Alpes

De Vicipedia

La Alpes (Deutx: Alpen; Franses: Alpes; Italian: Alpi; Slovenian: Alpe) es la nom de un de la cadenas de montes la plu grande en Europa, estendente de Osteraic e Slovenia en la este, tra Italia, Suiz, Lictenstain e Deutxland asta Frans en la ueste. La monte la plu alta en la Alpes es Mont Blanc ("monte blanca"), cual ave 4 808 metres de altia, a la frontera entre Frans e Italia.

Etimolojia[edita | edita la fonte]

La parola en Lingua franca nova "Alpes" veni de la latina Alpes (cual ance es usada en otra linguas como espaniol, franses e portuges, en catalan es Alps). Maurus Servius Honoratus, un comentor anticin de Vergilio, dise en sua comenta (A. X 13) ce tota la montes alta es nomida Alpes par la celtas. La parola ta es comun en italo-celta, car la linguas celta ave parolas per montes alta derivada de alp.