Aromanian (lingua)

De Vicipedia
Jump to navigation Jump to search
Distribui de parlores de aromanian

Aromanian (limba armãneascã o simil), ance conoseda como macedo-romanian o valah, es un lingua romanica este, simil a megleromanian parlada en Europa sude-este. Alga linguistes vide lo como un dialeto de romanian. Aromanian comparti multe cualias con romanian moderne, incluinte un morfolojia, sintatica, e un vocabula grande eritada de latina.

Un fonte importante de nonsimilia es sua linguas adstrato (pd influes esterna): Romanian ia es influeda multe par la linguas slavica; Aromanian ia es influeda plu par elinica (lingua), con cual lo ia es en contata prosima tra sua istoria. Ance, aromanian usa parolas elinica per crea parolas nova, cuando romanian usa franses (lingua) per la plu de sua parolas nova.

Un orijina posible de aromanian es como, en la mesma modo ce romanian es crededa desendeda de la latina parlada par la dacianes e colonistes roman en la area de Romania moderne, aromania ia desende de la latina parlada par la tracianes e ilirianes cual ia abita la balcanes sude (pd Epiro, Macedonia, e Tracia).

Aromania ave diferes de romanian en sua fonolojia, posible de la influe de elinica. Per esemplo, aromanian ave alga consonantes espirante cual no esiste en romanian, como /θ, ð, x, ɣ/.

La morfolojia e sintatica es multe simil a los de otra linguas romanica:

  • Lo ave singular e plural;
  • Lo permete la cade de sujeto;
  • La verbos ave multe conjugas, incluinte tempos presente, pasada, futur, perfeta, e pluperfeta, un modo de comanda, voses ativa e pasiva, un jerundio, e un partisipio pasada.

Aromanian ave ance alga esetas de la linguas romanica, de cual algas es compartida con romanian:

  • La article defininte es un clitica sufisada a la fini de nomes;
  • La articles defininte e nondefininte pote es infletada;
  • Nomes ave du casos, direta e nondireta (nominativa/acusativa e jenetiva/dativa);
  • Nomes es clasida en tre sesos - mas, fema, e neutra.
  • Infinitivas no esiste (un difere de romanian).
Linguas romanica
Sardo-romanica Sarda
Ibero-romanica PortugesGalegoAsturianEspaniolAragonesEstremaduran
Ositano-romanica CatalanOsitan (Aranes)
Galo-romanica FransesUalonLigure (Monaces) • Lombard (Milanes) • Piemontes
Reto-romanica RumansFurlanLadin
Italo-romanica ItalianCorsuSisilian
Balcano-romanica RomanianDalmatianAromanian