Streta Jibraltar

De Vicipedia
La Streta Jibraltar

La Streta Jibraltar (arabi: مضيق جبل طارق‎ Madiq Jebel Tariq, espaniol: Estrecho de Gibraltar) es un streta magra cual junta la Mar Atlantica con la Mar Mediteraneo, e cual separa Jibraltar e la penisola espaniol en Europa de Maroc e Cueta (Espania) en Africa. La nom deriva de la Roca de Jibraltar, cual deriva alora de la nom arabi Jebel Tariq (la monte de Tariq), nomida per Tariq ibn Ziyad. En la Eda Medieval, la arabis nomi lo Al-Zuqaq (la pasaje), la romanes nomi lo Fretum Gatitanum (la Streta de Cadiz). En la mundo antica, lo ia es nomida "la Colonas de Hercule" (elinica antica: αἱ Ἡράκλειοι στῆλαι).

Europa e Africa es separada par 14.3 km de mar a la punto la plu magra. La profundia de la streta es entre 300 e 900 metres, cual posible ia interata con la nivel e mar promedia plu basa de la glasi major final (20,000 anios ante aora), cuando la nivel de la mar ia es plu basa par 110 a 120 metres. Aora, navetas crusi entre la du continentes cada dia en tan poca ca 35 minutos. La lado espaniol de la streta es porejeda como la Parce Natural de La Streta.