Jazair

De Vicipedia
Jump to navigation Jump to search
Republica de Jazair Democratal e Popular
الجمهورية الجزائرية الديمقراطية الشعبية
Al-Yumhūriyya al-Yazāiiriyya ad-Dīmuqrāţiyya ash-Shaʿbiyya
ⵜⴰⴳⴷⵓⴷⴰ ⵜⴰⴷⵣⴰⵢⵔⵉⵜ ⵜⴰⵎⴰⴳⴷⴰⵢⵜ ⵜⴰⵖⴻⵔⴼⴰⵏⵜ
Tagduda tamegdayt taɣerfant tazzayrit
Flag of Algeria.svg Seal of Algeria.svg
DZA orthographic.svg
Informa jeneral
Capital: Jazair
Lingua ofisial: Arabi, franses, e dialetos de berber
Dirije
Governa: Republica semipresidental
- Xef de stato: Abdelaziz Bouteflika
- Xef de governa: Abdelmalek Sellal
Otras
Area: 2 381 741 km²
Popla: 40 400 000
Densia: 14,6
PIB: US$ 251 705 milion
Mone:
Zona de ora: UTC + 1
Numero de telefon: +213
Interede: .dz
Algeria map-es.jpg

Jazair es un pais en Africa.

La area es sirca 2 381 740 cilometres cuadrida.

La cuantia de abitores, en la anio 2007, ia es sirca 33 333 216 persones.

La site capital es Jazair.

La linguas major es arabi, franses e dialetos de berber.

Tra multe anios, costumes franses ia domina la vive cultural jazairi, ma pos la temprana de la desenio de 1960, multe artistes e inteletosas jazairi ia revive la costumes arabi-berber. Jazair es entre la nasiones african la plu rica. An con cultiva e pexa forte, Jazair debe importa comedas. Sua esportada la plu importante es olio. De pos 1992, elejes ia es proibida per preveni la Fronte Islamiste per Salva, un grupo islamiste estremiste, de gania un majoria en la legeria. Alora la pais ia es governada par la Consilio Alta de Stato, gidada par la presidente.

Istoria[edita | edita la fonte]

Numidia, la rena berber prima, ia es defetada par Roma en 106 aec. En la sentenio 7 ec, arabis muslim ia invade Africa norde , incluinte la Rena Berber. Entre la sentenios 11 e 13 ec , Jazair ia progresa su du dinastias berber: almoravides e almohades. En la sentenio 16 , la osmanianes ia governa la area como provinse autonom. Frans ia ajunta Jazair en la desenio de 1830, e ia developa un economia moderna en la colonias o areas abitada par la colonistes franses. Muslimes ia es opresada e restrinjeda en la viletas. Pos la Gera Mundal Prima, nasionalisme ia crese grande.

En 1954, escluidas jazairi ia fundi un comite revoluinte, nomida la Fronte de Libri Nasional (FLN). Lo ia comensa atas de gerilia e sabota, cual ia paralise la fortes franses en la du anios seguente. En 1962, on ia institui un sesafusili, e Jazair ia proclama sua autonomia. An tal, la custas de gera e la parti coletiva de colonistes, cual ia conteni laborores esperta, ia causa un desgradi economial. En 1962 Ahmed Ben Bella ia es elejeda como la presidente autonom prima.

Pos 1992 un gera violente interna ia eruta entre la governa tempora e grupos estremiste. En 1994 la Consilio Alta ia nomi Liamin Zerual la presidente. Sua governa ia aproba cambias constitual intendeda per fini la violentia e teror continuante en la pais.

Politicistes[edita | edita la fonte]