Terentio
Terentio
Publio Terentio African (latina Publius Terentius Afer; s 195/185 - s 159 aec?) ia es un autor teatral en la Republica roman, de desende berber. Sua comedias ia es prima presentada entre 170 e 160 aec. Terentio Lucano, un senator roman, ia trae Terentio a Roma como un sclavo, ia educa el e, plu tarda, impresada par sua capasias, ia libri el. Parente el ia mori joven, probable en Elas o en sua reveni a Roma. Tota la ses presentas teatral de Terentio ia survive.
Una sita famosa par Terentio es: Homo sum, humani nihil a me alienum puto, cual en lingua franca nova sinifia "Me es umana, e me pensa ce no cosa umana es stranjer a me". Esta ia apare en sua obra Heauton Timorumenos.