Catalan (lingua)

Catalan (català)
Parlada en:	Espania, Frans, Andora, Sardinia
Area:	Europa
Tota parlores:	7,7 miliones
Ordina:
Familia:	Linguas romanica
State ofisial
Lingua ofisial de:	Andora, Catalunia, Isolas Balear e Comunia Valensia
Regulada par:	Institut d'Estudis Catalans Acadèmia de la Llengua Valenciana
Sifras
ISO 639-1	ca
ISO 639-2	cat
SIL	cat
La areas do catalan es parlada
Vide ance: Lingua – Lista de linguas

Catalan (català AFI: [kə.tə'la] o [ka.ta'la]) es un lingua romanica, la lingua nasional de Andora, e un lingua coofisial en la Isolas Balear, Catalunia, e Comunia Valensia, e de la site Alguer en Sardinia. Catalan es multe simil a ositan. La cuantia intera de parlores es sirca 10 milion.

Istoria

Article xef: Istoria de la lingua catalan

Eda medieval: orijinas

La catalan ia developa de la latina vulgar a ambos lados de la Pirineos. Lo comparti sua orijina con otra linguas romanica como los parolada en Frans (ositan, franses), Italia (italian) e en la penisola iberian (espaniol, aragones). An si alga teorias ipotese un divide istorial de la linguas ositan, on pote regarda la area de la ueste de Italia asta la este de Espania como un continua dialetal, con alga disturbia como resulta de la divide political e suprapone de lingua nasional model.

Como resulta de la concistas aragones e catalan de Al-Andalus a la sude e a la ueste, lo ia estende a la Catalunia presente, a la Isolas Balear e a la Comunia Valensia.

Jeografia

La catalan es parlada en cuatro paises diferente:

• Andora. Lo es la sola lingua ofisial, la lingua de 43,8% de la popla.
• Espania:
  • Catalunia, do lo es un propre lingua e coofisial con la espaniol e la aranes.
  • Isolas Balear, do lo es un propre lingua e coofisial con la espaniol.
  • En la plu de la Comunia Valensia, do lo es conoseda como valensiano.
  • En la area este de Aragon, do lo es parlada par 29 000 persones.
• Frans. Lo es parlada en la area conoseda como Catalunia Norde, cual ia es parte de Espania asta la Pas de la Pirineos (1659). Oji la departamento de la Pirineos Este. La lingua no es ofisial.
• Italia. La lingua es parlada en la site Alguer, en Sardinia.

Cualias de catalan

Catalan ave alga cualias linguistica cual fa ce lo difere de la linguas romanica ambiente, seguente la evolui local de la latina vulgar a lo cual nos conose aora como catalan.

La cualias seguente es alga de la mutas de latin cual ia reali en la solidi de catalan, an si ance otra cualias jeneral es mostrada:

• Cualias comun con la linguas galo-romanica:
  • Cade de la vocales nonasentuada final estra -A -A (MURU-, FLORE- → mur, flor), en oposa a la grupo ibero-romanica cual conserva la vocal final estra -E (muro però flor/chor) o italo-romanica cual conserva lo (muro, fiore).

• Cualias comun con ositan:
  • La catalan ave un ricia de diftongos e nomes monosilabal: ([aj] rai, [ej] rei, [aw] cau, [ew] beu, [ow] pou, etc).

• Cualias cual oposa lo a galo-romanica:
  • Conserva de la -u- de latin (catalan este lluna [ˈʎunə], catalan ueste lluna [ˈʎuna/ɛ], ositan luna [ˈlynɔ], franses lune [lyn]).

• Cualias cual oposa lo a espaniol:
  • Manteni de la pronunsia abrida de la vocales Ĕ e Ŏ (‹e› i ‹o› corta) asentuada de latin vulgar [ɛ] e [ɔ] en ordina (TERRA → terra [ˈtɛrə]/[ˈtɛra/ɛ]; FOCU- → foc [ˈfɔk])

• Cualias cual oposa lo a ositan (jeneral):
  • Redui de la diftongo AU a "o abrida" [ɔ] (CAULIS, PAUCU- → col, poc).

Frases comun en catalan

(Con la pronunsia de la dialeto sentral en e sirca Barselona).

• Catalan: Català /kətəˈlɑ/
• Alo: hola /ˈɔlə/
• Adio: adéu /əˈðew/; adéu siau /əˈðew siˈaw/
• Per favore: si us plau /sisˈplaw/
• Grasias: gràcies /ˈgɾɑsiəs/; mercès /məɾˈsɛs/
• Pardona me: perdó /pəɾˈðo/, ho sento /u ˈsentu/
• Esta un: aquest /əˈkɛt/ (masc.); aquesta /əˈkɛstə/ (fem.)
• Cuanto?: quant val? /ˈkwɑmˈbɑl/; quant és? /ˈkwɑnˈes/
• Si: sí /ˈsi/
• No: no /ˈno/
• Me no comprende: No ho entenc /ˈno wənˈteŋ/
• Do es la saleta privata?: on és el bany? /ˈonˈezəlˈβaɲ/; on és el lavabo? /ˈonˈezəlˈləˈβɑβu/
• Joia!: salut! /səˈlut/;
• Tu parla engles?: Que parla (l')anglès? /kə ˈpaɾlə lənˈglɛs/
• Tu parla catalan?: Que parla (el) català? /kə ˈpaɾləl kətəˈlɑ/

Bibliografia

• Moll, Francesc B. (1952) Gramática histórica catalana, Madrid: Gredos.