Elas antica

De Vicipedia
Jump to navigation Jump to search

Mediterranean Sea 16.61811E 38.99124N.jpg
Jeografia

the Strait of Messina the Strait of Otranto the Strait of Bonifacio

the Saint George Bay the Minet el-Beida ("White Harbour") bay the Bay of Kotor the Bay of Gibraltar

the Gulf of Corinth the Pagasetic Gulf the Saronic Gulf the Thermaic Gulf the Kvarner Gulf the Gulf of Valencia the Gulf of Genoa the Gulf of Venice the Gulf of Trieste the Gulf of Taranto the Gulf of Salerno the Gulf of Gaeta the Gulf of Squillace the Gulf of Haifa the Gulf of Sidra the Gulf of İskenderun the Gulf of Antalya

  • Channels

the Corsica Channel the Malta Channel

the Gozo Channel
Cosina
Vide ance
Mar Mediteraneo

Elas antica es la periodo de la istoria de Elas de la Eda oscur de Elas (1200 aec) e la invade dorica asta la anio 146 aec e la concista roman de Elas pos la batalia de Corinto. On considera lo como la funda cultural de la sivilia ueste. La cultur de Elas ia ave un influe grande en la Impero Roman, cual ia estende lo tra sua teritorios en Europa. La sivilia de la elinicas antica ia influe en la lingua, la politica, la instrui, la filosofia, la siensa e la arte. Lo ia es la orijina de la Renase en la sentenios 15 e 16 en Europa ueste e ia reapare en la sentenios 18 e 19 en Europa e America.

La sivilia elinica ia es comersial, maral e estendosa. La jeografia ia fa un rol xef: la cualias fisical de la penisola de la Balcanes, multe montaniosa, ia difisili la cultiva e la comunicas interna. Par contrasta, la costa grande ia favore la estende ultramar. La presa demografial causada par la invades de poplas diversa ia influe esta fenomeno de estende.

Istoria[edita | edita la fonte]

Model:Istoria de Elas

Periodo anticin[edita | edita la fonte]

En la sentenio 8 aec, Elas ia comensa emerji de la Eda Oscur cual ia segue la cade de la sivilia micenan. Alfabetisme ia es perdeda e la alfabeta micenan ia es oblidada, ma la elinicas ia adota la alfabeta fenisia, cambiante lo per crea la alfabeta elinica. De la sentenio 9 aec, rejistras scriveda ia comensa apare. Elas ia es divideda en multa comunias peti autogovernada, un model determinada per la jeografia elinica: cada isola, vale e plano es separada de sua visinas par mar o montanias. La gera Lelantan (s 710 - 650 aec) es la gera la plu temprana documentida de la periodo elinica antica. Lo ia es lutada entre la sites-statos importante Calcis e Eretria par la plano fertil nomida Lelantan, en la isola Eubea. Ambos sites ia declina par causa de la gera, an si Calcis ia es la vinsor.

Un clase comersial ia apare en la dui prima de la sentenio 7, mostrada par la introdui de la moneta en la 680 aec[1]. Lo pare ce esta ia introdui tensa en multe sites-statos. La governas aristocrata cual jeneral ia governa la poleis ia es menasada par la ricia nova de la comersiores, ci ia desira potia political. De pos 650 aec, la aristocratas ia debe luta per no es suvertida per la tiranos popliste. Esta parola, derivada de la elinica τύραννος tyrannos, cual sinifia 'renor nonlegal', ia es egal aplicable a gidores bon e mal[2][3].

Lo pare ce un popla cresente e un manca de tera ia crea disputas interna entre la povres e la ricas e multa sites-statos. En Sparta, la geras mesenian ia reali la concista de Mesenia e la mesenianes ia deveni campanianes feudal, comensante en la dui ultima de la sentenio 8, un ata sin presedente en Elas antica. Esta pratica ia permete un revolui sosial[4]. La popla concistada, nomida ilotas, ia cultiva e labora per Sparta e entretempo, la spartanes ia deveni soldatos de la armada spartan en un stato militarida de forma permanente. An la elejedas ia debe vive e eserse como soldatos; esta ia servi per desativi la disputa sosial. Esta reformas, atribuida a Licurgo de Sparta, ia es probable completida en 650 aec.

Atina ia sufri un crise de tera e de cultiva en la sentenio 7 tarda, denova causante un disputa sivil. La arconte Draco ia fa reformis diversa a la codigo legal en 621 aec, ma esta no ia preveni la disputa. A fini, la reformas moderada de Solon (594 aec), cual ia boni la state de la povres ma ia radisi la aristocratas en sua potia, ia dona a Atina alga stablia.

Un mapa mostrante la teritorios e colonias elinica en la periodo anticin.

En la sentenio 6 aec, sites diversa ia emerji como dominante en cosas elinica: Atina, Sparta, Corinto e Tebas. Cada de los ia controla la areas campanial sirca la site e vilas peti, e Atina e Corinto ia deveni la potias maral e comersial la plu grande.

La crese rapida de la popla en la sentenios 8 e 7 aec ia causa la migra de multa elinicas e la fundi de colonias en Elas Magna (en la sude de Italia) e Sisilia, Anatolia e otras. La migra ia fini en la sentenio 6, e en esta tempo la mundo elinica ia deveni multe plu grande (cultural e lingual) ca Elas de oji. La colonias elinica no ia es dirijeda par sua sites fundal, ma frecuente ia reteni lias relijial e comersial con los.

La prosede de migra ia determina ance un serie longa de disputas entre la sites elinica de Sisilia, spesial Siracusa, e la punicas de Cartago. Esta disputas ia continua de 600 aec asta 265, cuando Roma ia alia se con la mamertines per rejeta la enemia de la tirano nova de Siracusa, Hiero 2, e alora la punicas de Cartago. A esta modo, Roma ia deveni la potia nova dominante contra la fortia palinte de la sites elinica en Sisilia e la supremia punica en la rejio. A un anio a pos, la Gera Punica Un ia comensa.

En esta periodo, Elas ia ave un developa grande economial, e ance sua colonias ia crese en comersia e fabrica. On ia ave un boni grande en la cualia de vive de la popla. Alga studias estima ce la grandia promedia de un casa elinica, en la periodo de 800 aec asta 300 ec, ia aumenta par sinco veses, cual indica un aumenta grande en la revenu promedia de la popla.

En la dui du de la sentenio 6, Atina ia cade su la tirania de Pisistrato e alora de sua fios Hipias e Hiparcos. An tal, en 510, provocada par la aristocrata Cleisthenes, la re spartan Cleomenes 1 ia aida la atinanes a suverti la tirania. A pos, Sparta e Atina ia deveni plu prosima e en esta punto Cleomenes 1 ia instala Isagoras como un arconte pro-spartan. Zelosa per evita ce Atina deveni un pupetin de Sparta, Cleisthenes ia proposa ce la sitadanes de Atina revolui afin tota de los comparti la potia political: tal, Atina ia deveni un "democratia". La atinanes ia segue esta idea con tan multe zelo ce los ia suverti Isagoras e ia enforsa la reformas de Cleisthenes. Los ia rejeta un invade gidada par Sparta per repone Isagoras[5]. La ariva de democratia ia cura multe maladias de Atina e ia gida a la "eda orosa" de la site.

Periodo clasica[edita | edita la fonte]

Sentenio 5 aec[edita | edita la fonte]

Pronto, Atina e Sparta ia deveni aliada contra la menasa esterna la plu grande cual Elas va vide asta la concista roman. Pos supresa la revolta ionian, Dario 1 de Persia, Re de Res de la Impero Acemenan, ia deside concista Elas. La jeneral Megabizo ia reconcista Tracia e ia concista Macedonia en la stadios temprana de la gera, ma la gera ia fini con vinse atinan en la batalia de Maraton su Miltiade la Joven.

Sentenio 4 aec[edita | edita la fonte]

Elas ia comensa la sentenio 4 su controla spartan, ma lo ia es clar ce esta ia es debil.

Un crise demografial ia sinifia ce Sparta ia ave tro multe persones, e en 395 Atina, Argos, Tebas e Corinto ia senti capas de defia la domina spartan, causante la Gera de Corinto (395-387 aec). Un plu gera de nonprogresa, lo ia fini con la state presente restorada, pos la menasa de interveni farsi per aida la spartanes.

La ejemonia spartan ia dura tra 16 plu anios, asta cuando la spartanes ia es vinseda en Leuctra en 371 aec cuando los ia atenta forsa sua vole a la tebanes. La jeneral teban Epaminondas ia gida la soldatos teban en Peloponeso e, pos esta, otra sites-statos ia tradi la causa spartan. La tebanes ia pote marxa a Mesenia e libri la popla.

Privada de sua tera e sua campanianes feudal, Sparta ia declina a un potia de nivel du. La ejemonia teban asi stablida no ia dura longa: en la batalia de Mantinea en 362, Tebas ia perde sua gidor Epaminondas e multe de sua omes, an si los ia vinse en la batalia. En fato, la perdes de tota la sites-statos grande ia es tan multe ce no site ia pote stabli sua potia en la tempo seguente.

La stato debilida de Elas ia coaveni con la asende de Masedon, gidada par Filipo 2. En dudes anios, Filipo ia uni sua rena, ia estende lo a la norde e ueste par concista la tribus ilirian, e a pos ia concista Tesalia e Tracia. Sua susede ia es fundida en sua reformis en la armada macedonsce. Filipo ia interveni en la consernas de la sites-statos de la sude, culminante con sua invade de 338 aec.

Vinsente un armada aliada de Tebas e Atina en la Batalia de Ceronea (338 aec), el ia deveni gidor de tota Elas, estra Sparta. El ia obliga la majoria de la sites-statos a junta se a la Liga de Corinto, aliante se a el, e preveninte los de luta contra lunlotra. Filipo ia batalia contra la Impero Acemenan ma ia es asasinada par Pausanias de Orestis en la comensa de la disputa.

Alexandro, fio e seguor de Filipo, ia continua la gera. El ia vinse Dario 3 de Persia e ia destrui la Impero Acemenan, ajuntante lo a Masedonia e ganiante per se la epiteto "la Grande". Cuando Alexandro ia mori en 323 aec, la potia e influe elinica ia es a sua apico. Par contrasta, un cambia fundal ia aveni, distantinte de la cultur clasica autonom de la sites-statos, e developante a la cultur eliniste.

Periodo eliniste[edita | edita la fonte]

La periodo eliniste ia dura de 323 aec, con la fini de la Geras de Alexandro la Grande, asta la ajunta de Elas par la Republica Roman en 146 aec. An si la stabli de la governa roman no ia rompe la continua de la sosia e cultur eliniste, cual ia resta noncambiada asta la ariva de cristianisme, lo ia marca la fini de la autonomia political elinica.

Periodo roman[edita | edita la fonte]

Article xef: Elas roman

La penisola elinica ia es concistada par la Romanes en 146 aec pos la batalia de Corinto. Macedonia ia deveni un provinse roman en cuando la sude de Elas ia es monitorida par la prefeto de Macedonia; par contrasta, alga sites elinica ia susede manteni un autonomia partal e ia evita impostas. La isolas Ejean ia es ajuntada a esta teritorio en 133 aec. Atina e otra sites elinica ia revolta en 88 aec, e la penisola ia es craseda par la jeneral roman Sulla. La geras sivil roman ia ruina la tera an plu, asta cuando Augusto ia organiza la penisola como la provinse de Acaia en 27 aec.

Elas ia es un provinse este major de la Impero Roman, car la cultur roman ia es en fato elinica-roman. La lingua elinica ia servi como lingua franca en la este e en Italia, e multe inteletosas elinica como Galeno ia presenta la plu de sua obras en Roma.

Jeografia[edita | edita la fonte]

Rejiones[edita | edita la fonte]

La teritorio de Elas es montaniosa, e como resulta, Elas antica ia es composada de multe rejiones peti, de cual cada ia ave sua propre dialeto, cualias cultural e identia. La disputas rejional ia es un cualia major de Elas antica. La sites ia es tipal situada en vales entre montanias o sur planos costal, e ia domina un area ensircante.

Colonias[edita | edita la fonte]

En la periodo anticin, la popla de Elas ia crese ultra la capasia de sua tera cultivable.

De 750 aec, la elinicas ia comensa sua estende, coloninte tota la Mediteraneo. A la este, la costa ejean de Anatolia ia es prima colonida, segueda par Cipro e la costa de Trasia, la Mar Marmara e la costa sude de la Mar Negra.

A fini, la coloni elinica ia ariva a do on ave oji Ucraina e Rusia (Taganrog). A la ueste la costa de Iliria, Sisilia e la sude de Italia ia es colonida, segueda par la sude de Frans e la norde-este de Espania. Colonias elinica ia es ance fundida en Egipte e Libia.

Siracusa, Napoli, Marseille e Istanbul ia orijina como la colonias elinica de Syracusae (Συρακούσαι), Neapolis (Νεάπολις), Massalia (Μασσαλία) e Byzantion (Βυζάντιον). Esta colonias ia fa un rol xef en la estende de la influe elinica a tota Europa, e ia aida institui redes comersial de distantia longa entre la sites-statos elinica, aumentante la economia de Elas antica.

Politica[edita | edita la fonte]

Strutur political[edita | edita la fonte]

Elas antica ia es formida per varia sentos sites-stato autonom (poleis). La jeografia de Elas, divideva per montes, colinas, montanias e rios, ia contribui a esta divide.

Governa e leges[edita | edita la fonte]

Inisial multa sites-stato elinica para ave es renas peti; there was often a city official carrying some residual, ceremonial functions of the king (basileus), e.g., the archon basileus in Athens.[27] However, by the Archaic period and the first historical consciousness, most had already become aristocratic oligarchies. Lo no es clar esata como esta cambia ia aveni. Per esemplo

No es nonclar como esta cambia ia aveni. Pd, en Atina, s 1050 aec, la re ia deveni un judor sivil (arcon) de vive intera, de ci la titulo ia es erital. En 753 aec esta ia deveni un judor sivil elejeda cada des anios e en 683 lo ia es elejeda cada anio. A cada paso plu potia ia es donada a la aristocratia como un tota, e sutraeda de la individuas.

Sosia[edita | edita la fonte]

Strutur sosial[edita | edita la fonte]

Instrui[edita | edita la fonte]

Economia[edita | edita la fonte]

Cultur[edita | edita la fonte]

Arte e arciteta[edita | edita la fonte]

Partenon de Atina.

Arte en Elas antica ia eserse un influe enorme en la cultur de multa paises de la tempo antica asta oji, spesial en la areas de sculta e arciteta. En la Ueste, la arte de la Impero Roman ia deriva de la modeles elinica. En la Este, la concistas de Alexandro la grande ia comensa varia sentenios de intercambia entre la cultures de Elas, Asia Sentral e Barat, resultante en la arte elinica-budiste, con ramis asta Nion. Pos la Renase en Europa, la estetica umaniste e la alta normas tecnical de la arte elinica ia inspira jeneras de artistes european. Asta la sentenio 19, la tradision clasica derivada de la arte elinica ia domina la mundo ueste.

Cosina[edita | edita la fonte]

Filosofia[edita | edita la fonte]

La filosofia elinica antica ia foca en la rol de razona e demanda. En multa formas, lo ia ave un importante influe en la filosofia moderna, como ance en siensa moderna. Lines de influe clar e nonrompeda gida de la filosofistes elinica antica e eliniste a la filosofistes e siensistes muslim, a la Renase european e la Lumina, a la siensas secular de oji.

No razona e no demanda ia comensa con la elinicas. Defini la difere entre la interoga elinica re conose e la interoga de sivilias plu antica, como la egipsianes antica o la babilonianes, ia es un tema de studia par teoristes de sivilia.

Alga de la plu conoseda filosofistes de Elas antica ia es Plato e Socrates, entre otras. Se scrivedas como La Republica par Plato dona informa sur la antica sosia elinica.

Leteratur e teatro[edita | edita la fonte]

Teatro de Epidauro, sentenio 4 aec.

La sosia antica elinica ia asentua la importa de leteratur. Multa autores considera ce la tradision leteratural ueste ia comensa con la epicas de la Iliada e la Odisea, cual resta jigantes de la canon leteratural per sua representa destrosa e vivin de la gera e la pas, la onora e la desonora, la ama e la odia. Notable entre la poesistes elinica plu tarda ia es Safo, ci ia defini la poesia lirica como un jenero.

Un autor teatral nomida Escilo ia cambia de leteratur ueste per sempre cuando el ia introdui la idea de conversa e carateres interatante en la teatro. Fante este, el ia crea la "drama": sua nara de tre libros de teatro "Oresteia" es videda como sua susede. Otra autores de teatro ia es Sofocle e Euripide. Sofocle ia developa ironia como un tecnica leteratural, xef en sua teatral "Edipo la Re". Euripide ia usa la teatral per defia normal sosial (un marca de cualia de multa de la leteratur ueste per la 2 300 anios seguente e ultra) e sua obras como Medea es notable per sua capasia per defia nosa persepi de condui, jenero e gera. Aristofane, un autor comica, ia defini e formi la idea de comedia cuasi como Escilo ia formi la trajedia como un forma de arte. La obras plu famosa de Aristofane inclui Lisistrata e La Ranas.

La filosofia ia entre en la leteratur con la obras de Platon, ci ia converti la dona e prende de la interoga socratal en un forma scriveda. Aristotele, un studiante de Plato, ia scrive multa libros sur disiplinas siensal, ma sua contribui plu grande a la leteratur ia es sua Περὶ ποιητικῆς, cual ia posa la comprende de drama, e donce institui la prima criterio per la critica leteratural.

Musica e dansa[edita | edita la fonte]

Siensa e tecnolojia[edita | edita la fonte]

Relijio e mitolojia[edita | edita la fonte]

La mitolojia elinica es composada de naras de la antica elinicas consernante sua dios e eroes, la natur de la mundo e la orijin e importa de se praticas relijial. La dios elinica xef ia es la des-du olimpianes: Zeus, sua sposa Hera, Poseidon, Ares, Hermes, Hephaestus, Aphrodite, Athena, Apollo, Artemis, Demeter, and Dionysus. Otra deos importante ia es Hebe, Hades, Helios, Hestia, Persephone e Heracles. La padres de Zeus ia es Cronos e Rea, ci ia es la padres de Poseidon, Hades, Hera, Hestia, and Demeter.

Referes[edita | edita la fonte]

  1. Slavoj Žižek (18 April 2011). Living in the End Times, Verso, p. 218. ISBN 978-1-84467-702-3. Consultat el 12 June 2011.
  2. "Online Etymology Dictionary." Etymonline.com. Retraeda en 2009-01-06.
  3. "tyrant—Definitions from Dictionary.com." Dictionary.reference.com. Retraeda en 2009-01-06.
  4. Holland T. Persian Fire p 69–70. ISBN 978-0-349-11717-1
  5. Holland T. Persian Fire p 131–138. ISBN 978-0-349-11717-1