Transcrive

De Vicipedia
Jump to navigation Jump to search

Transcrive es la ata de cambia un testo cual usa un sistem de scrive a un cual usa un otra sistem. Per esemplo, on pote transcrive un testo antica en la devanagari a la alfabeta latina per fasili la leje par algun ci pote comprende la lingua ma no la sistem de scrive.

Elefen ave modos variosa per transcrive de alfabetas otra ca la latina e la cirilica cual en normal usada en elefen.

En elefen, per spele nomes propre – como nomes de persones, corporas, marcas comersial, locas jeografial (estra alga locas bon conoseda internasional), etc – on usa un forma tan simil como posible a la spele en la lingua orijinal.

Si la nom es orijinal scriveda en la alfabeta latina, no cambia lo. Reteni la spele orijinal. An tal, en un testo nonformal, on pote sutrae sinietas (pe ´, ¨, etc) e sustitui leteras simple per leteras cual no apare en la alfabeta fundal de 26 leteras.

Otra sistemes de scrive[edita | edita la fonte]

Cuando acel lingua no usa la alfabeta roman, elefen usa la transcrive ofisial (o la plu comun) per lo, jeneral seguente la recomendas de UNGEGN. Esta aplica no sola a nomes propre, ma a tota testos. Per esemplo, usa piniin per transcrive nomes xines, e romaji per transcrive nomes japanes. Regulas plu detaliosa apare en la pajes seguente:

Casos spesial[edita | edita la fonte]

Car cirilica es un parte normal de elefen, on ave regulas spesial per transcrive de cirilica a latina, e la reversa:

Ance, car elefen es per la plu parte un lingua romanica, multe parolas latina - e elinica - es un parte normal de elefen. Donce, on ave regulas spesial per transcrive nomes antica latina e elinica:

Nomes de la tasonomia de plantas, animales, e otra viventes ave un modo de transcrive simil a la nomes antica, con alga regulas spesial: