Costa de Ivor

De Vicipedia
Jump to navigation Jump to search
Republica de Costa de Ivor
République de Côte d'Ivoire
Flag of Côte d'Ivoire.svg Coat of arms of Ivory Coast.svg
CIV orthographic.svg
Informa jeneral
Capital: Yamoussoukro
Lingua ofisial: franses
Dirije
Governa:
- Xef de stato: Alassane Ouattara
- Xef de governa: Daniel Kablan Duncan
Otras
Area: 322,463 km²
Popla: 23,919,000
Densia: 63.9
PIB:
Mone:
Zona de ora: GMT (UTC+0)
Numero de telefon: +225
Interede: .ci
Côte d'Ivoire Map.jpg

Costa de Ivor (ofisial la Republica de Costa de Ivor) es un pais en Africa ueste. Sua capital political es Yamoussoukro, e sua capital economial e site la plu grande es la porto Abidjan. Lo es bordada par Gine e Liberia a la ueste, Burcina Faso e Mali a la norde e Gana a la este. La Golfo Gine de la Mar Atlantica es situada a sude de Costa de Ivor.

Ante sua coloni par europeanes, Costa de Ivor ia conteni statos incluinte Jaman, la Impero Kong, e Baoulé. Du renas anii, Indénié e Sanwi, ia atenta reteni sua identia separada tra la periodo de colonia franses e pos autonomia. Costa de Ivor ia deveni un protejoria de Frans en 1843–44, e un colonia franses en 1893 en la scaramuxa european per Africa.

Costa de Ivor ia deveni autonom en 1960, gidada par Félix Houphouët-Boigny, ci ia rena la pais asta 1993. La pais ia manteni un asosia forte de politica e economia con sua visinas de Africa ueste, ma a la mesma tempo ia resta prosima liada a la Ueste, spesial a Frans. De la fini de la rena de Houphouët-Boigny, Costa de Ivor ia esperia un colpa de stato en 1999 e du geras interna con funda relijial. La prima ia aveni entre 2002 e 2007 e la otra de 2010 a 2011. En 2000, la pais ia adota un constitui nova.

Costa de Ivor es un republica de cual sua presidente ave un potia forte de esecuta. Par produi cafe e cacau, la pais ia es un potiosa economial en Africa ueste en la desenios de 1960 e 1970. Lo ia esperia un crise economial en la desenio de 1980, contribuinte a un periodo de tumulta political e sosial. En la sentenio 21, la economia ivorian es xef fundida sur mercatos e depende ancora forte de cultiva. La produi de recolies profitosa par ortos peti es dominante.

En Costa de Ivor, on parla sirca 78 linguas. La lingua ofisial es franses, ma linguas nativa local es ance multe usada, incluinte dioula. Relijios popular inclui cristianisme (xef catolicisme), islam e alga relijios nativa.

La area es sirca 322 460 cilometres cuadrida.

La cuantia de abitores, en la anio 2007, ia es sirca 18 013 409 persones.