Alfabeta tibetan

De Vicipedia
Jump to navigation Jump to search

La alfabeta tibetan es un abugida usada per scrive la linguas tibetica, como tibetan propre, ma ance dzongkha, sikimes, ladakhi, e a veses balti. La forma primida de la alfabeta es nomida la scrive uchen, e la forma scriveda par mano usada en scrive a cada dia es nomida la scrive umê. La alfabeta is liada multe prosima a un identia etnica tibetan, estendente tra areas en Tibet, Butan, India, e Nepal. La alfabeta orijina en la scrives de linguas indica.

En la scrive tibetan, la silabas es scrived de sinistra a destra. Los es separada par un tsek (un punto alta pos la silaba). Car multe parolas tibetan es monosilabal, esta marca funsiona comun simil a un spasio. Spasios no es usada per divide parolas de lunlotra.

La alfabeta ave 30 leteras fundal, a veses conoseda como "radises" per consonantes. Como en otra scrives indica, cada consonante ave sua vocal spesial, cual en la scrive tibetan es /a/. La radis per /a/ es ance usada usada per suporta sinietas per otra vocales.

An si alga dialetos tibetan usa tonos, la lingua no ia ave tonos a la tempo de la inventa de la scrive, e on ave no simboles propre per tonos. Ma, car tonos ia developa de cualias fonemal, los pote es tipal coreta prediseda par la spele anticin de parolas tibetan.

La scrive tibetan inclui ance alga sinias puntal, per esemplo ། per la punto final de un frase. Plu, lo ave formas spesial per consonantes duple e per sonas de la linguas estra tibetan cual usa la alfabeta.

La radises[edita | edita la fonte]

Nonaspirada Aspiratada Vosida Nasal
Alfabeta AFI Alfabeta AFI Alfabeta AFI Alfabeta AFI
Glotal /ka/ /kʰa/ /ga/ /ŋa/
Palatal /tʃa/ /tʃʰa/ /dʒa/ /ɲa/
Dental /ta/ /tʰa/ /da/ /na/
Labial /pa/ /pʰa/ /ba/ /ma/
Dental africada /tsa/ /tsʰa/ /dza/ /wa/
/ʒa/ /za/ /'a/ /ja/
/ra/ /la/ /ʃa/ /sa/
/ha/ /a/

La sinietas per vocales[edita | edita la fonte]

Sinieta vocal AFI Sinieta vocal AFI Sinieta vocal AFI Sinieta vocal AFI
/i/ /u/ /e/ /o/


Sistemes de scrive model
Logografias Cuneforma | Ieroglifes | Xines | Maia
Silabarios Tsalagi | Canadianes orijinal | Catacana | Hiragana
Abjades Alfabeta orijinal | Arabi | Fenisia | Arami | Ivri | Nabatea | Suri
Abugidas Bangla | Brami | Calinga | Canada | Caxmiri | Devanagari | Granta | Gujurati | Gupta | Gurmuci | Itiopian | Mianmar | Odia | Sindi | Sinhales | Tai | Tamil | Telugu | Tibetan
Alfabetas completa Bopomofo | Cartuli | Cirilica | Copta | Deseret | Deutx | Elinica | Eres | Etrusca | Glagolitica | Goto | Haiaren | Hangul | Latina | Mandaia | Mongol | Ogam | Runas | Shaw | Uigur
Otra cosas Transcrive | Stenografia | Alfabeta Fonetical Internasional (AFI) | Unicode