Alfabeta elinica

De Vicipedia
Jump to navigation Jump to search

La alfabeta elinica ia es usada de la sentenio nove aec. Lo es un varia de la alfabeta fenisia, cambiante alga de la consonantes a vocales, e es la alfabeta prima completa. La alfabeta elinica es la fonte de la alfabetas latina, goto, cirilica e otras. Otra ca la usa de lo per scrive la lingua elinica, en sua formas antica e morderna, la alfabeta elinica es oji usada como un fonte de eticetas e simboles tecnical en multe dominas de matematica, siensa e otra campos.

En la formas clasica e moderna de lo, la alfabeta ave 24 leteras, comensa con alfa e fini con omega. Como latina e cirilica, elinica ia ave prima sola un forma per letera; lo ia developa la distingui entre leteras major e minor en paralel con latina en la eda moderna.

La sonas e transcrives normal de alga de la leteras difere entre la usa elinica antica e elinica moderna car la pronunsia de elinica ia cambia sinifiosa entre la sentenio 5 aec e oji. Elinica moderna e antica usa sinietas diferente. La ortografia tradisional, cual es usada per elinica antica e a veses per elinica moderna, ave multe sinietas; per esemplo, sinietas per asentua de tono ("politonal"), la sinietas de respira per la presentia e asentia de la sona inisial /h/, e la iota suindise per la sona final istorial /i/. En spele normal e moderna de elinica, ortografia ia es simplida a un sistem monotonal cual usa sola du sinietas: la sinieta agu e la dierese.

Leteras[edita | edita la fonte]

Letera Nom Pronunsia
Elinica Elefen Elinica
clasica
Elinica
moderna
Α α άλφα Alfa [a] [a:] [a]
Β β βήτα Beta [b] [v]
Γ γ γάμμα
γάμα
Gama [g] [ɣ~ʝ]
Δ δ δέλτα Delta [d] [ð]
Ε ε έψιλον Epsilon [e] [e̞]
Ζ ζ ζήτα Zeta orijinal [zd] o [dz]
plu tarda [z]
[z]
Η η ήτα Eta [ɛ] [i]
Θ θ θήτα Teta [tʰ] [θ]
Ι ι ιώτα
γιώτα
Iota [i] [i] [i], [j]
Κ κ κάππα
κάπα
Capa [k] [k~c]
Λ λ λάμδα
λάμβδα
Lamda [l] [l]
Μ μ μι
μυ
Mu [m] [m]
Ν ν νι
νυ
Nu [n] [n]
Ξ ξ ξι Xi [ks] [ks]
Ο ο όμικρον Omicron [o] [o̞]
Π π πι Pi [p] [p]
Ρ ρ ρω Ro [r] [rh]
Σ σ
ς
(final)
σίγμα Sigma [s] [s]
Τ τ ταυ Tau [t] [t]
Υ υ ύψιλον Upsilon orijinal [u]
plu tarde [y] [y:]
[i]
Φ φ φι Fi [pʰ] [f]
Χ χ χι Ci [kʰ] [x~ç]
Ψ ψ ψι Psi [ps] [ps]
Ω ω ωμέγα Omega [ɔ] [o̞]

Sonas[edita | edita la fonte]

En elinica anitca e moderna, la leteras de la alfabeta elinica ave asosias relativa stable e coerente entre simboles e sonas, cual fa ce la pronunsia de paroles es jeneral predisable. La spele de elinica antica ia es jeneral prosima a fonemal. Per alga leteras, sonas difere entre elinica antica e moderna, car la pronunsia de los ia segue un serie de moves fonolojial cual ia afeta la lingua en la pasos posclasica de lo.

En leteras consonantal, tota la leteras cual ia indica consonantes esplodente con vose (/b, d, g/) e esplodentes espirada (/pʰ, tʰ, kʰ/) en elinica antica es fricantes en elinica moderna. La corespondes es a su:

  Esplodentes pasada con vose Espiradas pasada
Letera Antica Moderna Letera Antica Moderna
Labial Β β /b/ /v/ Φ φ // /f/
Dental Δ δ /d/ /ð/ Θ θ // /θ/
Dorsal Γ γ /ɡ/ [ɣ] ~ [ʝ] Χ χ // [x] ~ [ç]

En la simboles vocal, la sonas de elinica moderna refleta la simpli estrema de la sistem de vocal de elinica posclasica; multiple fonemes vocal, cual ia es pasada separada, ia fusa a en un cuantia multe plu peti de vocales. Esta fa ce alga grupos de vocales indica oji la mesma sonas. La ortografia de elinica moderna reteni la spele istorial en la plu de esta casos. Par causa de esta, la spele de parolas en elinica moderna no es comun predisable par sola la pronunsia, en cuando la pronunsia es comun coerente e predisable par sola la spele.

La leteras vocal e digrames seguente es envolveda en la fusas:

Letera Antica Moderna Letera Antica Moderna
Η η ɛː > i Ω ω ɔː >
Ι ι i(ː) Ο ο o
ΕΙ ει ei Ε ε e >
Υ υ u(ː) > y ΑΙ αι ai
ΟΙ οι oi > y  
ΥΙ υι > y  

Parolores de elinica moderna usa tipal la mesma sonas moderna cuando los leje elinica de tota la pasos istorial. En otra paises, studiantes de elinica antica pote usa un diversia de aprosimis normal de la sistem istorial de sona cuando los pronunsia elinica antica.


Sistemes de scrive model
Logografias Cuneforma | Ieroglifes | Xines | Maia
Silabarios Tsalagi | Canadianes orijinal | Catacana | Hiragana | Linial B
Abjades Alfabeta orijinal | Arabi | Fenisia | Arami | Ivri | Nabatea | Suri
Abugidas Bangla | Brami | Calinga | Canada | Caxmiri | Devanagari | Granta | Gujurati | Gupta | Gurmuci | Itiopian | Mianmar | Odia | Sindi | Sinhales | Tai | Tamil | Telugu | Tengwar | Tibetan
Alfabetas completa Bopomofo | Cartuli | Cirilica | Copta | Deseret | Deutx | Elinica | Eres | Etrusca | Glagolitica | Goto | Haiaren | Hangul | Latina | Mandaia | Mongol | Ogam | Runas | Shaw | Uigur
Otra cosas Transcrive | Stenografia | Alfabeta Fonetical Internasional (AFI) | Unicode