Crise de la Sentenio Tre

De Vicipedia
La impero divideda en la anio 269.

La Crise de la Sentenio Tre ia es un periodo en cual la Impero Roman ia cade cuasi par un combina de invades, geras interna, e depresa economial. La crise ia comensa con la asasina de la Imperor Severo Alexandro par sua soldatos en 235 ec, comensante un periodo de 50 anios en cual on ia ave a la min 26 reclamores a la titulo de imperor, xef jenerales importante de la armada roman. 26 ia es asetada par la senato roman como imperores en esta periodo, e donce ia deveni imperores legal.

Asta 268 ec, la Impero ia fende en tre statos competente: la Impero de Galia, cual ia inclui la provinses Galia, Britania e (tra un periodo corta) Espania; la Impero de Palmira, cual ia inclui la provinses este Suria-Filastin e Egipte; e la Impero Roman propre, sentrida en Italia. Plu tarda, Aureliano (270-275 ec) ia reuni la Impero. La crise ia fini con la asende e reformis de Diocletiano en 284 ec.

La crise ia provoca cambias profonda en la instituis de la Impero, la sosia, la vive economial, e ultima relijio. La plu de istoristes regarda la crise como la divide entre la eda antica clasica e antica tarda.

Localisme cresente[edita | edita la fonte]

An la sites roman mesma ia comensa a cambia en carater. La sites grande e abrida de la Anticia clasica ia sede a sites peti e con murones cual ia deveni comun en la eda medieval. Esta cambias ia no es restrinjeda a la sentenio 3, ma ia aveni lenta en un periodo longa. An tal, an con la reformis estendosa de la imperores plu tarda, la rede de comersia roman ia no pote recovre a lo ce ia es en la tempo de la Pax Romana (27 aec - 180 ec).