporta un cuantia de abitores grande ia es ideal per coloni. La coloniste de Criti ci ia ariva en 6 500 aec ia trae con los la praticas cultival de la este de la capasias de viajores de mar; du fatores ci ta ave un rol xef en sua asende futur como un forsa major en la Ejeo.
En la continente de Elas sentral en la rejio de Tesalia; sentos de abitas neolitica ia es descovrida per arcelojia de campo, mapa airal e analise spetral par satelite. La planos aluvial de la rejio ia es atraente per comunias basada e cultiva e eleva de animales. La analise de fratos e abitas mostra un cultur comun entre esta sites con la seramica mostrante un stilo distinguida e un tecnica arcitetal "grilia fangida".
Europa norde
La casas de gamon preistorial de Vingelz en Suisa (3 000 aec) con sua "fabriceria" de axas de petra e abiterias sirca de un fonte de acua es tipal de otra sites cultiva trovada en Frans, Deutxland, Osteraic e otra locas de Europa. Esta "viletas" neolitica construida sirca de costas de lagos e pantanes de la Alpes mostra un colonia continuante de 4 500 anios. La Alpes no ia es un impedi per intercambia con trovas arceolojial de fratos seramica, utiles de petra e abiterias mostrante similias cual sola pote es esplicada per contata e intercambia mutua. Esta "viletas" neolitica probable ia interncambia e intersposi tra la Alpes an si esta ia es en alga aspetas limitada par la poca numero de abitores e ia es struturida per identifia familial e tribal en loca de nasionia.
La lejor debe considera ce la rejiones de Europa ia developa a tempos diferente an si ia esiste redes de intercambia estendosa traversante Europa en esta tempo. Esta fata permete un serta grado de uniformia entre periodos e tal on pote grupi periodos european temprana seguente la trovas arceolojial, normal relatada con utiles e armas.
La eda de bronze (3 000 aec to 700 aec ) La asende de la sivilias minoan (3 000 aec a 1 100 aec) e micenan e sua influi en la isolas ejean e Elas continental formi la istoria temprana de Europa sude. La descovre de esta sivilias temprana ia es la resulta de investigas per arceolojistes de la sentenio 1800 ci ia studia la leteratur clasica de la mundo antica per sua valua istorial en loca de sua contenida mitolojial. La descrives de re e sites refereda en la Iliada ia es investigada per trova trasas etnografial e jeografial e sua loca. Heinrich Schliemann e Arthur Evans ia es du abrivias en esta tipo de investiga. Schliemann ia xerca la site de Troia en la costa de Turcia moderna e Arthur Evans ia xerca site perdeda en la isolas ejean. Schliemann ci ia fa sua fortuna per la contratas en la Gera de Crim, ia vada a un loca en Turcia oji nomida Hisarlik. Investiga sprima de la loca de Hisarlik ia gida a algunes a proposa ce esta ia es la site perdeda de Troia refereda en la Iliade ce miles de anios plu tarde es conoseda par la regardores moderna per la cavalo de lenio. Schliemann ia es la prima escavor de esta loca e sua descovre de Troia es considerada la prima investiga moderna de istoria clasica en relata con sua mitos e leteratur. Poca pos de la descovre de Schliemann, Arthur Evans ia descovre la sivilia minoan en Criti. Schliemann ia fa otra grande descovre, la sivilia micenan ci ia domina la isolas ejean. De importa spesial per la europeanes es la tabletas linial B en Cnossos (Criti) par Arthur Evans. Esta tabletas de arjila conteni un forma de elinica anticin de la milenio 2 aec. Esta es la lingua scriveda elinica (european) plu antica conoseda par nos e donce sua importa en relata con la Iliada de Homero es fundal per nosa comprende e investiga de la mundo ejean en la eda de bronze.
La periodo clasica (700 aec a 500 ec)
La asende de la site-stato elinica de 1000 aec a ante es en parte un continua de la ejemonia ce la sivilia minoan en micenan ia suprapone sur la rejio. An si la elinicas ia ave un punto de vista diferente de la site stato e ia developa formas de governa ci ia depende de la partisipa sitadan de cual Atina en la sentenio 5 aec es considerada la apico. Un de la aspetas noncomun de la sosia elinica ia es la esiste de la site stato de Sparta locada en la sude de la Peloponeso. Sparta ia es un potia militar rejional forte e un competor de Atina tra la periodo clasica. Lo ia es de interesa a alga atinanes como la filosofiste Plato ci esamina varia formas de governa en sua libro La Republica, incluinte la sistem de la caste de geror de Sparta. La ata de 300 spartanes ci ia defende la pasaje de Termopilae contra la armada invadente persian es ancora considerada como capsulinte la esense de la site stato spartan. En la otra sites stato de Elas, la forma de un stato militar gidada par un elite de oligarcas ia es temeda e amirada. La istoria de la continente elinica es liada a la disputa entre Atina e Sparta; amba formante alias con otra sites stato elinicas. La Alia Delian ia representa la interesas de Atina e sua alias e la Alia Peloponesian la de Sparta. La idea de la site tato como un potia nondependente ia es tan forte ce la sites stato elinica ia sola vinse sua enemia cuando ia debe luta contra la invade stranjer ci ia menasa a tota los. A un ves la mensa stranjer ia es desaponesa, la sites stato ia reveni a sua enemia. A fini este luta interna entre la sites stato elinica ia permete la macedonsces gania control de tota Elas. La romane sia vide esta espande macedonsce como un menasa e la disputa ci ta apare a pos ta gida a la domina roman de tota Elas.
La apico de Atina en la sentenio 5 aec es ance la comensa de la espande de Roma ci ia es un site ensircada par otra tribus e sites stato. La espande de Roma ia comensa como alias o atacas contra otra renas de Latio con un vide en securi sua rol sentral en la rejio. A fini, cuando la fortia de Roma ia crese, ance ia fa sua estende e pronto la sites stato elinicas de la sude de Italia ia debe alia con Roma. La divides tribal interna en Ialia ia gida a la gera contra la samnitas (tribu de la sentro de Italia) ci ia menasa la sites stato elinicas de Italia. La geras de Roma contra Cartago ia fundi plu la loca de Roma en la rejio. Roma ia vinse la etruscanes a la norde de sua site e la tribus ensircante. Lo ia luta e vinse la tribus de la rejio sentral. Aora la sude de Italia ia veni su la ejemonia de Roma como un garda contra la estende de Cartago tra sua alias con la renas ejean oposante la potia roman. Roma ia deveni la senior de tota Italia en 272 aec. Esta domina de Italia ia gida a Roma a senti se confidada per lansa operas militar contra Cartago. Italia, ci en multa tempo ia defende se contra la armada de Cartago aora ia es atacante. A fini Roma ta ataca Cartago mesma en 148 aec e ia priva los de sua interesas en la Ejeo e en Espania a pos los litiga per pas. Roma aora ia estende sua controla a tota la Ejeo e a la areas costas de Espania. Cartago ia es destruida e la romanes no ia ermete abita la site denova.
La Impero Roman ia ateni sua apico en la periodo augustan (50 aec a 20 ec). An si Roma como un republica ia ave concistas teritorial estendosa, lo es en la rena de Augusto ce la imperio ia ateni sua estende teritorial plu grande. De esta periodo en Roma la Republica nunca ta esiste esetaen la imajina de la istoristes e la popla. La rena de Augusto ia vide la fini de la Republica e la comensa de la Imperio. An si la bandera "SPQR" (Senatus Populusque Romanus - La Senato e la Popla Roman) ia onda, sua valuas republican aora inclina a la voles de la imperor. La periodo augustan es videda com un eda orosa per Roma -la pas relativa e la stabilia en la rena de Augusto ia permete flori scrivores e arte roman. Per la 40 anios prosima, Roma ta es la potia plu grande en la mundo, an si a fini, en la sentenio 3 e 4, la presas ia gida a Roma abandona sua suporta a sua provinses.
La colasa de la Impero Roman, comensante en la sentenio 4 ec, ia causa un contrae de relatas cual ia uni la sentros urban de Europa, ma lo ia crea ance la funda per la reorganiza de provinses, cual en la sentenio 11 ia crea multe statos rejional peti. De la sentenio 11 a ante esta statos rejional peti ia comensa cambia a la presedentes de la nasiones european moderna. Esta ia es gidada partal par la inventa de la campo bancal, la comersia internasional e la asende de la statos comersial como Venezia cual ia controla la comersia de la este. La sentenio 5 es, donce, un punto de comensa usosa, perce forma la frontera istorial entre la antica e la moderna.
Jeografia
Europa no es un unia jeografial separada, e es multe fasil vide lo como tal, cuando en realida la cultures de Europa flue ultra sua frontesas. La campanianes de Italia o Espania, pd, ia ave plu en comun con sua visina en Africa norde ce con sua corespondentes en Deutxland o England. Simil, grande partes de Europa este, xef Rusia, mostra influis cultural importante de la cultures asian, e ia es istorial plu conetada con la este ca con la ueste.
Un problema importante es donce la natur porosa de la fronteras jeografial de Europa. En la sude, la paises european de la Mediteranean es a un naviga corta de la portos en Africa norde. En la sude-este, Europa es separada de Asia per un canal corta en la Bosforo, e la cultures plu importante en la rejio, como la Impero Bizantian e la Turces Osmanian, ia es estendeda entre Elas e Turcia. En la este Europa es separada de Asia par la Montes Ural, e la clima, en loca de la jeografia, es la bara plu sinifiosa per viaja entre la este e la ueste. Es sola en la ueste de Europa, con la Mar Atlantica ce on vide un paradr jeografial clar.
La responde a este problem es aseta ce trata Europa como un unia separada es alga caprisal. Lo es esensal, en tota istoria, defini la campo de studia, e trata Europa como un unia es un forma de ateni esta intende. Si on recorda esta, la problem de la jeografia european vera no es un problem. La fronteras jeografial caprisal de Europa no debe sustrae la atentas de investiga la istoria de rejios individua en la continente.
Como prosimi la investiga istorial
La istoria es frecuente videda en termas naral, como un nara consernante la ativias de nosa asendentes coletiva. Lo es vera, a grado grande, ce la istoria es un forma de nara, an con tota. An tal, diferente de otra formas de nara, istoria es prosima fundida sur avenis real e es donce formida par alga regulas e gidas.
La plu importante de estas governa como la istoristes leje la material fonte. Ante ce la istoriste pote confidada dise ce un aveni particular ia aveni, el nesesa fatos suportante. Multa de la fatos suportante es documental, como rejistras scriveda per jeneras pasada en la vive dial. Lo es rara ce esta documentas ia es scriveda per la consuma de jeneras futur, e donce es importante per la istoriste comprende la forsas ce ia dona forma la produi de esta documentos.
On ave un numero de critios per esta:
- Cual ia motiva esta persona per ata?
- Cual ia es la disposas dominante en acel tempo regardante esta idea?
- Como avenis presendente ia causa esta?
- Cual es la avenis simil e como ia evidenti?
- Como va esta aveni importa en la futur?
- Perce esta aveni aveni aora en loca de ante o plu tarda?
- Como ia es este aveni afetada par forsas en la sosia= Este forsas pote inclui la eglesa, constrinjes economial, la governa, jeografia, la educa de la persona como ance la educa jeneral de la sosia, tecnolojia, nasionalisme, cultur e tradisiones, e la clase de la persona.
Esta pode es resomada en la metodo 'ADAITIL' per evalua fontes istorial:
- 'A' - considera de la autor de la fonte
- 'D' - considera de la data de la fonte
- 'A' - considera de la regardores intendeda de la fonte
- 'I' - considera de la intende de la fonte
- 'T' - considera de la tono de la fonte
- 'I' - considera de lo cual la fonte implica (dedui)
- 'L' - considera de la limitas de la fonte
La usa de esta tecnicas va permete a tu saisi plu bon la avenis documentida en esta libro, e los va permete a tu aplica tua conose estra memori.
Tota nosa contribuores espera ce tu va trova esta libro usosa per aprende plu sur la istoria de Europa -.
Cade de la Impero Roman
Es normal parla sur la cade de la Impero Roman, ma en multa formas esta descrive es tro simple, e pote es malgidante. Serta, la stato sentrida governada par Augusto Cesar e sua susesores ia desapare de la istoria. An tal, la lejes e la lingua ce Roma ia dona a un vasta area de Europa ia persiste en sua influi pos la colasa de la Impero.
La ultima periodo de la Impero Roman ia plen de tumultas sosial e political. Multa de la tumulta ia envolve la Impero ueste falinte. De la sentenio 3, la impero roman ia es su ataca constante par forsas interna e esterna. Tribus cual Roma ia nunca tra su la Pax Romana ia vide en un Roma debilida la momento per o estende o ataca. La custa de manteni la campas avansada atacfada plu distante e la fronteras de la impero ia sinifia ce un armada profesional ia debe es mantenida estra la pais constante, un atenta cara per cualce pais en cualce periodo. Interne la militari de la Impero Roman ia sinifica ce la armada ia deveni un forsa politica potiosa e en la stadios plu tarda de la Impero ia ave un rol major en la eleje de la Imperor.
An si Roma ia concista la este e la ueste, esta site peti en la colinas alban en la rejio de Latio ia vide se estendeda. Con un grande impero ia nase la nesese de estende la sitadania a esta ia gida a ce la imperores ia veni de tota la impero en la ultima anios.
Esta tensas a la fibre mesma de la impero ia desinia un linia entre la provinses este e ueste. La fato ce la Site de Roma ia comensa un periodo de declina e la importa perene de emporta de gran de Egipte e otra provinses de la este ia sinifia ce Bizantio (oji IStanbul e ante nomida Constantinopoli) ta es usada per lia la este de la Impero Roman con la ueste. Constantino 1, en un atenta de usa Constantinopla como representante de la integra completa de la Impero Roman Este en la Impero UEste Latin, ia comensa nonintendeda la rompe de la impero. Pos la mori de Constantino la impero en la ueste ia vide a un periodo de tumulta cuando sua tre fios ia luta lunlotra per controla Roma. A fini Constanti 2 deveni la sola imperor a pos sua du fratres ia es asasinada, e ia eleva sua cusin Constantio Galo a Cesar de la Impero Este. La impero ia es aora du potias diferente, un fato ce ta formi la istoria de la eda medieval e la curso de cristianisme per la mil anios seguente.
La influi e potia diminuinte de Roma ia gida a la retira de la cultur roman ci a un ves ia domina la provinses. A tota la provinses roman, la sitizanes nonromana de ci la asendentes ia adota Roma como la ase de sua mundo ia comensa a dona plu asentua a sua identias local -galos, espanioles, britones, africanes de norde ia plena la vacua lasada para la departe de la armadas roman redeclarante sua cultur e lejes propre. La Pax Romana comandada par Augusto ia permete ja ce leges e costumes local domina supra la leges de Roma, si la provinses ta aseta mera ce sua militares e impostas es controlada. En relata con esta la fini de la Impero Roman ia sinifia ce la provinses ia es aora libre per organiza sua propre asuntos militar e economial. An tal los no ia dejeta tota cual Roma ia ofre. La latina ia es la lingua franca de politicas e comersia, e la on ia adota zelosa cualias plu bon de lege roman, spesial en relata con la codigi de leges cual ia deveni alora asedable per la publica e aplicable a tota sitadanes.
Tribus enemia ci a un ves ia es repulsada par la armada roman ia pote invade aora tra la frontera roman, coloninte la teras imperial. Esta tribus no ia es aliena a la cultur roman con multa de sua gides e popla avente contato constante con Roma an tra la macina economial e political de impero. A pos organizante sosias paralel en la areas ci ia invade, lo ia es natural ce los ia misca con la popla roman esistente. Esta prosede ia dura entre du e tre sentenios e ia resulta en un cambia en la composa de la sosia european dentro de la fronteras roman. La parte este de lingua elinica aora ia vide Bizantio como sua sentro, e esta divide de la impero ta deveni permanente en la Europa de la sentenios plu tarda.
Lo plu importante de la atas de Constantino cmo imperor ia es converti en sua leto de mori a cristianisme. An si la Impero ia move a Constantinopla, la papia ia resta en Roma, como consetida par San Pedro, la prima pape. A alga grado la potia papal ia deveni sinonim de esta de la imperor ueste. La capital secular de la impero ueste ia es Ravenna. La xefia povre e la angusa par la invade ia gida a la cade de Roma en 410 par la visigotas. La Impero ueste ia cade en 476 en Ravenna. La impero este restante ia es refereda como Impero bizantian, par sua capital. Italia ta no es un stato unida asta la sentenio 19.
La barbares ia uni
A cuando la potia roman ia esflue, tribus de fora de la fronteas vea ia move per completi la vacua. La visigotas ia institui un rena nova en la penisola Iberian, en cuando la vandales a fini ia coloni Africa norde. En Britan, la tribus germanica ia ariva e coloni la costa este en 5 ec. Esta colonistes a fini ia institui renas anglosason ce ia completi la vacua lasada par la parti de la romanes. La Italia posroman mesma ia cade su la influe de la ostrogotas, de ci la influente re, Teoderico, ia es asetada como imperor nova par la Senato roman, e ia ave bona relatas con la pape cristian, ma ia manteni sua seja de potia en Ravena, en Italia norde. Italia sude e Sicilia ia vive su la influe de la bizantianes per multa sentenios en esta periodo.
La provinse de Galia, ci ia es un de la plu rica de la provinses roman ueste, ia es concistada par la francos. La sosia galo-roman a sua gidores asorbe a fini la francos, dependente de la gerores per securia e fortinte lias de sposi con la clanes franco. La rena franco nova ia inclui multa de Deutxland ueste e norde de Frans e sua potia en esta rejio ia es fada evidente per la vinse contra la visigotas e otra enemis barbar. La parola deutx per Frans Frankreich, onora la rena franco de la pasada.
La dinastia merovingian, nomida pos la re tribal lejendas Merovc, ia es la prima en governa la rena franco. Sua gidor plu destrosa e potiosa, Clovis, ia converti a catolicisme en 496 como promete per vinse en batalia. A sua morte, el ia divide sua rena entre sua fios, de ci la compete ia deveni en un sentenio de geras interna sanguosa. Alga, como Chilperic, ia es demente, e zero de los ia vole sede sua teras o potia per reuni la rena. La fortunas de la merovingianes ia esflue e los ia despare en nonpertine.
La asende de un nova potia governante, la dinastia carolingian, ia es la resulta de la potia cresente de la Majordomo, o "testa de la casa". La res merovingian ia dona a sua majordomo potia estendosa per gida e contrla sua estatos, e alga de estas ia usa esta potia per comanda e controla teritorios intera. Pepin 2 ia es un de la prima en estende sua potia tan multe ce ia ave potia sur cuasi tota la Galia. Sua fio, ance un majordomo Charles Martel, ia gania la batalia de Tours contra la armadas muslim invadente, escluinte la influi muslim de cuasi tota Europa. "Martel", ia es un refere a sua arma elejeda.
La fio de Martel, Peni 3 la basa, pos solisitante suporta de la papia, ia dejeta la "pupetas" merovingian. La papia ia dona a Pepino permete per suverti la morevingianes per securi la suporta franco a la statos papal, e proteje contra la avansa langobarda. Pepin ia es declarada rex Dei gratia (Re par la grasia de Dio) donce instituinte un presedente potiosa per la asolutisme european, razonante ce ia es la desira de la Dio cristian declara algun re.
(Amba Pepin 2 e Pepin 3 ia es conoseda como Pepin la joven, como Pepin 1 ia es Pepin la Major. An tal, Pepin 3 es ance conoseda como Pepinla basa es esta es la nom ce nos va usa asi).
Pepin la basa ia es la fundor de la dinastian carolingian, cual ia culmina en sua fio Carlo la grande. Carlo la grande ia es la prima re coronida Imperor Roman Santa (la suposada seguor de la Cesares e la protejor de la Eglesa Catolica). Carlo la grande, de ci la impero ia estende per concista per ensirca plu de Deutxland e Frans de oji, ia crea alga cosa de un renasa per la mundo inteletal de la rena franco. Carlo la grande ia organiza moncerias e ia fa ce la monces ta copia la Biblia, en manscritos luminada, en salas nomida scriptoria. Per femes la stofa ia es un de la poca formas en cual ia pote estende sua orizones inteletal e fa alga diferente de pari e labora en la campos.
La fios de Carlo la grande ia segue la tradision germanica a pos sua mori e ai divide la rena entre los en la sentenio 9. "Francia" este e ueste ia emerji, cual en la sentenios seguente ta es nomida Frans e Deutxland (la ultima a pos conoseda como Impero Roman Santa). En esta tempo, la rejions abitada de Europa ueste ia es plu atacada par la vicinges, grupos de gerores maral de Danmarc e Scandinavia de ci la dios ia inclui Tor e Odin, e de ci la atacas a sites e eglesas rica european ia es sola un de la cualias de sua redes de comersia, cual ensirca la Atlantica e Europa de Newfoundland a Bizantio. La ativia vicing ia continua asta ce Noria e Suedia ia aseta esitante la cristianisme en la sentenio 11 e 12. England, Er e Normandia franses ia vide un coloni vicing sustantial en esta periodo, con resultas istorial importante.
En Espania, un rena elejal visigotica ia flori, con disputas constante, asta 711, cuando la plu parte de Espania ia cade rapida su la invadores muslim. Un grande impero muslim, nomida la Califia de Cordoba, ia clori cultural e per la armadas. EN la montanias de la norde, renas cristian peti como Galicia, Asturia, Navarra e Aragon ia persiste. La frontera con la impero franco, nomida en espaniol Marca Hispánica ia inclui Barcelona desde 801 (la orijin de la Prinsia de Catalunia). La muslimes ia perde sua ultima rena espaniol, Granada, en 1492, cuando la re de Aragon, Fernando, ia sposi la rea de Castilla, Isabel, en 1469. La uni dinastial, produinte la neta Carlos 5, ia manteni la fronteras interna e la nasionalias, lejes e instituidas diferente de cada un de la renas antica asta la sentenio 18. Navarra ia es ajuntada en 1515 e ancora mantenia sua lejes e politica finansial propre, como Euscadi.
Italia ta comensa a separa en renas plu peti gidada par formas de governa diferente. An tal, la papia ta es capas de eserse grande forte supra la plu parte de la popla european.
Europa este, min poplida e plu distante de la fronteras roman, ia esperia multe invades e migras entre la sentenios 6 e 10. De sua propre pais en Rusia sude, la polas slavica ia estende a ueste seguente la migras germanica, coloninte la Balcanes, Bohemia, Polsca e Deutxland este e dividinte sua fidas a la seguores de Roma. La polsces, txesces e corvatsces ia adota la cristianisme latina en cuando la res balgarsce, serbsce e rusce ia aseta la rito elinica bizantian. La bosnianes, un tribu peti de slavicas sude, ia dota un liturjia propre e en la sentenio 10 ia establi la Eglesa Bosnian, frecuente confundida con la bogomilisme par causa ce la res bosnian ia mostra un alta grado de tolera con los e an ia proteje los, alga veses con resultas trajedial para su propre modo de vive e serta con resultas istorial per la Balcanes intera. La magiares, un tribu de gerores montada etnical relatada con la hunes, ia entra en Europa de la stepes rusce en la sentenio 9, ia luta un serie de geras con la imperores deutx ci ia segue a Carlo la grande, e a fini ia concista Magiar como un rena cristian latina (sua re Stefan ia deveni santa). La poplas de la rejio baltica, como la prusianes e latvianes, ia resta nontacad par la estende cristian en la eda medieval temprana. En Rusia, un rena en Ciev ia es formida, asorbente amba poplas slavica e elementos scandinavian.
Britan ia es divideda en varia renas pos la invade anglosasan, asta la periodo de la invades dansce. La Re Alfredo ia uni la plu parte de England en un rena en la sentenio 9 tarda. En 10 otobre 1066 William la Bastardo, plu tarde William la Concistor, ia comensa un invade normande de England con la batalia de Hastings. La control franses sur England en esta periodo es mostrada par la vocabulo formal en engles, cual veni de la franses.
En 1215 la barones de England ia forsa a la re John a siniala Magna Carta. La re John ia es spesial despotin. El ia maltrata sua vasales, ia mata sua sobrin xico Arthur, e ia trae la coleria de la Eglesa supra la pais en la forma de Proibi Papal (no sersis egleas ia es fada: no sposis, funeras o misas). Sua barones a fini ia uni contra el. En cuando el ia es xasante, los ia ensirca el donante el la eleje de sinia la Magna Carta o la mori. La Magna Carta ia conserva par leje alga deretos cual la barones ia merita. La potia real asoluta ia lasa loca a governa par acorda e la funda de la Parlamento ia es locada.
Arte romanica e gotica
Romanica es la nom donada a la stilo arcitetal ce on trova traversante Europa entre la sentenios 10 e 13. Lo is empresta elementos de la arciteta roman antica e la bizantian este en un fusa de ricia e usosia. Esta es la eglesas de un relijio cristian rica e estendente. La asende de ordinas relijiosa e moncalia, la nesesa de furni a congregas plu grande cuando la popla ia crese; la desira de sponsori e memoria como un benficor cristian e la nesese potiosa de construi eglesas cual refleta la belia e potia de emosia relijial es fatores xef en la arciteta romanica. Tu pote es sin duta cuando entra a la Catedral de Notre Dame ce tua carne corpal es en terra firma ma tua spirito aparteni a la rena de la sielos. Multe eglesas resta de esta periodo, atestante la developa de metodos nova de construi voltas en petra en loca de lenio. La stilo de la basilica sede a espresas plu alta de arciteta relijiosa. La arciteta romanica es desiniada per espresa la potia spirital e autoria de la Eglesa. Multa casteles ia comensa a es construida en esta tempo e ia estende a pos. La cualias xef de la arcitera romanica es la arcos de testa ronda en fenetras, portes e arcadas, colonas retangulo e silindre, voltas semisilindre, voltas crusada e fenetras duplida. Eglesas romanica tarda ta pote ave voltas costelin. La mures es densa e la contrafortes es plana. Arcos de porte culmina comun con un timpan scultada, spesial de Cristo en gloria. Mures interna ia es porta comun frescos de senas de la Biblia
La arciteta gotica ia developa de la arciteta romanica en Frans en la sentneio 12 temprana e ia estende tra Europa, esente alterada en rejiones diferente. Lo ia dura en alga partes de Europa asta la sentenio 1500. La arciteta gotica, como videda en multa de la grande eglesas e catedrales de Europa, es distinguida par la usa de la volta puntida e la volta costelin. Plu tarda la volta costelin ia deveni multe complicada e ornal, xef en England, Espania e Europa este. La developa de contrafortes protendente e arcos apoiante ia permete abri la murones per es plu grande e la voltas plu alta. Colonas ia ave comun un grupo de palos per suporta la costelas e moldures a supra. Portas e fenetras ia ave arcos puntida. La portas ia es frecuente locada en portones rica siselida e ensricada par sculta nonstrata. La fenetras ia deveni plu grande e ia es completida con traseria suportante la vitro. La vitro colorida ia deveni un forma artal plu importante ca fresco en tota Europa eseta en Italia.
Lumina de manoscritos ia es un forma artal major en la eda medieval tarda. Ma manoscritas ia es copiada par mano, frecuente par monces laborante en la scriptoria en la moncerias. La libros cual ia es tal produia ia es frecuente luminada (decorada con imajes e bordas ornosa). Frecuente la letera comensal en un paje ia es luminada con color e senas peti. La stilo de decora ia developa cualias local, variante de la bordas floral e astrata, a vistas detaliosa e senas interior de la Tres Riches Heures de la Duc du Berry par la fratres Limbourg.
Poesia e musica ia es portada entre sites par musicores viajante nomida menestreles. Esta menestreles ta dona novas de tota Europa cuando ia viaja e ia conta naras e cantas. Un de la poemas germanica plu longa, Beowulf nara la mata de un bestia jigante ci ia pesta un vila. Otra de estas epicas ia es la Canta de Roland (basada en la ataca a la soldatos retro de Carlo la grande par la euscaras cuando Carlo la grande ia gida sua omes estra Espania).
Potia papal en la eda medieval
La papia ia es un instituida potiosa en la Europa medieval. Relijio ia permea tota la aspetas de la sosia e egal ia aplica a la re ca a un cultivor. En Euopa medieval la Pope ia es ajente de potia e reconsilior con un autoria spirital enorme en un eda do la esiste de sielo e inferno e la camino de cada un ia es costante esaminada. La cortia de la vive, maladias, mortalia enfantal e pesas ia ajunta a la preocupa con mori e la spirito eterna, fida ia es la medica de la mente medieval. La Popes ia asinia bispos, ia reseta desis, ia proclama leges canonal tra la mundo cristian. Los ia pote clama a crusadas contra cualce enemi de mundo cristian, levante armadas gidada par la res e cavalores de Europa.
Esta debe es videda en constesto considerante la natur de la potia papal. La potia real ia deriva de posese de tera, cual ia es esensal per leva armadas de cavalores. La papia ia ave min ativas direta, e per complia la asuntos, esta no ia pote es pasada par erita. Esta ia sinifia ce un Pape sirca de mori ia pote sola rici sua familia donante propria eglesas, tal estraente la ativas de la corte papal en loca de grandi los. Donce, la Pope ia debe depende de otra formas de potia, e sua autoria spirital ia es sempre un alternativa a control teritorial direta.
La Pope ia atenta tra metodos political controla Europa. El ia presa multa res per ce los loca sua bispos en ofisias nonrelijiosa potiosa. En responde a esta la res european ia deside pone sua propre bispos en poses relijial en un posede nomida asinia de eglesores (investitura). La imperor Henrico 4 ia vende multa bispias asta ce ia atenta despone Gregorio 7. En responde Gregorio 7 ia esclui el e ia remete sua vasales de responsabilia a el. Henrico ia atenta mantei sua rena unida, ma contra un popla colerida e terorida par causa de sua spiritos, el ia vade a la monceria de Canossa en la Alpes per suplica la Pope remete el, parada estra la murones con pedes nuda en la neva ante Greogrio 7 ia sede e desapone sua esclui. En anios la POpe e la Santa Impero Roman ia disputa sur la asinia de eglesores asta la Pope Calisto 2 e la Santa Imperor Roman Henrico 5 ia esecuta la Acorda de Worms, ci ia dona a la Popa autoria per pone bispos en poses relijial e a la imperor la autoria per pone bispos en poses nonrelijiosa. Esta luta ci ia fini con la Acorda de Worms ia es conocesa como la la Controversa de Asinia de Eglesores.
La aspetas asteninte de Cristo ia es sempre ja comun en la vives de la cristianes, de San a San Fransesco de Assisi la instrspeta
La aspetas asteninte de Cristo ia es sempre ja comun en la vives de la cristianes, de San Augustino a San Fransesco la introspeta inteletal e la rejeta de luso ia atrae a aceles xercante es plu sirca a Jesus. Esta retira a un comunia comun ia esite en Asia sude-ueste en la nase de cristianisme. La seta iudiste ci ia asconde la Libros Rolada de la Mar Mor en cavas ia es sola un de la multe comunis asteninte dedicante se a la vive relijiosa. La periodo medieval ia vide la developa de ordinas asteninte basada sirca moncerias. Ordinas nova ia es formada per segue serta intendes relijiosa. San Benedito ia es la prima en comanda un camino en cual tota la ordina ta debe funsiona. La ordina benedictin ia segue rituos multe spesifada. Entre esta ia es tempos esata per cada prea; lo es sujestada ce esta ia gida a la develop de la orolojo sirca la tempo de la Consilio Cuatro de Laterano. La Consilio Cuatro de Laterano ia institui regulas per adora per tota la ordinas moncal. Esta regulas ia es basada en aceles de la sistersianes. Citaeux, la padre de la ordina sistersian ia uni toda la moncerias su un "Ordina", ma ance permete los ave sua cualias rejional propre. La monces no sola ia developa la politicas inteletal de la Europa medieval, ma ance ia aida entre siter per ofre comeda e servis a la povres.
Sosia en la eda medieval
La sindicatos, ci ia control ci ia pote o no ia pote labora en un profesa tra educa e integra vertical, ia es la prima forma de universias. Entre los ia es la universia de Salamanca, Paris e Bolonia. Scolastica, un filosofia de educa cual ia asentua la instrui de la Biblia e Aristotele, ia es la forma comun de educa. La Renase ia trae Umanisme e la artes liberal.
La sites ia comensa a formi un loca per la botecas e la sindicatos. La sites ia es nesesada como sentro per comersia e multa de la sites medieval famosa de Europa ia es portos. En estas sites, mone e capitalisme ia comensa a flori. En la nore, la gilder ia devenia un mone potiosa e cuasi unviersal. La europeanes ance ia reabri rutas de comersa nonativa con Xina e Asia sude-ueste. La Via de la Seda ia es traversada denova, e multe de la periodo de esplora e descovre de Europa ia intende trova vias plu rapida e fasil per vade a la este.
Avansas en cultiva ia es aparente. Campos ia deveni aradida par grilias grande de metal tirada par bestias. La europeanes ance ia comensa a lasa campos reposante per permete nurintes reveni a la solo de tera, tal comensante la conseta de alterna de cultiva. La sistemes de feudalisme e seniorisme ia crese con la nova metodos de cultiva. Feudalisme, la arma political de la sistem senioriste, ia organiza la sosia en un strutur piramidal, con seniores governante, e a su sua vasales. Un vasal ta reseta tera e, par intercambia, ta proteje e responde a aceles supre los. La seniorisme, la fini economical de la sistem, ia es la forma en cual esta proprias grande ies es manejada. La vasales ta cultiva la tera e ia comersia la gran a la senior per proteje, asede a reserva, un molin per mole la gran, e asede a fornos per forni pan produida de esta gran. Tal ia es furnida la comeda. An tal, farina molinida de gran medieval ia es frecuente bruta e dur per la dentes. La fonte e acua ia es frecuente contaminada, donce la gran ia es usada per fa ale cual ia es la beavida xef de la europeanes norde, contra ce la vino ia resta la eleje de la europeanes de sude.
La crises de la eda medieval
[edita | edita la fonte]Introdui
La eda medieval ia es un periodo de sirca mil anios de istoria; jeneral asetada como estendente de la cade de la Impero Roman (a fini la sentenio 5) asta la descovre de America en 1492. Esta periodo ia comensa con un declina de demografial en la fini de la Impero Roman, con poplas european diminuinte e multa sites e feudos rural abandonada. Un clima plu fria, maladias e disturbas political ia fa un rol en esta periodo cual ia vide la sivilia mediteranean clasica eclisida. Traversante Europa ia emerji sosias plu peti, localida e ibride combinante influis roman, cristian e germanica o celtica. En la sentenios 9 e 10 la poplas ia ateni sua minim, e Europa ia deveni xef rural e a alga grado un rejio retrogaradal. Comersia e aprende ia flori en la mundo muslim, Xina e Barat en esta mesma periodo. La armadas muslim ia concista Espania en la sentenios 7 e 8, ma ia es vinseda par la rena franco en 732 cuando los ia atenta entra en Frans.
La cambia de la milenio ia vide un crese e ativia renovida, cuando res e sites ia consolida sua autoria e ia comensa a repopli teras lasada vacua par la declina de Roma. Un clima plu calda pos 900 ia permete ce plu tera ta es usada per produi comeda. La sistem feudal de cultiva, do la campanianes ia es liada a sua feudos par obligas con la seniores local e la eglesa, ia furni un grado de stablia economical. Esta ia es aidada par la ariva a Europa de la colar de cavalo de Asia, cual ia aumenta la produis cultival a cuando permete ce la arados ta es gidada par cavalos, en loca de par un boves plu lenta. La site scomersial ia flori en England, Frans en Nederland. La gidores deutx ia envia a monces e campanianes a clari la bosces e coloni Europa este e la Baltica. La sites-stato de Italia norde ia ave plu ricia e influe. La Espania muslim ia deveni un sentro de aprende e culture do cristianes, muslimes e iudis ia coesiste en amia relativa. An con multa geras local e disputas entre cavalores, la alta eda medieval, de 1000 a 1250, ia vide un crise de abitores e un ricia sufisinte per construi grande catedrales e envia armadas european estra la continente a la crusadas.
A pos 1250, stania demografial ia emerji. La crese de la cuanti de abitores ia lenti o ia para cuando la limitas de la cultia medieval ia es atenida. Disputas major entre renas potiosa, como la Gera de Sento Anios entre England e Frans, ia deveni plu frecuente. La eglesa cristian, ante secur en sua autoria spirital, ia ave fendes e un froda finansial cresente. La anio 1348 ia vide un desaste cuando la pesta bubonal (la "Mori Negra") ia entra en Italia, portada par barcones de Asia. Lo ia estende tra la continente en tre anios matante un tri de tota la europanes. Multa ia crede ce lo ia es la fini de la mundo preside par la cristianisme. Junta a sua dole, la pesta ia trae ruina economial, levante la custa de labora e preveninte la continua de la sistem feudal vea, en cuando campanianes survivente ia despeta sua elejes.
La 150 anios seguente ia cambia Europa de un loca de feudos, su un control eglesal e real laxe en un coli de statos nasional bebeta ma plu unida. La vilas ia deveni sentro de resiste e disenti de la autorias real e eglesal. La vea influis de cavalores e nobiles ia declina, e la gidores ia realinia con la burjesia e la mercatores, un clase plu rica. La emerji de la primador e la estende de alfabetisme ia aumenta la disputas relijiosa e political en multa paises. En 1500, Cristoforo Colombo ia traversa la mar a la Mundo Nova, e Martin Lutero ia es sirca a defia la autoria de la Papia Roman e sua direto de premia con esenta de pecas par mone. Esta developas ia abre la eda moderna de la istoria, e ia fini con la eda medieval.
Alga instituidas moderna ave sua radises en la eda medieval. La conseta de statos-nasion con un governa sentral forte nase de la consolida de potias par alga res de la eda medieval. Esta res ia crea cortes real, asinia xerifes, crea armadas real, e ia comensa a colie impostas -tota la consetas sentral a la governa moderna. Un esemplo xef es la rena franses, gidada par la dinastia capetian de 987 asta la sentenio 14 temprana. La nobiles provinsial franses e sua casteles e cavalores ia es traida su control real en esta tempo, e la uni nasional ia es beneficada. Reversada, Deutxland, ci ia ave potiosa res en la sentenio 10 e en la comensa de la 11, ia ave un serie de disputas political en la alta eda medieval entre la gidores e la eglesa, cual ia debili la coere nasional e ia fa sende la seniores local a locas de grande influe.
En la eda medieval, la res orijinal ia clama la Parlamentos per esplica sua politicas e demanda mone. Parlamentos a esta tempo ia representa la tre clases coletiva — eglesores, nobiles e mercatores — no individuas.
La idea de governa limita ance apare, defiante la idea tradisional en acel tempo ce la governores ia ave tota la potia (como la imperores roman o la faraones egiptian). La aveni plu sustantial ia es en 1215, cuando la nobiles de England ia espresa sua diretos contra la re John en la Magna Carta. En ajunta, la idea de parlamentos, como esplicada a supra, ia apare, e la natur resiproca de la contratas feudal e seniorial ia furni la fundas per la conseta de contrata sosial.
En ajunta, la formi de burocratia governal ia comensa en esta tempo, cuando la consilios real de la res medieval ia evolui a la departamentos moderna de la governa.
A fini, la regula de benes e servis ia deveni plu importante en la eda medieval, cuando la sindicatos ia proteje la consumores de produidas povre.
La pensores de la Renase e la Lumina tende regarda la eda medieval con despeta, ma la eda medieval ia es esensal per fa la labora fundal per la tempos futur.
Formas nova de arte
Amba depinta e leteratur ia reseta un esplode nova de vive cuando la eda medieval temprana ia fini.
Depinta
Giotto comensa a espresa la forma umana plu realiste. An su sua formas pare primitiva comparada con acel de la artiste de la Renase, el ia es la prima en atenta retrae la realisme de la arte roman. El ia comensa developa tecnicas de perspetiva en depintas per ateni profonda. La plu de sua arte ia es en la forma de frescos de jeso en la murones de eglesas e eglesetas.
Leteratur
Cuando la prestijia de la Papia ia comensa a declina, la consensia nasional ia comensa a aumenta; esta nasionalisme ia apare en leteratur scriveda en linguas nasional o demotica, en loca de latina. Esta usa de demotica ia abri a ce cualias cultural local ta pote es espresada de forma plu natural. Esta leteratur ia permete senti plu realosa e uman a la lejores, e es per causa de esta ce obras como La Naras de Canterbury es considerada representas de vive en la tempo en cual ia es scriveda.
An si la alfabetisme de nonrelijiosas ia aumenta como resulta de la scrives demotica, la sosia ia ancora basada sur la cultur oral.
Dante Alighieri (1265-1321)
Dante Aligheri ia nase en 1265 en Firenze, Italia. Sua familia ia no es rica ma ia es considerada un linia aristocratal. El ia es enseniada para Brunetto Latini, ci ia ensenia a el la arte libreal clasica, incluinte latina e elinica antica. Antal, Dante abrasa sua lingua demotica e ia comensa scrive "La comedia divin en sua dialeto toscan. Oji, el teni un loca en la istoria como la autor un en fa esta. Alighieri ia considera sua obra un comedia par causa de la diferes entre la stilo de scrive italian e la grande trajedia latina. Sua epica en tre partes ia critica sarcasmosa la Eglesia e ia comenta sur varia individuas istorial e contempora. La figur la plu importante es estas es Vergilio, la poesior latina, ci ia ave un rol en la gida de Dante tra la vive pos mori. La emosias personal de Dante a multe persones es ance evidente en sua obra. En la strato la plu profonda de la inferno es Bonifasio 8, un Pape de ci la politica de estende el ia oposa. Cada parte de la poema representa grados de salva: la Enferno, la Purgatorio e la Paradiso. La Enferno inclui multe arcetipos de la enferno como la rio Stix e la navetor Xaron ci naveti la spiritos de la mores traversante la rio.
Geoffrey Chaucer (1340-1400)
La Naras de Canterbury par Chaucer, en colie de naras, ia esposa la interesas mundal de un varia de engleses. Esta colie de naras ia es locada en un strutur basada en un viaja a Canterbury como peregrina a la santeria de San Tomas Becket. La naras es naras inidividual de tresdes persones de esta peregrina. La nara varia de un relata romantica a familia a relijio, furninte un talia traversal de la sosia en acel tempo. Un grande persento de la popla, e donce un grande persento de la carateres, ia pare plu focada en la plaser material ca en sua spiritos eterna. La Naras de Canterbury es ance usosa per studia la demotica engles en acel tempo. Lo es un esemplo clasica de engles media cual la linguistes studiante England medieval e moderna temprana continua usante asta oji.
La Gera de Sento Anios (1337-1453)
La Gera de Sento Anios ia es un gera multe complicada, lutada entre Frans e England (con la interveni de ves a ves de otra paises), tra tre disputas xef. spesial, la nasiones ia luta per la control de la rejio de Gasconia en Frans, rebelas suportada par Britan en viletas franses de produi de vestes e la reclama engles de la trono franses a pos la mori de Carlo 4.
La gera, orijinal comensada par un disputa sur ci ta deveni la Re de Frans a pos l mori de Carlo 4, ia deveni rapida en un gera complicada e multifasetal. La re Eduardo 3 e sua fio Eduardo, comun conoseda como "La Re Negra", ia invade Aciten, un rejio enorme en la sude-ueste de Frans clamada par England. Con la pasa de tempo, la res de England e Frans ia envolve se en multa operas, variante de la gera interna en Bres, disputas comersial en lo ce ta deveni Beljia, an un gera en Castilla. La tre batalias xef de la Gera de Sento Anios (Crecy, Poitiers e Agincourt), ia es vinses engles resonada, cadente la flor de la nobilia franses en cada batalia. An tal, an si la engleses ia gania cada batalia xed e multa peti, un England relativa provre ia nunca pote domina Frans sude, la plu rica rejio de Frans, cual a fini ia gida a la perde de la gera par England.
La asende de la sites e la comersia
De la sentenio 6 a la 10, on ave poca sentros de comersia e sola clases peti de mercatores en Europa. La comersia de distantia longa ia es frecuente sentrida en la benes de luso per la nobilia e la elites de la eglesa, e ia es arbitrada par mercatores viajores como la suris o la iudis. La artisania ia es fada local en feudos. La popla ia no es grande sufisinte per suporta plu developas economial, e la atacas vicing e arabi ia fa la vias de comersia perilosa.
En la eda medieval alta de 1000-1500, la comersia de distantia longa ia deveni plu secur e tal plu profitosa. Como resulta, la artisanes ia move a la sentros cresente de comersia, obligante a la seniores e serfos a oteni sua benes de esta sentros de comersia. La vilas ia forma alias e federas urban, o comunias legal, cual ia labora junta per luta contra la crimines o trata la monarcas e nobiles. La sindicatos ance ia apare, permetente un supravide coletiva de la consernas -la labora ia es fada par persones fidable, e la sindicatos ia dona educa profesal. La spirito de la economia medieval, an tal, ia preveni compete.
La asende de la vilas ia ave un efeto librinte. Los ia forsa la seniores ofre termas plu libre a la campanianes. Frecuente, la campanianes ia gania sua libria par intercambia per un paia anial a la senior permetente un numero grande de persones move de laboras cultival a industrial en la vilas. Esta ia tra aselera economial. Vera, un spesie de revolui industrial artisan ia aveni en la sentenios 12 e 13, spesial en Nederland do la sentros grande de fabrica de tela como Ghent e Bruges ia cumula multe ricia e ia stimula crese en Europa Ueste jeneral. La Hansa, un alia en la Mar Norde entre sites comersial norsce e baltica, ia emerji en esta periodo, abrinte la recursos scandinavian per furni Europa con pelo, lenio, sira de abea e pexes.
La eda medieval alta ia vide la europeanes reveni de la Crusada en Asia sude-ueste, do los ia developa preferes per benes no produida a casa. Esta revenintes a casa ia introdui le europeanes medieval a la spises esotica, seda, frutas, drogas e otra produis de la este per prima ves. Sites sirca la Mediteraneo ia partisipa en la comersia cual ia developa, con Venezia deveninte la porto la plu rica de entra de benes asian, la base de cual Marco Polo e sua acompaniores ia parti en sua viaja a Xina.
Crese de monarcias nasional
En esta mesma periodo, la monarcias ia comensa a crese, e como resulta la poplas ia comensa vide la crea de nasiones-stato unida. La res ia envia comandas per esecuta e ia comensa a institui la cortes real, e los ia vive de la dinero de la feudos cual los ia posese e de la paias de la vasales. La consilio real de la re ia es un grupo de vasales ci ia consela a la re sur asuntas de stato, cual ia resulta en la crea de la departes fundal de la governa. Cuando la representores de la sites ia comensa a asembla, esta ia es la formi temprana de la parlamentos fundal.
Esta parlamentos ia no ave la capasia de comanda a la re, ma ia pote cexa e la re ia pote ata segun los. Esta ia es un spesia fundal de legi.
En ajunta, la formi de esta parlamentos ia gida a la institui de la tre statos: la stato un, cual ia inclui la eglesores; la stato du, formida par la nobiles e la propiores de tera; e la stato re, de la burjeses de la sites constituidas. England ia ave du parliamentos: la House of Lords e la House of Commons. La House of Commons ia permete a la propiores de tera plu peti deveni membros.
La mori negra
La pesta bubonal o mori negra, ia ariva a Europa en 1347. Comunicada prima par pulgas e ratas, la bateria Y. Pestis ia ruina la continente, matante un tri de la popla en 1351. On crede ce la bateria ia es endemica entre la rodentes en la stepes asian, e ia salta a la umanas en Europa con grande nosivia. La comensa de la maladia ia es subita, la sintomes ia es febre, debilia, delirio, maladia de pulmon e inflas de color oscur (bubones) en la areas de axila, colo e inguin. Multe frecuente, la infetadas ia mori en un o du dias, incluinte individuas joven e ci ia es sana.
Causas de la pesta
La revive de comersia e intercambia ia aumenta la potensial per la estende de maladias comunicable. Europa no ia sufri un pesta continental de la pesta de Justiniano en 535, e la popla nonesposada de 1348 no ia erita imunia. An si ricia ia crese, nuri e ijenia per la plu parte de europeanes ia es multe povre seguente normas moderna, diminuinte resiste imune en jeneral. Multe adultes ia sufri cuando ia es enfantes en la Fame Grande de 1316-1321, cuando anios de clima fria e umida ia causa ce la granes ia fali tra la continente. Esta esperia en enfantia ta pote compromete sua resiste a la pesta basilo plu tarda.
On crede ce la pesta ia es traeda a Europa en la ataca mongol sur Kaffa (en la Mar Negra) cuando la maladia ia forsa la mongoles abandona sua ataca, los ia lansapetri alga vitimes de la pesta a la site ante abandona. Esta ia deveni un pratica comun per la europeanes en la aseja a casteles. De ala, mercatores ia estende la maladia a Constantinopoli, do ia estende tra Europa, prima par barcon a portos mediteranean como Messina e Genova, e pos par tera en tota dirijes.
Un manca de lenio per combustable, par causa de talia la forestas per cultiveria, ia resulta en la clui de la banierias cual ia depende de arde lenio per caldi la acua. Spesial en inverno, sola la ricas ia pote permete a se bani. Esta ia contribui a la state ijenial povre. La sites ia es multe mal desiniada per ijenia. La z sitadanes normal ia dejeta dejetadas a via cual ia atrae ratas, e donce pulgas. La persones ia vive multe prosima con lunlotra, cual ia sinifia ce pulgas ia ave poca area per viaja per infeta otra person.
Multe cosas ia es culpada de es la causa de la pesta, spesial la iudis ci ia es la portaculpas xef. An la gidores de la sites ia clama ce membros de la comunia iudi ia veneni la furni de acua, o ia estende balsam venenosa en la portas de la site.
Lo es importante comprende ce la europeanes ia no comprende la causa vera de la pesta. Per los la pesta ia es un maldise traeda a los par sua manca de relijiosia, o par la falis de la eglesa, par la poplas iudis de la sites o an la desinia de la stelas. Otras an ia atribui la pesta a mal aira. Per luta contra lo, los ia porta telas de testa o bolsas de "bonodorintes" cual ia pote teni sirca sua nases cuando los ia nesesa fa lo (la opina de la scola medical xef de Europa, en la Universia de Paris, ia es ce la eruta ia es causada par un alinia astrolojial nonfavorable en 1345). Mancante la fatos vera, multe atentas de la europeanes de supresa la maladia ia aida a sua estende.
Respondes a la pesta
Alga persones ia crede ce la pesta ia es un puni par Dio contra pecores. La autoflajelores ia apare como resulta. Los ia bate los mesma per sangui, ia prea prea per pardona, e ia demanda sua congregas repenti. Vagante tra Europa Sentral (colpada par la pesta) multe grupos de autoflajelores ia deveni banditos. La sites e la seniores feudal ia proibi los o defeta los. En ajunta, violentia contra iudis ia eruta, e folas ia mata ci ia refusa batiza. Multe iudis ia es forsada abandona sua casas.
Dotores medical en Europa medieval ia usa un misca de metodos de atenta e era e fontes elinica o roman per cura sua pasientes. Sin la conose de microorganismes, o la rol de ratas e pulgas en estende la maladia, la dotores medical ia no pote cura la vitimes infetada o limita la estende. Como resulta, la maladas ia survive o ia mori seguente la stato jeneral de sua sania, e cualce resiste jenetical los ia aveni ave.
Resultas de la pesta
La moris masosa la dona plu oportunes per avansa en sosia, e como resulta la propriores ia fa plu sedes per oteni cultivores luores nova. La furni de laborores cade, resultante en aumenta de salario de la laborores. Un demanda de gran basa ia resulta en la cade jeneral de la custa de gran. La nobiles ia perde un parte de sua ricia, e ia depende plu dependente de monarcas e gera per revenu e potia.
En ajunta, la pesta ia resulta en la boni de la niveles de vive per la campanianes e la popla laborante urban. La campanianes e artisanes aora ia ave plu lusos e un dieta plu bon, e la produi ia cambia de fabriceria per un mercato coletiva a un mercato lusosa peti. An tal, la nonegalia monal ia crese, car min persones ia posese plu mone.
A fini, la europeanes ia vide ce prea ia no cura la pesta, e ce an la gidores de la eglesa ia mori. Esta ia causa la popla perde fida en la eglesa e ia abri la porta a multe promoves relijial nova e local cual ante ia es supresada, un fator cual ia aida prepara la veni de la Reformi un sentenio a pos.
Defias a la autoria spirital a la fini de la eda medieval
La eda medieval ia furni multa de la fundas de la Reforma de la sentenio 16. En esta tempo, la eglesia ia furni ordina, stablia e un armatur per la mundo medieval. La funda plu esensal de la vive medieval ia es salva -e la ojeto de vive ultima per tota la persones ia es oteni salva. Cuando la persones ia perde fida en la eglesa e sua capasia per furni salva, la eglesa ia comensa a perde sua control supra la popla.
Pesta
Como ante esplicada, la pesta ia contribui a la perde de fida de la persones en la eglesa. An tal, alga de la credores plu ardente ta regarda tal pesta como enviada par Dio per castiga la mundo per sua pecas. La eglesa ta ave un rol en acel idea per coraji un fida plu ardente e per ataca cualce disentor.
Moves erese e popla
Multe moves e persones ia defia la autoria de la eglesa en la fini de la eda medieval.
Spiritos libre
La spiritos libre ia crede ce la eglesa ia no sasia la nesesas spirital de la popla, e ia promove la misticisme, o la crede ce Dio e omes ave la mesma esense.
John Wycliffe (1328–1384)
John Wycliffe, un prete engles e profesor en Oxford, ia fundi la lolardisme. La lolardos ia razona ce la salva no ia debe veni tra la pape, e ce la re ia es superior e plu importante ca la pape e relijio. El ia dise ce leje la Biblia e prea ia es importante per la relijio, no la comprende de la pretes. El ia es la prima en tradui la Biblia a un lingua demotica en loca de usa la varia latina. El ia critica la ricia de la eglesa e de la eglesores.
Jan Hus (1369-1415) en Boemia
Jan Hus, creante la husistes, ia atenta reali reformas como aceles atentada par Wycliff en England. Hus ia es un prete en Bohemia cuando el ia aprende la ensenias de Wycliff. En cuando la popla sirca el ia pensa ce los ia es erese e ia proibi los, Jan ia pensa ce los ia debe es enseniada. Tra sua varia desacrodas e ativias, Jan ia conclui ce la ia eglesa ia es malida e ia lasa sua propre pais per scrive Sur la Eglesa, un obra cual ia critica la forma en cual lo ia es gidada. Sua ensenias ia apela la folas, e el ia developa un grupo de seguores conoseda como husistes. En 1413, Hus ia es invitada a un consilio cual ia es creada per reformi la eglesa, ma cuando el ia ariva el ia es arestada par sua ideas. La prosede legal ia es un formalia, car el ia es culpable de la comensa. Hus ia es ardeda en un palo en 6 julio 1415.
Froda en la Eglesa
La vasta froda en la eglesa ance iagida a duta e interoga sur sua autoria. La ricia suprafluente de la elgesores e la frecuentia con cual los ia ave concubinas e enfantes estra sposi ia es un conserna major. La popla ia ance demanda sur la vende de favores, o la reseta de paga per perdona popla de sua pecas; netisme, simonia, o la vende de ofisias de la eglesa, pluralisme, o reteni multiple ofisias eglesal, e la luso estrema de la catedrales.
La Grande Fende
En 1305, la re de Frans ia invita la Pape a move la seja de la Eglesa estra Roma, un site pestada par partitos local lutante entre los, a Avignon en la Vale de Rhone. Pos la reveni a papia a Roma con la Pape Gregorio 11 en 1377, elejes ia es asemblada per la Pape nova. La sitadanes de Roma, demandante la eleje de un Pape italian, ia forsa la cardinales eleje Urbano 6. La cardinales franses disentinte reasembla en Avignon per eleje sua propre Pape, Clemente 7. La Papes franses de la Fende Grande, refereda par la istoristes como antipapes, ia ave potia papal en alga rejiones de Europa, e per 39 anios on ia ave du papes. En un atenta de reconsilia esta fende, on ia ave un confere en Pisa per eleje un Pape nova, ma lo no ia pote depone ambos papes, resultante en un divide en tres de la papia. No volente abandona, la confere de Pisa ia eleje otra Pape, con la mesma resulta.
A fini la Consilio de Constanz (1414-1418) ia demanda la renunsia de la tre Papes. Con la suporta de la Imperor Roman Santa, la tre Papes ia es desponeda e Martin 5 ia es elejeda pape, fininte la Fende Grande. La Consilio de Constanz ia ata contra Joan Wycliffe e Joan Hus, du reformistes en la Eglesa Catolica.
Renase
[edita | edita la fonte]Introdui
[edita | edita la fonte]
La Renase italian de la sentenios 13 e 14 ia estende se tra la resta de Europa, representante un tempo cuando Europa ia xerca conose de la mundo antica e ia sorti de la Eda Oscur. Un interesa renovida en siensa e esperimenta, e un foca en la importa de vive bon en la presente en contrasta con la vive pos mori como promoveda par la Eglesa. La Renase ia trae un esplode en arte, poesia e arciteta. Tecnicas e stilos nova ia developa cuando la formas artal ia move a via de la stilos plu fria e oscur de la eda medieval. Esta periodo, seguente esta punto de vista, representa Europa emerjinte de un periodo longa de nonprogresa e la asende de comersia e esplora. La Renase italian es frecuente eticetida como la comensa de la epoca "moderna".
An tal, lo es importante reconose la instituidas moderna nonlimitada cual ia ave sua radises en la eda medieval, como la nasiones-stato, parlamentos, governa limitada, burocratias e regula de benes e servis.
Orijines
[edita | edita la fonte]En la tempo seguente a la Peste nigra, cual ia diminui en coaveni en 1351. la fida en la potia e la importa de la Eglesa ia desende. La multia de moris (sirca 25-30 milion entre 1347 e 1351) ia sinia la nesesa de un revive en are, educa e sosia en jeneral. Un diminui en la laborores ia gida a esije aumenta de salarios, e tal revoltas ia aveni en varia paises tra Europa, xef en Deutxland, Frans e Italia.
La Renase ia comensa en Italia norde en 1300 temprana.
An si ia no es nonevitable, varia fatores -nasionalisme (par causa de un orgolo aumentada en la dias de Roma temprana), la crusadas, revive de comersia- ia aida a reali reformi. En tota partes de Italia (Firenze, Genoa, Roma, Napoli e Milano esata) eruditas ia revive sua studias de leteratur latina e elinica temprana, derivada de manoscritos arcivida.
Esaminante esta obra temprana, los ia persepi ce la cultur ia es esensal per vive un vive sinifiosa, e educa (spesial istoria) ia es importante per comprende ambos la mundo de ier e la tempos moderna, como ance per intui la futur. Tal, la eruditas italian ia demanda per un 'Renase' en educa e cultur european.
Ordina sosial e cambia cultural
[edita | edita la fonte]Divides sosial en Firenze
[edita | edita la fonte]La abitores de Firenze ia es parte de un de la cuatro clases sosial xef. Esta ia inclui la grandi (la grande), la gidores de la site; la popolo grosso (popla grande), la mercatores capitaliste (esta ia defia la grandi per potia), la comersiores peti, e la popolo minuto, la clases economial plu basa, como la povres, ci, an si los ia es un tri de la popla de Firenze, vera no ia ave ricia[1].
La divide de sosia ia propensa la disputa, e a fini ia resulta en la Revolta Ciompi susedosa de 1378. La Revolta de Ciampi ia es un de la provres, ci ia revolta par causa de la feudos constante entre la grandi e la popolo grosso, la anarcia de la pesta negra, e la colasa de la bancos, cual ia fa la popolo minuto an plu povre. Pos alga tempo, la Revolta Ciompi ia gida a un rena tra cuatro anios par la popolo minuto, asta cuando Cosimo de' Medici ia comensa governa en 1434 e ia restora la stablia de Firenze.
La familia
[edita | edita la fonte]La pesta ia resulta en laboras plu favorable per femes, an si la partisipa jeneral de la femes en la vive publica ia varia con la clase e la rejion. La duples sposida frecuenta ia labora junta, e la plu omes e femes ia resposi rapida si sua spos ia mori.
Clases basa
[edita | edita la fonte]A la comensa de la Renase, la limita entre la povres e la criminales ia es multe magra. La sites plu grande ia ave problemes con ganges organizada. La suposada "sosia desente" ia trata le elementas marjinal de sosia con suspeta e odia grande.
Tempos difisil per comersia
[edita | edita la fonte]La Gera de Sento Anios ia resulta en diversa governas en Europa emprestante multe mone cual no ia pote paia. Tal, lo ia es min probable ce la mercatores ia risca, e en loca ia investi en obligas finansial de la governa. La resulta de esta ia es un descrese jeneral en comersia.
La nase de umanisme
[edita | edita la fonte]
En acelt tempo, Italia ia es la sentro de cultur en Europa. Scrivores de clase media ia es apoiada par sponsoria nobil, e como resulta, en la comensa de la Renase la leteratur ia flori junta a la revive clasica. Esta resulta en la asende de umanisme, un promove inteletal cual ia defende la studia de la istoria e leteratur como la modo xef per identifia con la glorias de la mundo antica. Umanisme ia defende la aprende clasica e la partisipa ativa de la individua en la asuntas munisipal.
La eruditas de la Renase ia defende la conseta de "reveni a la fontes" atentante reconsilia la disiplinas de la fide cristian con la aprende antica/ En ajunta, la conseta de umanisme munisipal ia apare, cual ia defende partisipa en la governa. La sivilia ia es inspirada par la scrivedas de imperores roman, e a la fini de la sentenio 1400 la inteletosas ia ave un comanda de la lingua latina.
En la anios 1440, Johannes Gutenberg ia crea la primador con tipo movable. Esta revolui en comunica ia aida multe en la estende de la ideales de la Renase tra Europa, permetente la ideas es primida per sirculi coletiva, per ves prima en la istoria. Gutenberg ia es la prima european ci ia crea un primador con tipo movable, an si la xineses ia inventa esta tecnolojia multe ante.
La conseta renasal de la vive e de la rol de la om en la tera ia es plu secular ca en la pasada, ma en no modo ia es nonrelijiosa. On ia crede ce Dio cura sur persones sur tota e ce la plu bon de es umana es la volunta libre per eleje. La persones ia es selebrada, como la eruditas de la Renase ia razona ce la omes ia es fada a imaje de Dio, e ce on debe selebra nosa talentos e capasias donada par Dio. La persones ia crede ce la vive en la tera ia es valuada e ce la sitadanes ia debe compete per es la plu bon ce los pote es. La foca de la Renase ia es en la individua en loca de en la coletiva.
Umanisme italian
[edita | edita la fonte]Fransesco Petrarca (1304-1374) ia es un erudita e poesiste italian e un umaniste temprana. En sua sonetos, el ia crea la imaje de persones real con personalia, desvalidinte la conseti tipal medieval e la stereotipos de persones.
Giovanni Boccaccio (1313-1375) ia scrive La Decameron, un istoria corta sur la vives de persones vivente en la tempo de la Mori Negra. La libro foca en la respondes de la persones a la pesta en loca de la coleria de Dio. En esta senti, la libro no conserna relijio, ma la persones, un conseta relativa nova en acel tempo.
Pico della Mirandola (1463-1494) ia es un erudita e filosofiste italian de la Renase. El ia scrive la "Parla sur la dinia de la om" cual ia deveni conoseda como "Declara de la Renase". En esta, el ia esplica ce la om ave potensial nonlimitada, e con sua volunta libre pote es cualce cosa el vole es. El ia razona ce la om debe usa sua capasias e no malspende los. A fini, el ia esplica ce la popla debe vive sua vive con virtua, o la cualia de es un om -forminte sua destina, usante tota sua oportunes, e laborante combatosa tra vive.
Geras relijial en Europa
[edita | edita la fonte]Introdui
[edita | edita la fonte]En la periodo entre 1524 e 1648, Europa ia es pestada par la geras de relijio. Lo es importante reconose, an tal, ce en cuando relijio ia es donada como la cusa de la gera, on ia ave multe otra causas. Esta ia inclui tera, mone e economia, potia political, recursos natural, e otras.
Esta geras ia inclui la Gera de Campanianes de 1525 en la Impero Roman Santa, la Gera de Smalcalda entre 1546 e 1555, un luta entre la Impero Roman Santa e la turces, la Reconcista de la espanioles contra la muslimes, la rebela husiste, e misionores e concistores contra la americanes orijinal.
Gera
[edita | edita la fonte]La luta relijial e la gera ia estende con la protestantisme. La dotrina nova radical en Deutxland ia fa esplode otra tensas sosial; revoltas campanial ia eruta en 1525, resultante en caoes e versa de sangue tra Austria, Suisia e Deutxland sude. Proopiores de tera rica ia es la ojeto de rebelores demandante egalia sosial e comparte la ricia en comun. La soldatos leal a la prinses gidante ia supresa la revolta, e la gidores ia es esecutada. Martin Luther, inisior xef de la Reforma, ia ataca la rebelores e ia defende la moves de la autorias per sutrae los.
Pas de Augsburg
[edita | edita la fonte]
La Pas de Augsburgo en 1555 ia declara la relijio de la prinse como la relijo ofisial de la rejio o pais (cuius regio, eius religio). Esta resulta en la aseta e tolera de luteeranisme en Deutxland par la catolicas. Cuando un gidor nova de un relijio diferente ia prende potia, multe persones ia debe cambia sua relijio. Multes ia trova esta reliste e la prosede no ia fini asta 1648.
En Europa norde (Deutxland norde, Nederland, e Frans) la clase media ia tende a es protestante, cual ia coresponde con sua etica e filosofia de labora. La campanianes ia cambia relijio per oteni labora.
Trata de Cateau-Cambrésis
[edita | edita la fonte]Con la Trata de Cateau-Cambrésis en 1559, Espania e Frans ia acorda para luta con lunlotra per uni contra sua menasa comun: la protestantisme, xef la calvinisme, cual ia es considerada un plu pico de menasa ca la luteranisme.
Geras de relijio en Frans
[edita | edita la fonte]En Frans, la gera interna relijiosa ia aveni entre 1562 e 1598 entre catolicas e protestantes. La corona usual ia apoia la catolicas ma a poca veses ia cambia lados, en cuando la nobilia ia es divideda entre ambos. La tre familias xef en la nasion ia compete per la controla de Frans. Esta familia ia es la familia Valois, cual ia governa e ia es catolica, la Bourbon, ci ia es formida par la ugonotes (protestantes franses) e Guise, ci ia es catolica. A fini, la familia Bourbon ia gania la gera, ma sua gidor Henrico Henry de Navara ia no pote es coronida car la site de Paris ia clui se. Henry ia aseja un anio Paris ante deside converti a catolicisme en 1593. La gera interna en Frans ia fini con la proclama de Nantes en 1598, cual ia reafirma ce catolicisme ia es la relijio ofisial en Frans, ma ia permetente un grado importante de libria relijial e political a la protestantes.
Henry 4 ia porte es descriveda como politique, o como un ci cura plu per la pas e ricia de sua nasion ca sur la tolera relijiosa.
Asolutisme en Europa
[edita | edita la fonte]Introdui
[edita | edita la fonte]La eda de asolutisme, esemplida par la "Re Sol" Louis 14 Bourbon de Frans, marca la asende de gidores en Europa ci ia ave potia asoluta sur sua nasiones. Mercantilisme a deveni la forma prima de economia de ace tempo, en la problemes relatada con relijio ia desapare en la geras european, aora cambiada par la problem de ecuilibra de potia.
Luis 14 (1638-1715), model de asolutisme
[edita | edita la fonte]
King of France and of Navarre
By Hyacinthe Rigaud (1701)
Louis 14 de Bourbon de Frans ia ariva a potia en 1643. El ia sposi Maria Theresa, fia de Filipo 4. Esta potia ia veni de la fato ce en sua rena el ia manteni un Frans unida e potiosa.
Louis ia vole controla Nederland par causa de sua potia economial como resulta de comersia, car el ia vole crase la calvinistes e protestantes, e car el ia vole aumenta sua teritorio. En fato, el ia consela sua eritor, Louis XV "no imita me en mea gusta per gera". Sua politica atacante ia demanda finansia la armada european la plu grande de 280 000 omes.
La geras de Louis ia ave resultas terible e la popla franses ia provi. Ance, la protestantes ia despeta Louis. Sua politica economial ia es gidada par Colbert e sua nasion ia es un model en reali mercantilisme. En sua rena, Frans ia deveni un pais dominante en lingua, cultur e vestes.
Lo es alegada ce Louis ia dise L'etat c'est moi o "Me es la stato", e sua rena esempli asolutisme. La bispe franses Bossuet ia declara ce governa ia es un direto divin de la monarcas, concluinte ce la res ia es la representores de Dio en la tera. Louis ia ata fundida sur esta crede, governante Frans como si el ta es elejeda par Dio per governa.
Jeneral, la ojetos esterna de Louis ia es estende teritorial e de catolicisme.
Louis ia es susedosa en sua aspiras interna per oteni potia asoluta tra burocratia sentrida. El ia controla nobiles rebela e ia fa el mesma la sentro de potia e cultur franses. Persones ia depende de el per avansa e ia xerca sua bonvole. Louis ia fa construi un palasio en Versailles, de cual la construi ia dura des-cuatro anios. Versailles ia es la model per otras paises european, e ia manteni la nobiles ocupada, distranete los de la desira de opina sur governa. En 1685, Louis ia cansela la Proclama de NAntes, sutraente la diretos de la calvinistes en Frans.
La Gera de Pasa de Rena espaniol
[edita | edita la fonte]Filipo 4 de Habsburgo ia sposi Marianna Habsburgo de Osteraic, e ambos ia ave como fio Carlo 2, un gidor retardada fisical e mental. Car Carlo no ia pote ave desendentes, los ia lasa la deside ce sua seguor pos sua mori. Frans ia dise ce los ia es la melior clamante de la trono car los ia es catolica, forte e la dui-soror de Carlo ia es sposida con Louis 14. Como resulta, Carlo ia lasa la trono a Filipo 5 de Bourbon, la neto de Louis 14 e la gera ia eruta entre alia de Viliam 3 de Orange de Nederland contra Frans per manteni un ecuilibra de potia. La gera ia resulta en la pas de Utrecht en cual lo ia es desideda ce la gidor de Espania ia debe abandona su clama a la trono franses. Tal, Filipo ia es reconoseda como re de Espania, ma la uni con Frans e Espania no ia aveni. Espania ia perde sua teritorios en BEljia e Italia en la Pas de Utrecht, un fonte de resenti de la espanioles con su governa nova.
La ecuilibra de potia en politica esterna
[edita | edita la fonte]La ecuilibra de potia ia es un sistem en cual la nasiones european ia xerca manteni la autonomia nasional de tota la statos european. La conseta ia es ce tota nasiones european ia deve xerca preveni un nasion deveni potiosa, e tal governas nasional frecuente ia cambia sua alias per manteni la ecuilibra. La gera de pasa de rena espaniol ia marca la gera prima de cual la tema xef ia es la ecuilibria de potia. Esta ia marca un cambia importante, car la potias european no ia ave plu la escusa de la gera relijial. Tal la gera de tredes anios ta es la ultima eticetida como gera relijiosa.
La economia de mercantilisme
[edita | edita la fonte]La intende jeneral de mercantilisme ia es ce la politicas mercantiliste ia rici economia, en esta modo creante sitadanes prospera, higher tax revenues, e a fini reservas per finansia la militar e la gera. En la sentenio de 1600, la politicas mercantiliste ia es adotada par plu de la nasiones european.
Cualias xef
[edita | edita la fonte]Esportante plu benes ca tua pais importa, oro e arjento va enflue a tua pais. La governa debe fundi colonias, gania materiales cru, e la nasion debe vende benes finida a la colonia. La governa deve imposa tarifas esterna alta, aidante manteni estra benes competente de otra nasiones e protejente la fabricas nativa, tal oteninte mone per la governa. La governa debe sutrae tota tarifas interna, manteninte la move de benes libre a en la pais. A fini, la nasions debe es autosufisinte en tota sua nesesas.
La Republica Nederlandes
[edita | edita la fonte]Cultur e economia
[edita | edita la fonte]
Per un periodo en la sentenio 1600 nomida la "eda oro nederlandes", la nederlandes ia es la gidores comersial, finansial e maral de Europa. Los es ance conoseda per crea un de la sosias la plu urban e tolerante en Europa. amsterdam ia deveni un sentro de comersia, xef par causa de la saca de Antwerp, e la Banca de Amsterdam ia gida tota la mundo european en campo bancal.
Como resulta de sua comersia, la nederlandes ia es la nasion la plu rica. On ia ave un reconose vasta de la artes, e alga de la artistes baroca la plu famosa ia es nederlandes, como Vermeer, Rembrandt e Reubens. La sosia nederlandes ia promove libria de espresa e tolera relijial, con un estende larga de relijios de catolicistes a ateas. On ia ave un burjesia grande e firma instituida, e un sistem eselente de educa. a fini, la nederlandes ia ave un republica confederada con multe libria per autogoverna de sua provinses en cuando la plu parte de paises european ancora ia ave rejimes asolutiste.
Geras con Frans
[edita | edita la fonte]En 1672 Frans ia invade la Republica comensante la Gera franses-nederlandes. La franses sola ia para cuando los ia teni la linia de acua nederlandes. England e Frans ia reparte secreta la Republica ma pos alga defetas en la mar, e nonposiblia de crusa la linia de acua, la armada franses ia comensa retira. Pas ia es siniada en 1678.
La Revolui Gloriosa de 1688 ia vide Guiliermo de Orange invade England e asende a la trono, fininte 50 anios de enemia entre Nederland e England e ia trae la du paises a la Gera de Nove Anios contra Frans. La flota engles-nederlandes ia domina la mares e Frans no ia pote susede.
Revolui en Frans
[edita | edita la fonte]Introdui
[edita | edita la fonte]La Revolui Franses de 1789 es un de la avenis la plu importante en la istoria franses e european. Lo marca la asende de la clase tre pos sentenios de paia impostas alta a la re. La revolui ia sentri sur la re debil Louis 16 e la rea nonmatur Marie Antoinette, como la publica ia vide los, e sua modo de vive lusosa ascondeda en Versailles. La popla de Frans en acle tempo de 1789 ia ave influi de la media, cual ia no aida en la situa. La jornalistes ia crea istorias sur la spende lusosa de la "rea malvolente" cual ia fa el multe nonpopular entre la publica franses. La 6 otobre 1789 marca la comensa de la revolui cuando sentos de mercatores femes (e omes desemblada como femes) ia marxa a la Palasio de Versailles esijente la testa de la rea e la reveni direta de la re a Paris. La femes ia susede en trae la familia real a Paris, an si la rea no ia es matada como intendeda. La situa ia mali en Paris cuando la "Rena de Teror" ia oteni la potia, e cuando Marie Antoinette ia dise "Aora los va fa prisonidas real de nos".
Eda de revoluis
[edita | edita la fonte]Introdui
[edita | edita la fonte]La sentenio 19 temprana ia es dominada par la tempo seguente del Revolui Franses e le Geras Napoleonal. An si Napoleon ia es vinseda en 1815 e la monarcia Bourbon is es restorada en Frans, multe statos european ia es cambiada par 25 anios de disputas.
Referes
[edita | edita la fonte]- ↑ Kagan, Donalt et al. The Western Heritage Since 1300. 3rd ed. New Jersey:Pearson Prentice Hall, 2004.