Dalmatian (lingua)

Dalmatian ia es un lingua romanica estinguida, parlada en la rejion Dalmatia de Corvatsca moderne, e tan sude como Montenegro. La nom refere a un tribu de ilirianes, la dalmatae. La Republica Roman ia deveni la renores de la teritorio entre 229 e 155 aec. Mercatores e autorias de Roma ia importa sua lingua, e ultima la abitores ia abandona sua linguas (varias de ilirian) per latina comun.

Cuasi cada site ia developa sue dialeto propre, ma la plu de estas ia deveni estinguida ante los ia es arcivida. Du dialetos ia deveni la plu comun: Ragusan e Viclasun. Ragusan ia es la dialeto sude, de cual se nom es derivada de Ragusa, la nom romanica per Dubrovnik. Lo ia deveni la lingua ofisial de la Republica de Ragusa, ma lo ia es sustituida par Venetian, e plu tarde par Serbo-Corvatsce. Viclasun ia es la dialeto norde, de cual se nom es de Veglia, la nom italian de Krk, cual ia es nomida Vikla en la dialeto.

Nomes

Nomes es distinguida par seso e numero:

	Singular	Plural
Mas	(tipal) -o / consonante	-i
Fema	(tipal) -a	-e

La articles presede la nom:

	Singular	Plural	Nondefinada
Mas	el	i	yoin
Fema	la	le	yoina

La ajetivos segue esta model e acorda con la nom. Ajetivos jeneral presede la nom.

Pronomes

	Sujeto	Ojeto	Det. de posese
1 singular	ju	me / main	mi / maja
2 singular	te	toi	to / toa
3 singular	jal / jala	joi / joe	de jal / de jala
1 plural	nu	noi	nuestre / nuestra
2 plural	vu	voi	vester / vestra
3 plural	jali / jale	jai	de jali / de jale

Verbos

La presente:

	Singular	Plural
1	-a / -uo	-aime
2	-e	-aite
3	-a / -uo	-a / -uo

Pasada: ajunta -u- entre la radis e la sufisa personal.

Futur: usa la forma infinitiva (-ar, -ur, -ro) e ajunta la sufisas personal per la futur (-e, -e, -e, -me, -te, -e).

Pasiva: usa la verbo aidante joi o jai e la partisipio pasiva (-ait, -oit, -uat).