Italia

De Vicipedia
Jump to navigation Jump to search
Italia
Flag of Italy.svg Emblem of Italy.svg
Informa jeneral
Capital: Roma
Lingua ofisial: Italian
Dirije
Governa: Republica
- Xef de stato: Sergio Mattarella
- Xef de governa: Giuseppe Conte
Otras
Area: 301,230 km²
Popla: 60 782 897
Densia: 202
PIB: US$ 1 832 916 milion
Mone: Euro
Zona de ora: +1/+2 (estate)
Numero de telefon: +39
Interede: .it
EU-Italy.svg

Italia (ofisial Republica Italian, en italian: Repubblica Italiana) es un pais en Europa sude. En la norde el ave la Alpes, do borda con Frans, Suiz, Osteraic i Slovenia. La statos de San Marino e la Site Vatican es du enclaves en la teritorio italian. La site capital, e la site la plu grande, es Roma. Italia es 301,230 cilometres cuadrida e la cuantia de popla en 2016 ia es sirca 61 milion.

La ministro prima es Giuseppe Conte.

El es la pais tre en Europa par cuantia de turistes per anio.

Italia es un de la paises la plu industrial de la mundo e el es un pais developada con un cualia de vive alta.

Etimolojia[edita | edita la fonte]

La suposas sur la etimolojia de la nom Italia es multe numeros e la corpo de solves proposada per istoristes e linguistes es multe larga. Seguente un de la esplicas la plu comun, la nom Italia, de la latina Italia, ia es emprestada tra la elinica de la oscan Víteliú, cual sinifia "pais de la boves joven" (en latina, vitulus es "boveta"). La bove ia es un simbol de la tribus de la sude de Italia.

Istoria[edita | edita la fonte]

Article xef: Istoria de Italia

Preistoria[edita | edita la fonte]

La popla de la teritorio italian ia comensa en la preistoria, un epoca de cual on ia trova atestas importante arceolojial.

Entre la sentenio 18 aec e la 2 aec ia esiste en Sardinia la cultur nuragal. Durante la eda de fero ia susede varia cultures cual pote es divideda en tre areas xef: Lazio antica, Magna Elas e Etruria.

Eda antica[edita | edita la fonte]

La Coloseo es un amfiteatro de la epoca de la Impero Roman, construida en la sentenio 1.
Articles xef: Roma antica e Impero Roman

La Roma antica ia es un comunia peti cultival fondeda en la sentenio 8 aec, cual ia grandi tra la sentenios per deveni un impero enorme cual ia ensirca la Mar Mediteraneo intera, en cual la cultures de Elas antica e Roma ia fusa en un sivilia. Esta sivilia ia es tan influente ce partes de el survive en la lejes, la dirije, la filosofia e la arte moderna cual formi la base de la sivilia ueste.

En un declina lenta de la parte tarda de la sentenio 4, la impero a fini ia rompe en du partes en 195 ec: la Impero Roman Ueste e la Impero Roman Este. La parte este, su la presa de la frances, la vandales, la hunes, la gotas e de otra poplas de Europa este, a fini ia disolve, lasante la penisola italian como divideda en renas peti e autonom e en statos de site per la 1 300 anios seguente.

Eda medieval[edita | edita la fonte]

Italia en la anio 1000.

En la sentenio 6 la Imperor Bizantian Justiniano ia reconcista Italia de la ostrogotos. La invade de un onda nova de tribus germanica, la langobardas, tarda en la mesma sentenio, ia redui la presentia bizantian a la Esarcia de Ravenna e otra teras en Italia sude. La rena langobarda en Italia norde e sentral ia es asorbeda par la Impero Franco per Carlo la Grande en la parte tarda de sentenio 8. La res franco ia aida ance la Papas constitui un stato vera en Italia sentral, de Roma asta Ravenna. Asta la sentenio 13, la governa italian ia es dominada per la relata entre la Imperores de la Impero Roman Santa e la Papas, con la plu de la statos italian en alia con un o la otra seguente la oportun de la momento.

Uni[edita | edita la fonte]

La ariva en Italia de la armadas de Napoleon ia crea un senti nasional, reclamada en la proclama de Rimini.

Italia ia es unida en 1861.

Rena de Italia[edita | edita la fonte]

La Rena de Italia ia es un paso cual ia nase pos la uni de Italia gidada par Vittor Emmanuele 2 ci ia es coronida como Re de Italia en 1861. La Rena de Italia ia partisipa en la du geras mundal. Pos la Gera Mundal 2, a 2 maio 1946, el ia es proclamada como la Republica Italian.

Faxisme[edita | edita la fonte]

La revoltas sosialiste cual ia segue la ruina de la Gera Mundial Un, inspirada per la Revolui Rusce, ia gida la contrarevolui e represa a tota partes de Italia. La instituida libriste, temente un revolui de la stilo soviet, ia comensa validi la peti Partito Nasional Faxiste, gidada par Benito Mussolini de sua fundi en 1919. El ia oteni potia pos la Marxa a Roma.

Italia su la faxistes ia concista Itiopia e Xciperia.

Republica[edita | edita la fonte]

Italia ia deveni un republica pos la referendo fada la 2 junio 1946. Lo ia es la prima ves ce la femes ia pote vota. Umberto 2, fio de Vittorio Emmanuele III, ia es forsada a renunsia e esclui. La Constituida de la Republica ia es aprobada la 1 janero 1984. Italia ia perde sua colonias, fininte con la Impero Italian.

Governa[edita | edita la fonte]

La presidente de Italia, Sergio Mattarella.

La politica es fundida en un sistem republiciste parlamentiste con democratia tipal de 2 junio 1946, cuando la monarcia ia es abolida par referendo poplal. La potia de esecuta es en la Consilio de ministros cual es gidada par la xef de governa (Presidente del Consiglio dei Ministri), nonformal nomida "ministro prima". La legeria es la parlamento e la Consilio de ministros. La juderia es autonom de la esecutores e la legeria. El es un sistem multipartital. En la sude, la mafia ave tan multe potia como la stato e el controla la jornales dial, la judis e la polisia.

La ministro prima ante 2011, Silvio Berlusconi, es acusada de froda e ia es elejeda a du veses per la posto.

26 febrero 2013 es la eleje jeneral. No ave vinsor.

20 april 2013 - La congresa reeleje sr. Giorgio Napolitano (1932-) como presidente en la eda de 87 anios.

Maio 2013 - la PM nova es sr Enrico Letta (Partito Democrata).

Jeografia[edita | edita la fonte]

Italia es locada en Europa Sude, entre la latitudes 35° e 47° N e la lonjitudes 6° e 19° E.

La isolas xef es Sisilia e Sardinia.

Un isola de Italia es Giannutri.

La revela presenta cuatro unias grande areal:

  • norde: Alpes
  • sude: campo penisolal relevada par la Apeninos.
  • entre los es la plano de la Po
  • la isolas volcanal.

Sites xef[edita | edita la fonte]

Roma, la site capital, es la site xef de Italia.

Un otra site importante es Milano, Napoli e Turin.

Clima[edita | edita la fonte]

La clima italian ave cualias mediteraneo ma el ave varias rejional.

Economia[edita | edita la fonte]

Cultiva[edita | edita la fonte]

La campo cultival (ance la cultiva de foresta), an con la esele e la spesiali alta atenida, representa un parte minima de la economia nasional.

Enerjia[edita | edita la fonte]

Italia, comparada con otra paises de la Uni European, depende plu alta de la emporta de material cru e idrocarbones (gas e petrolio).

Par causa de la manca de depones importante, la plu de la materiales cru e 75% de la enerjia debe es emportada.

Turisme[edita | edita la fonte]

La turisme es un de la campos con la plu crese en la economia nasional con 43,5 miliones de turistes per anio e un intera de 42 700 miliones de dolares jenerada. En esta modo, Italia es la pais cuatro de la mundo par turismo. Roma, la site capital, es un de la destinas la plu visitada de la mundo, con un promedia de 7 a 10 miliones de turistes per anio.

Demografia[edita | edita la fonte]

Linguas[edita | edita la fonte]

Linguistic map of Italy.png

En Italia la lingua ofisial es italian e el es la plu parlada.

El es un de la linguas ofisial de la Uni European. Italian es un lingua romanica, cual es un parte de la linguas indoeuropean. El ave multe linguas e dialetos cual ia evolui de la forma autonom de italian.

A nivel local, alga linguas es reconoseda:

Otra linguas parlada en Italia es:

Multe linguistes crede ance ce alga dialetos es vera linguas separada:

Relijio[edita | edita la fonte]

La catolicisme es la relijio xef de Italia.

Cultur[edita | edita la fonte]

Cosini[edita | edita la fonte]

Per la cosini italian la descovre de America ia es multe importante, car el ia oteni produidas nova como la patata, la tomate e la mais.

La platos la plu conoseda es la piza e la pasta.

Arte[edita | edita la fonte]

Sculta[edita | edita la fonte]

La sculta de Roma es orijinal, ma el ave influes elinica (la plu de la sculta roman es copias de la elinica).

Musica[edita | edita la fonte]

La prima creada musical cual on considera como un opera es de la anio 1597. El es Dafne, scriveda par Jacopo Peri per un sirculo de amis conoseda como Camerata Fiorentina. El ia es un atenta de revive la trajedia elinica de la Renase.

Siensa[edita | edita la fonte]

La contribui italian a la siensa es multe importante. Galileo Galilei, considerada como la fundor de la siensa, e Leonardo da Vinci, considerada la jenio umana la plu grande, ia es italianes.

Matematica[edita | edita la fonte]

Contribuores fundal italian es Leonardo Fibonacci, ci ia introdui la numeros arabi; Niccolò Tartaglia, ci ia solve la egalis cubo, e Girolamo Cardano e Paolo Ruffini ci ia contribui a la aljebra.

Otra matematicistes italian es Jacopo Riccati, Ulisse Dini, Vito Volterra, Guido Fubini, Renato Caccioppoli, Ennio De Giorgi e Enrico Bombieri.