Augusto

De Vicipedia
Augusto
Imperor de la de Impero Roman
Periodo de governa: 16 janero 27 aec - 19 agosto 27 ec
Presedor:
Seguor: Tiberio
{{{Titulo political2}}}
Periodo de governa: {{{Periodo de governa2}}}
Presedor: {{{Presedor2}}}
Seguor: {{{Seguor2}}}
{{{Titulo political3}}}
Periodo de governa: {{{Periodo de governa3}}}
Presedor: {{{Presedor3}}}
Seguor: {{{Seguor3}}}
{{{Titulo political4}}}
Periodo de governa: {{{Periodo de governa4}}}
Presedor: {{{Presedor4}}}
Seguor: {{{Seguor4}}}
{{{Politikala_titulo5}}}
Periodo de governa: {{{Periodo de governa5}}}
Presedor: {{{Presedor5}}}
Seguor: {{{Seguor5}}}
{{{Politikala_titulo6}}}
Periodo de governa: {{{Periodo de governa6}}}
Presedor: {{{Presedor6}}}
Seguor: {{{Seguor6}}}
{{{Politikala_titulo7}}}
Periodo de governa: {{{Periodo de governa7}}}
Presedor: {{{Presedor7}}}
Seguor: {{{Seguor7}}}
Informa personal
Data de nase: 23 setembre 63 aec
Loca de nase: Roma, Italia, Republica Roman
Data de mori: 19 agosto 1914
Loca de mori: Nola, Italia, Impero Roman
Spos: Clodia Pulchra (42-40 aec; divorsa)

Scribonia (40–38 aec; divorsa) Livia (37 aec–14 ec; sua mori)

Profesa:
Partito political:

Augusto (Gaio Julio Cesar Augusto, 23 setembre 63 aec – 19 agosto 14 ec) ia es la prima de la imperores roman e un de la plu importantes. El ia gida Roma en sua cambia de un republica a un impero grande.

Octavian, par sua nom orijinal, ia es la fio adotada de la tirano de la Republica Roman, Julio Cesar. Octavian ia ateni sua potia en la triumvirato du, cual ia es composada de tre renores: Marco Antonio, Lepido, e Octavian. Tota tre ia es fidosa a Julio Cesar, ci ia es asasinada en 44 aec. Pos sua mori, un gera interna ia comensa entre la seguores de Cesar e la conspirores, gidada par du de la asasinores, Bruto e Cassio.

Prima, Octavian ia es la minor de la tre renores. Lepido ia es plu esperta en governa, e Marco Antonio ia es un xef militar respetada. La tre ia vinse la armada de Bruto e Cassio a la Batalia de Filippi en 42 aec. Alora, los ia divide la rena de la republica en tre partes: Antonia ia rena la este, Lepido ia rena Espania e partes de Africa norde, e Octavian ia rena Italia.

Antonio ia segue la via de Cesar par vade a Egipte e deveni la amor de Cleopatra. Los ia ave tre enfantes. Sua asentia de Roma ia permete ce Octavian developa plu suporta.

La triumvirato ia rompe en 33 aec, e la nonacorda ia deveni un gera interna en 31 aec. Antonio ia es vinseda par Octavian a la batalia marinal de Actio e alora a Alexandria. Antonio e Cleopatra ia suiside en 30 aec.

Pos gania esta luta sanguosa de potia, Octavian ia deveni imperor par votas de la Senato Roman en 31 aec. El ia dona a se la nom Augusto, cual sinifia "grandiosa". El ia rena asta 14 ec cuando Tiberio, sua fio par lege, ia deveni Imperor.

En sua rena, alga de los ci ia oposa sua governa ia es matada, spesial la senatores ci ia vole reteni la republica. El ia promete ce el va cambia Roma a un republica denova, ma en loca el ia declara ce el es la prete alta (Pontifex Maximus). Multe templos en la provinses ia erije scultas de el como un de sua dios. La nom de la mense "agosto" deriva de el. Sua ateni major ia es la crea de la Impero Roman, un strutur political cual ia dura tra cuasi sinco plu sentenios.

Istoristes refere comun a la obras de la istoriste Tacito. El ia ave un punto de vista contra Augusto, en cuando otra autores roman, como Velleio, Vergilio e Ovidio, ia tende adula el. La obra la plu conoseda de propaganda per Augusto ia es la Eneide par Vergilio.