Consonante

De Vicipedia

En fonetica, un consonante es un sona de parla cual es produida con clui completa o partal de la curso vosal. La otra colie de sonas es la vocales. Per esemplo, /p/ es pronunsiada con la labios, /t/ usa la fronte de la lingua, /k/ es produida con la lingua posterior, /h/ usa la garga, /f/ e /s/ es creada par forsa aira tra un canal streta, e /m/ e /n/ ave aira fluente tra la nas.

La cuantia de sonas en tota linguas de la mundo es multe plu grande ca la cuantia de leteras en cualce alfabeta, linguistes ia crea sistemes como la alfabeta fonetica internasional per asinia simboles unica a cada sona. Linguas natural usa digrames como ch e th en engles e sinietas como é en franses e ü endeutx per estende la alfabeta, o simple usa un letera per plu ca un sona, como i en elefen, cual es usada per /i/ e /j/ (la contesto furni la distingui).

Cada consonante pote es distinguida par cualias fonetica diversa:

La modo de articula es la modo en cual aira sorta de la curso vosal, pe esplodentes, fricantes, e nasales.

La loca de articula es do en la curso vocal la bloca aveni, e cual organos de parla es envolveda, pe bilabial, alveolal, palatal, velal, e glotal. Alga consonantes envolve la usa de du locas simultan (coarticula).

La vosi de un consonante es como la cordas vibra en la articul - vosida o nonvosida.

La tempo de comensa indica la cronometri de la vosi. Aspira es un cualia de esta fator.

La aparata de un consonante es la modo e potia en cual la aira move tra la curso vosal. La plu de linguas ave sola consonantes pulmonal e sortinte, cual usa la pulmones e la diaframa. Ma alga linguas usa ance ejetas, clicas, e implosantes.

La longia es la dura de la bloca de un consonante. Esta es comun indicada par usa leteras duple. Linguas como italian, japanes, e suomi usa esta distingui per distingui sinifias. La termas tecnical es "corta" e "jemelin".

La forsa de articula es la cuantia de enerjia es envolveda. Linguistes no acorda si esta es usosa o no.

La alfabeta fonetica internasional ave leteras unica per cada consonante, e sinietas variosa per plu detalia. A su es un table de la consonantes plu comun en la linguas mundal:

Loca → Labial Coronal Dorsal Larinjal
Nasal m ɱ n ɳ ɲ ŋ ɴ
Esplodente p b t d ʈ ɖ c ɟ k ɡ q ɢ ʔ
Africante ts dz t̠ʃ d̠ʒ ʈʂ ɖʐ t̠ɕ d̠ʑ
Fricante
sibilante
s z ʃ ʒ ʂ ʐ ɕ ʑ
Fricante
nonsibilante
ɸ β f v θ ð ç ʝ x ɣ χ ʁ ħ ʕ h ɦ
Prosiminte ʋ ɹ ɻ j ɰ
Vibrante r ɽ ʀ ʜ
Fricante ladal ɬ ɮ
Prosiminte ladal l ɭ ʎ ʟ

Elefen usa un colie de consonantes multe plu peti:

bilabial labio-
dental
alveolal pos-
alveolal
palatal velal glotal
esplodente p b   t d     k ɡ  
fricante   f v s z ʃ ʒ     h
nasal m   n     ŋ1  
vibrante     r        
prosiminte w2   l   j3    
1 La letera n ante c o g e -ng final es pronunsiada [ŋ].
2 La letera u es pronunsiada [w] entre du vocales o ante un vocal a la comensa de un parola, e cu e gu ante un vocal es pronunsiada [kw] e [gw].
3 La letera i es pronunsiada [j] entre du vocales o ante un vocal a la comensa de un parola, e li e ni entre du vocales pote es pronunsiada como [lj] e [nj] si desirada.