Tacito

De Vicipedia
Jump to navigation Jump to search
Tacito
Wien- Parlament-Tacitus.jpg

Informa personal

Nase: s 56 ec
Mori: s 120 AD

Otra informas

Profesa: Senator, consul, governor, istoriste
Move: Istoria, Eda arjento de latina

Publio Cornelio Tacito ia es un senator e istoriste de la Impero Roman. La partes survivente de sua obras xef, la Arcivos anial e la Istorias, esamina la renas de la imperores Tiberio, Claudio, Neron e aceles ci ia governa en la Anio de la Cuatro Imperores (69 aec). Esta du obras nara la istoria de la Impero Roman de la mori de Augusto en 14 ec asta la Gera iudi-roman un, en 70 ec. On ave bucos sustantial en la testos survivente, incluinte un en la Arcivos anial de cuatro libros.

La otra scrivedas de Tacito discute retorica (en forma de dialogo, vide Dialogus de oratoribus), Germania (en De origine et situ Germanorum), e la vive de sua padre par sposi, Agricola, la jeneral encargada de la plu parte de la concista roman de Britan, xef consentrante en sua campania en Britania (De vita et moribus Iulii Agricolae)

Tacito es considerada un de la istoristes roman plu importante. El ia vive en lo ce oji on nomi la eda arjento de la leteratur latina, e es conoseda per la cortia de sua prosa latina, como ance per sua comprende penetrante en la psicolojia de la politica de potia.