Alfabeta ugaritica

De Vicipedia
Jump to navigation Jump to search


La alfabeta ugaritica es un abjad cual usa cuneforma, usada entre sentenio 15 e 13 aec per la lingua ugaritica, un lingua estinguida de la familia semita norde-este, e descovreda en Ugarit (o Ras Shamra moderna), Suria, en 1928. Lo ave 30 leteras. Otra linguas en la area ia es a veses scriveda con esta alfabeta. Ugarit ia es a la sentro de la mundo alfabetiste, entre Egipte, Anatolia, Cipros, Criti, e Mesopotamia.

Ugaritic-alphabet-chart.svg

La alfabeta ia es scriveda de sinistra e destra, formida par presa cuneos peti en arjila, como cuneforma, ma la leteras no es relatada a la cuneforma acadian. En la plu de silabas, sola la consonantes ia es scriveda, incluinte la /w/ e /j/ de la diftongos. Ma lo inclui un indica de vocales par usa alef /ʔ/ per la silaba /ʔa/ e alora restrinje la simbol per acel silaba. Plu, la usores ia ajunta, a la fini de la alfabeta, simboles per /ʔi/ e /ʔu/. La letera final ("s2") es ance un ajunta, cual pare representa un sona simil a /s/, ma sola usada en alga parolas, tipal parolas adotada de otra linguas. Posible lo representa un sona como /ts/, o la silaba /su/. La sola puntua es un marca usada per divide parolas de lunlotra.

Spesialistes no pote trova prototipos grafica per la leteras, ma alga ia sujesta ce los es relatada a la alfabetas temprana de la linguas semita. Un idea es ce la du formas fundal en cuneforma - la cuneo linial (𐎂) e la cuneo angulo (𐎓) - representa linias e sirculos en acel alfabetas. Per esemplo, 𐎅 /h/ sembla la letera elinica conaseda E /e/, 𐎓 /ʕ/ deveni elinica O /o/, e 𐎆 /w/, 𐎔 /p/, 𐎖 /q/, e 𐎘 /θ/ sembla la leteras elinica Y /u/, Π /p/, Ϙ /q/, e /θ/ poneda sur sua lados. Lo es ance posible ce la alfabeta ia es creada tota autonom.

Listas de la leteras ugaritica ia es trovada en du ordinas, un simil a los de arabi, ivri, e fenisia (semita norde), la otra simil a arabi sude e la ge'ez en itiopia (semita sude). A su es la du ordinas, con sua pronunsia e la leteras ivri:

Semita norde

ʾa b g d h w z y k š l m n s ʿ p q r ġ t ʾi ʾu s2
א ב ג ד ה ו ז ח ט י כ ל מ נ ס ע פ צ ק ר ש ת

Semita sude

h l m q w š r t s k n b ś p ʾ ʿ g d ġ z y
ה ל ח מ ק ו ר ת ס כ נ ב פ א ע ג ד ט ז י ש צ


Sistemes de scrive model
Logografias Cuneforma | Ieroglifos | Xines | Canji | Maia
Silabarios Tsalagi | Canadianes orijinal | Catacana | Hiragana | Linial B
Abjades Alfabeta orijinal | Arabi | Fenisia | Arami | Ivri | Maniste | Nabatea | Sogdian | Suri | Tifinagh | Ugaritica
Abugidas Bangla | Brami | Calinga | Canada | Caxmiri | Devanagari | Granta | Gujurati | Gupta | Gurmuci | Itiopian | Mianmar | Odia | Sindi | Sinhales | Tai | Tamil | Telugu | Tengwar | Tibetan | Tocarian
Alfabetas completa Adlam | Bopomofo | Cartuli | Cirilica | Copta | Deseret | Deutx | Elinica | Eres | Etrusca | Glagolitica | Goto | Haieren | Hangul | Latina | Mandaia | Mongol | Ogam | N'ko | Runas | Shaw | Turces vea | Uigur
Otra cosas Scrive corente | Stenografia | Transcrive | Alfabeta Fonetical Internasional (AFI) | Unicode