Scrive corente

De Vicipedia
Jump to navigation Jump to search
Scrive corente en un letera de 1894
Scrive corente anelida en un nota par un studiante engles
Scrive corente de Roma antica
Scrive corente de Elas de la sentenio ses
Scrive corente per cirilica rusce
Schulschrift: un scrive corente cual no devia multe de scrive normal
Grundschrift: un scrive noncorente sujesteda como plu bon ca scrives corente

Scrive corente es cualce stilo de scrive par mano en cual alga leteras es juntada scriveda en un modo fluente, jeneral per la intende de rapidi scrive. Scrive corente formal es jeneral juntada, ma formas casual es comun un combina de juntas e levas de la pen. Anelos es ance usada en alga formas, per permete fasil la juntas.

Esta stilo de scrive es distinguida de la scrive usada en primi, en cual la leteras de un parola no es juntada e tipal plu cuadrida (en alfabetas european, sude asian, ivri, etc). En alga alfabetas, an la forma primida es corente, per esemplo en la scrive arabi e alga scrives de Asia sentral. Ma alga de estas ave ance un forma plu rapida.

La orijinas de la scrives corente es asosiada con la vantajes pratical de scrive rapida sin multe levas de la pen, spesial per aida la scrivor con la limitas de penes de pluma. Los es frajil, fasil danada, e salpica si no usada coreta. Penes de aser ia es plu durante, ma ia ave ance alga limitas. La scrive corente ia aida esta limitas car on no debe leva la pen de la paper tan frecuente.

Oji, multe sistemes de educa en nasiones variosa con linguas cual usa la alfabeta latina es esaminante la posible de elimina la instrui de scrive corente. Los razona ce la tempo en clase ta es plu bon usada per aprende la usa de computadores e la teclador. La debata es alga emosiosa. Un compromete posible es la usa de un scrive corente cual es alga plu simil a scrive enseniada comun en scola prima, como la sistem developada par la "Ministeria de educa de Osteraic" (Schulschrift) en 1995 (vide a supra), o la usa ce un scrive normal ma con cualias plu fluente, como lo sujesteda par La "Sindicato nasional de enseniores de scolas prima de Deutxland", e adotada ja par la scolas en Hamburg (Grundschrift, ance a supra).

Un sistem nova de Txecia es Comenia, desiniada par Radana Lencova, un artiste grafica, cual pote es introduida a enfantes joven en loca de un scrive normal cual debe es reponeda par un scrive corente plu tarde. En loca, la studiante developa un forma plu fluente cual conveni se mesma.

Vide ance:

Ivri corente
Solitreo
Kurrent