Canji

De Vicipedia
Jump to navigation Jump to search
Nihon Shoki (720 ec), la arcivo istorial completa de Japan antica, scriveda completa en canji
fem joven pratica canji

Canji (漢字; kanji [kã̠ɴʑi]) es sinias adotada de los de xines cual es usada en la sistem de scrive per japanes (nion). Los es usada con la scrives silabal de japanes, la hiragana e la catacana. La parola kanji sinifia "sinias han" (pd xines), usante la mesma sinias de la nom en xines, hanzi (漢字).

Sinias xines ia veni prima a Japan sur selos ofisial, leteras, spadas, monetas, mirores, e otra cosas ornal emportada de Xina. La esemplo la plu vea conoseda de tal emporta ia es la selo de oro "Re de Na" donada par Imperor Guangwu de Han a la ambasadorde Yamato en 57 ec. Ma la popla japanes de alora no comprende probable la scrive, e ta resta nonalfabetiste asta la sentenio sinco ec. Seguente la Nihon Shoki and Kojiki (arcivos antica), un erudita semi-lejendal nomida Wani (王仁) ia es enviada a Japan par la Re de Baikje en la rena de Imperor Ojin en la sentenio sinco temprana, ci ia porta la sabia de confuzisme e la sinias xines con el. La testos japanes la plu temprana ia es probable scriveda par ofisiores xines o corean bilingual empleada a la corte de Yamato.

La lingua japanes no ave un forma scriveda a la eda en cual la sinias xines ia es introduida, e testos ia es scriveda e lejeda sola en xines. Plu tarde, en la eda Heian (794–1185), un sistem nomida kanbun ia emerje, cual envolveda la usa de sinias xines con sinietas per permete parlores japanes per restruturi e leje frases xines, par cambia la ordina de parolas e ajunta particulos e sufisas verbal, seguente la regulas de gramatica japanes.

Sinias xines ia comensa ance usada per scrive parolas japanes, cual resulta en la silabarios moderne nomida kana. Sirca 650 ec, un sistem de scrive nomida manyogana (usada en la colie de poesias antica Manyoshu) ia evolui cual ia usa un cuantia de sinias xines per sua sona, no sua sinifia. Manyogana scriveda en un stilo corente ia evolui a hiragana o onna-de ("scrive de femes"), un scrive asedable a femes, ci ia es privada de educa alta). Obras major de leteratur de la eda Heian par femes ia es scriveda en hiragana. Catacana ia emerje par un via paralel: studiantes en moncerias ia simpli manyogana a un parte singular de a orijinal per indica un silaba. En esta modo, la du kanas - hiragana e catacana - ia es desendeda de canji.

La "canji de educa" (教育漢字, kyōiku kanji) es 1006 sinias cual enfantes japanes aprende en scola prima. la "canji comun usada" (常用漢字, jōyō kanji) inclui los e 1130 plu canji enseniada en liseo. De 27 setembre 2004, la "canji per nomes propre" (人名用漢字, jinmeiyō kanji) es composada de ambos la presedente, plu 983, trovada en la nomes de persones. Final, la "canji nonlistada" (表外漢字 hyōgai kanji) es composada de cualce canji no incluida en la otra categorias.

On no ave un conta ofisial de sinias de canji, como on no ave un conta de sinias xines jeneral. La Dai Kan-Wa Jiten (disionario grande de japanes-xines), cual es considerada como completa en Japan, conteni sirca 50,000 sinias. Sirca 2000 a 3000 sinias es usada comun en Japan, alga plu miles es usada a veses, e 13,108 sinias pote es encodigida en la Normas Industrial Japanes per canji.


Cuatro modos per scrive nion
canji simboles (de xines) usada en ajunta a la scrives silabal (a su)
hiragana silabal formal, leteratur
catacana silabal nonformal, anunsias, enfantes
romaji leteras latina taxes moderne, internasional


Sistemes de scrive model
Logografias Cuneforma | Ieroglifes | Xines | Canji | Maia
Silabarios Tsalagi | Canadianes orijinal | Catacana | Hiragana | Linial B
Abjades Alfabeta orijinal | Arabi | Fenisia | Arami | Ivri | Nabatea | Suri
Abugidas Bangla | Brami | Calinga | Canada | Caxmiri | Devanagari | Granta | Gujurati | Gupta | Gurmuci | Itiopian | Mianmar | Odia | Sindi | Sinhales | Tai | Tamil | Telugu | Tengwar | Tibetan
Alfabetas completa Bopomofo | Cartuli | Cirilica | Copta | Deseret | Deutx | Elinica | Eres | Etrusca | Glagolitica | Goto | Haieren | Hangul | Latina | Mandaia | Mongol | Ogam | Runas | Shaw | Turces vea | Uigur
Otra cosas Scrive corente | Stenografia | Transcrive | Alfabeta Fonetical Internasional (AFI) | Unicode