Capo Verde

De Vicipedia
Republica de Capo Verde
República de Cabo Verde
Informa jeneral
Capital: Praia
Lingua ofisial: Portuges e capoverdean
Dirije
Governa: Republica semipresidental unida
- Xef de stato: Carlos Veiga
- Xef de governa: Ulisses Correia e Silva
Otras
Area: 4,033 km²
Popla: 525,000 (2015)
Densia: 123.7/km²
PIB: 3.649 bilion (2016)
Mone: Escudo de Capo Verde
Zona de ora: CVT (UTC-1)
Numero de telefon: +238
Interede: .cv

Capo Verde (en portuges: Cabo Verde, pronunsiada [ˈkabu ˈveɾdɨ]), nomida ofisial la Republica de Capo Verde, es un pais cual es composada de un arcipelago de des isolas volcanal en la sentro de la Mar Atlantica. Lo inclui du grupos de isolas: Barlavento e Sotavento. Locada 570 cilometres a la ueste de la Penisola Capo Verde en Africa ueste, la isolas covre un area combinada de sirca 4 033 cilometres cuadrida. La cuantia de abitores, en la anio 2007, ia es sirca 423 613 persones. La site capital es Praia. La major linguas es portuges e criolo capoverdean.

La arcipelago de Capo Verde ia es nonabitada asta la sentenio 15, cuando esplorores portuges ia descovre e coloni la isolas, e fundi la colonia european prima en la tropico. Locada ideal per la comersia atlantica de sclavos, la isolas deveni rica tra la sentenios 16 e 17; lo ia atrae mercatores, barcones privata e piratas. La fini de sclavia en la sentenio 19 ia causa declina economial e migra a estra la pais. Capo Verde ia regania gradal como un sentro importante de comersia e un visita per vias de carga. Pos la pais ia deveni un departe ultramar de Portugal en 1951, la isolas ia continua ajita per autonomia, cual ia es ateni pasosa en 1975.

De pos la temprana de la desenio de 1990, Capo Verde ia es un democratia representante stable, e permane un de la paises la plu developada e democrata en Africa. Par cause de un manca de recursos natural, la economia developante de Capo Verde es per la plu parte servi orientada, con un foca cresente sur turisme e investi esterna. La popla de Capo Verde, sirca 512 000 abitores, es per la plu parte un misca de erita european e african, e es per la plu parte catolica, cual refleta la lega de governa portuges. Un diaspora grande esiste tra la mundo, cual es pico plu multe ca la cuantia de abitores en la isolas.

Etimolojia[edita | edita la fonte]

La nom de la pais es derivada de Cap-Vert, en la costa senegales. En 1444, esplorores portuges ia nomi la loca de orienta Cabo Verde ("Capo Verde"), un pico de anios ante los ia descovre la isolas.

A 24 otobre 2013, la delega de la pais ia proclama a la Nasiones Unida ce la nom ofisial debe no plu es traduida a en otra linguas. En loca de "Capo Verde", la identifia de "Republica de Cabo Verde" debe es usada.