Libia

De Vicipedia
Jump to navigation Jump to search
Libia
دولة ليبيا
Dawlat Lībiyā
Flag of Libya.svg The emblem on the passport of Libya.svg
Libya (orthographic projection).svg
Informa jeneral
Capital: Tarabulo
Lingua ofisial: Arabi
Dirije
Governa:
- Xef de stato:
- Xef de governa:
Otras
Area: 1,759,540 km²
Popla: 6,036,914
Densia:
PIB:
Mone:
Zona de ora:
Numero de telefon:
Interede:
Un-libya.png

Libia es un pais en Africa.

La area es sirca 1 759 540 cilometres cuadrida.

La cuantia de abitores, en la anio 2007, ia es sirca 6 036 914 persones.

La site capital es Tripoli.

La linguas major es arabi, engles, e italian. Libia es un de la paises la plu grande de Africa norde, ma 90 persentos de lo es planos steril e deserto, con clima calda e seca , en cual poca plantas crese. La recurso xef es petrolio.

Istoria[edita | edita la fonte]

La plu de la popla es de orijina berber e arabi. Plu ca du tris de la persones abita en la areas costal, e plu ca 86% en sites. Islam es la relijio de stato. Instrui es sin custa e obligante, e sirca 70% de persones pote leje. Libia ia es un pais cultival, ma la descovre de petrolio en la tarda de la desenio de 1950 ia cambia profonda la economia. La plu de comedas es importada. Su la constitui de 1977, la potia es tenida par la gidor revoluinte.

Fenisianes ia institui colonias a la custas de Libia presente. En la sentenio 16 ec, la osmanianes ia catura lo. En la sentenio 19, la partida islamiste puritan sanusi ia emerji. Lo ia gida la resiste contra la italianes, ci ia comensa la concista de Libia. La osmanianes ia retira se en 1912. En la Gera Mundal Du (1939–45), Libia ia es la sena de combate intensa entre italianes-deutxes e la fortes aliada. Pos la gera, Frans e Britan ia comparti la controla de la pais asta cuando lo ia gania autonomia plen en 1952. Libia ia junta se a la alia arabi 1953 e a la Nasiones Unida (UN) en 1955.

En 1969, un grupo de ofisiores joven de armada ia suverti la governa e ia institui la Republica Arabi Libi. La governa revoluinte, dominada par coronel Muammar al-Qaddafi, un muslim zelosa ci ia aspira gida la mundo arabi, ia mostra un determina a fa un rol plu grande en Asia sude-ueste. Qaddafi ia ordina ce tota comersias debe es intera poseseda par libis, e tota bancos e recursos de olio ia es nasionalida. Pos la gera de Iom Cipur (1973) entre arabis e israelis, Libia ia partisipa a un embargo de vende de olio a la ueste e ia recomenda forte un custa plu alta per olio. Su gida de Qadafi, la suporta libi per la Organiza de Libri Palastina (OLP) ia crese. La tensa entre Libia e SUA ia alti en 1981 cuando jetos marinal de la SUA ia xuta du aviones libi a tera. En la tarda de 1985, en responde a terorisme grandida e parente dirijeda par Libia contra americanes en Europa, la SUA ia bombi locas en Libia sur cual lo ia suposa ce los es "sentras teroriste". En 1992 , la Nasiones Unida ia comanda punis contra Libia per sua refusa de esclui du omes suspetada de bombi la avion Pan American Flight 103 en 1988 supra Lockerbie, Scotland.