Eda medieval
La eda medieval es la periodo de istoria entre la cade de la Impero Roman en 476, e la descovre de America (1492) o la cade de Constantinople (1453). Lo es divideda en du periodos: la eda medieval alta (sentenios 5 a 10) e la eda medieval basa (sentenios 9 a 15).
Comensa
[edita | edita la fonte]On no pote locali la comensa de la eda medieval, car la eda medieval no ia nase ma ia "es fada" como resulta de un prosede lenta de sinco sentenios cual ia provoca cambias enorme en tota la niveles de un forma profonda cual va ave influe asta oji.
Impero Roman tarda
[edita | edita la fonte]La Impero Roman ia ateni sua estende teritorial la plu grande en la sentenio 2, e la du sentenios seguente ia vide la declina lenta de la controla roman a sua teritorios bordal. Problemes economial, incluinte infla e presa esterna en la fronteras ia combina per crea la Crise de la Sentenio Tre, con ce imperores ia ariva a la trono per es recambiada par finjores nova. La spende militar ia aumenta en la sentenio tre, xef par causa de la gera con la Impero Sasanan.
Divide
[edita | edita la fonte]La eda medieval pote es divideda en tre partes:
- eda medieval temprana
- eda medieval alta
- eda medieval tarda
Eda medieval temprana
[edita | edita la fonte]Sosias nova
[edita | edita la fonte]La strutur political de Europa ueste ia cambia con la fini de la Impero Roman unica. An si la moves de poplas en esta periodo es usual descriveda como "invades", los ia no es sola misiones militar ma migras de popla entera a la Impero. Tal moves ia es aidada par la refusa de la elites de la Impero Roman de suporta la armada o paia impostas cual ta pote permete la armada evita la invade.
Survive bizantian
[edita | edita la fonte]Cuando Europa ueste ia vide la crea de renas nova, la Impero Roman Este ia resta intata e ia esperia un revive economial ci ia dura asta la sentenio 7 temprana. On ia ave min invades de la parte este de la impero, la plu parte ia aveni en la Balcanes. La pas con la Impero Sasanian, la enemi tradisional de Roman, ia dura tra la plu parte de la sentenio 5. La Impero Este ia es dominada par un relatas plu prosima entre la stato politica e la Eglesa Cristian, con consernas de crede avente un importa en la politicas de la este cual ia no ave en la ueste.
Asende de islam
[edita | edita la fonte]La credes relijial en la Impero Este e Iran ia es fluente en la sentenio ses tarda e en la sentenio 7 tarda. Iudisme ia es un crede multe ativa en sua promove, e a min un gidor political arabi ia converti a lo. Cristianisme ia ave misiones ativa competente con la zoroastrisme persian en sua xerca de credores nova, spesial en la penisola arabi. Tota esta ia junta con la emerji de islam en Arabia en la vive de Muhammad (m. 632). A pos sua mori, la muslimes ia concista multe de la Impero Este e Persia, comensante par Suria en 634-635 e arivante a Misre en 640-641, Persia entre 367 e 642. Africa Norde en la sentenio 7, e la penisola Iberian en 711. En 714, la muslimes ia controla multe de la penisola en la rejion cual los ia nomida Al-Andalus.
Comersia e economia
[edita | edita la fonte]La migras e invades de la sentenios 4 e 5 ia disturba la redes de comersia tra la Mediteraneo. La produidas african ia para es importada a Europa, prima desaparente de la interna e, en la sentenio 7, los ia es trovada en alga sites como Roma o Napoli. A fini de la sentenio 7, su la efeto de la concistas muslim, la produidas african ia no pote es trovada en Europa ueste. La sustitua de esta produidas par produidas local ia es un tende en la teras roman vea cual ia aveni en la eda medieval temprana. Esta ia es spesial marcada en teras cual ia no es locada en la Mediteraneo, como Galia norde o Britan.
Eglesa e moncisme
[edita | edita la fonte]La cristianisme ia es un elemento xef de uni entre Europa este e ueste ante la concista arabi, ma la concista de Africa norde ia separa la lias entre esta areas. La Eglesa Bizantian ia difere en lingua, praticas e liturjia de la Eglesa Ueste, pd, la Eglesa Este ia usa la elinica en loca de la latina.
Europa carolingian
[edita | edita la fonte]
La rena franco en Galia norde ia divide en renas nomida Austrasia, Neustria e Burgonia en la sentenios 6 e 7, tota governada par la dinastia merovingian, ci ia desende de Clovis. La sentenio 7 ia es un periodo tumultosa de geras entre Austrasia e Neustria. Tal atas de gera ia es esplotada par Pipin, la Major de la Palasio de Austrasia ci ia prende la potia de la trono austrasian. Un de sua desendentes, Charles Martel, ia gania la batalia de Poitiers en 732, parante la avansa de la muslimes en la Pirineo.
Renase carolingian
[edita | edita la fonte]La corte de Carlo la grande en Aachen ia es la sentro de la revive cultural a veses refereda como la "renase carolingian". La alfabetisme ia crese, como ance developa en artes, arciteta, teoria legal e studios liturjial e de la Biblia.