Comori

De Vicipedia
Jump to navigation Jump to search
Uni de Comori
جزر القمر
Ğuzur al-Qamar
Udzima wa Komori
Union des Comores
Flag of the Comoros.svg Seal of the Comoros.svg
Comoros (orthographic projection).svg
Informa jeneral
Capital: Moroni
Lingua ofisial: arabi, franses, e shicomoro
Dirije
Governa: Republica presidental
- Xef de stato: Azali Assoumani
- Xef de governa: Fouad Mohadji
Mohamed Ali Soilih
Nourdine Bourhane
Otras
Area: 2 235 km²
Popla: 724 300
Densia: 324,07
PIB: USD 600 milion
Mone:
Zona de ora: EAT (UTC + 3)
Numero de telefon: +269
Interede: .km
Comoros Mayotte.PNG

Comori (ofisial la Uni de Comori), es un nasion de arcipelago en la Mar Indian, locada a la fini norde de la Streta Mosambic, a la costa este de Africa, entre Mozambic norde-este e Madagasicara norde-ueste. Otra paises prosima a Comori es Tanzania a la norde-ueste e la Sexeles a la norde-este.

Sua capital es Moroni, sur la isola Grande Comore. Lo ave tre linguas ofisial: comori, arabi e franses. La relijio de la majoria de la popla es islam.

A 1660 km², escluinte Mayotte (un isola disputada), Comori es la nasion tre de la plu petis de Africa. La popla, denova escluinte Mayotte, es estimada como 798 000.

Como un nasion formida a un crus de vias entre sivilias diversa, la arcipelago es notada per sua cultur e istoria diversa. Lo ia es prima abitada par parlores bantu ci ia veni de Africa este, aumentada par migra arabi e austronesian.

La pais es composada de tre isolas major e multe isolas plu peti, de cual tota es situada en un arcipelago volcanal. La isolas major es comun conoseda par sua nomes franses: Grande Comore (Ngazidja), la plu norde-ueste; Mohéli (Mwali); e Anjouan (Nzwani).

En ajunta, la pais reclama un isola major cuatro, Mayotte (Maore), la plu sude-este, an si Mayotte ia vota contra autonomia de Frans en 1974, ia es nunca dirijeda par un governa autonom comori, e continua es dirijeda par Frans, corente como un departe ultramar. Frans ia veti desides par la Consilio de Securia de la Nasiones Unia cual ta afirma la autoria comori supra la isola. En ajunta, en 2011, Mayotte ia deveni un departe ultramar e rejion de Frans, pos un referendo aprobante.

La linguas major es arabi, franses, e shicomoro.