Alfabeta sogdian

De Vicipedia
Jump to navigation Jump to search
la encanta a la Avalocitesvara de la garga blu, scriveda en la alfabeta gupta, interliniada par la linias en sogdian
La alfabeta sogdian

La alfabeta sogdian ia es orijinal usada per la lingua sogdian, un lingua de la familia irani usada par la popla de Sogdia. Lo ia es derivada de la alfabeta suri, la desendente de la alfabeta arami. La alfabeta sogdian ia es un de tre sistemes de scrive usada per scrive la lingua sogdian; la otras ia es la alfabeta maniste e la alfabeta suri. Lo ia es usada tra Asia sentral, de la borda de Iran en la ueste, a Xina en la este, de sirca 100-1200 ec.

An si la sistem de scrive pote es descriveda como un abjad, lo mostra ance tendes a deveni un de la alfabetas completa. La vocales longa ia es tipal scriveda par usa alef, he, yod, e uau. Esta simboles es a veses usada per espresa vocales corta, cual no es plu comun indicada.

La vocales:

  • alef - a, ə (vocales sentral)
  • uau- o, u (vocales dorsal)
  • he - a,
  • yod - i, e (vocales frontal)

La consonantes:

  • bet - β, f
  • gimel - x, ɣ
  • zain - z, ʒ
  • het - x
  • caf - k, g
  • lamed - l
  • mem - m
  • nun - n
  • sameh - s
  • pe - p, b
  • sade - ʧ, ʤ, ts
  • rex - r
  • xin - ʃ
  • tau - t, d
  • lex - θ, ð

Delta, tet, e cof no es usada per sogdian. Lex es un letera ajunta per la sonas de engles th, creada par ajunta un coda peti a la rex. Rex ia es usada ance per ain; la letera ain spiral ia es usada per transcrives de arami. La formas vosida e nonvosida de fricantes no ia es distinguida.

Scrive es de destra a sinista, ma tra tempo ia es turnada 90º, a cuando lo ia comensa cambia a la sistem de scrive de la alfabeta uigur.