Africa sude

De Vicipedia
Jump to navigation Jump to search
Africapartes.gif

Africa sude es la rejion la plu sude en la continente de Africa, cual es diversa definida par jeografia o jeopolitica, e inclui alga paises. La terma Africa sude inclui jeneral Botsuana, Lesoto, Namibia, Sudafrica, e Suaziland. Alga fontes inclui ance Angola, Malaui, Mosambic, Zambia e Zimbabue

De un perspetiva political, on dise ce la rejion es unipolar[1], con Sudafrica como la potia rejional prima.

Jeografia[edita | edita la fonte]

La tereno de Africa sude es variosa, con forestas, savanas e desertos. La rejion ave e areas basa costal e montanias.

En relata a recursos natural, la rejion ave la cuantia la plu grande de mundo de platino e la elementos de la grupo platino: cromo, vanadio e cobalto, e ance de uranio, oro, titanio, fero e diamantes.

Cultur e popla[edita | edita la fonte]

Africa sude es la casa de multe cultures e poplas. Lo ia es poplada en la pasada par sanes, coicois e pigmeos en proportios vasta sperdeda. Par causa de la crese de la bantus, cual ia desloca la poplas pasada a la areas plu distante de la rejion, la majoria de etnicos en esta rejion – incluinte la zulus, la tsongas, la cosas, la suazis, la ndebeles norde e sude, la tsuanas, la sotos, la xonas, la balundas, la mbundus, la ovimbundus, la chagas, e la sucumus – parla linguas bantu. La prosede de coloni ia produi un cuantia relativa grande de abitores ci ave linias de familia european (africans, brites, portuges, etc) e asian (melaiu, barati, etc) en multe paises en Africa sude.

Cultiva e securia de comeda[edita | edita la fonte]

Alga fatores major cual afeta la securia de comeda en la rejion inclui nonstabilia political; governa povre; secias; crese de la cuantia de abitores; urbani; povria; crese basa de economia; politica cultival, acordas de comersia e governas nonsufisinte; degrada de recursos e la crese resente de aides.

Paises[edita | edita la fonte]

Nom Area
(km²)
Cuantia de Popla (sirca)
(1 Julio 2002)
Densia
(per km²)
Capital
Africa sude:
Botsuana 600 370 1 591 232 2.7 Gaborone
Lesoto 30 355 2 207 954 72.7 Maseru
Namibia 825 418 1 820 916 2.2 Windhoek
Sudafrica 1 219 912 43 647 658 35.8 Bloemfontein, Cape Town, Pretoria
Suaziland 17 363 1 123 605 64.7 Mbabane

Referes[edita | edita la fonte]