Macedonia Norde
| Republica de Macedonia Norde Република Северна Македонија | |||
|
| ||
| |||
| Informa jeneral | |||
| Capital: | Skopje | ||
| Lingua ofisial: | Macedonsce | ||
| Dirije | |||
| Governa: | Republica parlamental | ||
| - Xef de stato: | Presidente Stevo Pendarovski | ||
| - Xef de governa: | Ministro xef Dimitar Kovačevski | ||
| Otras | |||
| Area: | 25 713 km² | ||
| Popla: | 2 062 294 | ||
| Densia: | 80,2 | ||
| PIB: | USD 22 052 milion | ||
| Mone: | |||
| Zona de ora: | CET (UTC+1) | ||
| Numero de telefon: | +389 | ||
| Interede: | .mk, .мкд | ||
| |||
Macedonia Norde (macedonsce Северна Македонија) es un pais en la Balcanes en Europa sude-este. Lo es un de la statos seguente de Iugoslavia, de cual lo ia declara sua autonomia en 1991. Lo ia deveni un membro de la Nasiones Unida en 1993, ma, como resulta de un disputa corente con Elas su la usa de la nom "Macedonia", lo ia es asetada la nom Republica de Macedonia Norde, un nom usada par organizas internasional como la Uni European, la Consilia de Europa e la OTAN.
La area es sirca 25 333 cilometres cuadrida e la cuantia de abitores, en la anio 2006, ia es sirca 2 050 554 persones. La site capital es Skopje, e la lingua major es macedonsce.
Istoria
[edita | edita la fonte]En anticia, un parte grande de la teritoio de lo cual es aora la Republica de Macedonia Norde ia es un parte de Peonia. En 336 aec, Filipo 2 ia concista Macedonia Alta, incluinte la rejion presente de Macedonia. Sua fio, Alexandro la grande, ia concista la resta de la rejion.
En la eda medieval la rejion ia es influeda par la Impero Bizantian e la slavicas. En la sentenio 10, lo ia deveni la sentro de la Impero Balgarsce Prima, su la governa de tsar Samuil 1. La capital nova ia es instituida en Ohrid.
En la dui prima de la sentenio 15, la osmanianes ia concista la rejion, cual ia deveni un parte de la Impero Osmanian tra 500 anios. Su la domina osmanian, la rejion ia resta influeda par un minoria turces, e Skopje e Monastir (oji Bitola) ia deveni capitales de rejiones separada.
Serbia ia catura la rejion en la Gera Balcan Prima en 1912. Su la governa serbsce, la rejion no ia ave autonomia. Pos la Gera Mundal Prima, Serbia ia deveni un parte de la Rena de Serbsces, Corvatsces e Slovensces. En 1929 la rena ia es renomida como la Rena de Iugoslavia.
Pos referendo, la Republica de Macedonia ia deveni autonom de Iugoslavia en 8 setembre 1991. Pos autonomi, la pais ia fa no geras interna contra otra teritorios de Iugoslavia.
Jeografia
[edita | edita la fonte]La Republica de Macedonia no ave un costa. Lo representa 35,5% de la rejion istorial de Macedonia. La pais ave 62 km de frontera con Serbia en la norde, 148 km con Balgaria en la este, 228 km con Elas en la sude, 151 km con Xcip en la ueste, e 159 km con Cosovo en la norde-ueste. La pais es montaniosa; la monte la plu alta es Monte Corab, con 2764 m de altia, a la frontera con Xcip.
Sua clima es un misca entre mediteranean e continental. La pluve promedia varia de 1700 mm en la area montaniosa ueste asta 500 mm en la sude-este.
Politica
[edita | edita la fonte]La Republica de Macedonia es un republica parlamental. La presidente es elejeda per 5 anios. La Parlamento ave un salon composada de 120 membros, elejeda per 4 anios. La constituida corente ia es adotada en 2001.
Demografia
[edita | edita la fonte]Macedonia ia ave 2 062 294 abitores en 2013, de cual 58% abita en sites. Cuasi 65% es macedonsce, 25% es xcip, e 3,85% es turces.
Cultur
[edita | edita la fonte]Macedonsce es la lingua xef de la pais, simil a balgarsce. Otra linguas importante parlada es xcip e balgarsce.
Futbal e handbal es la sportes la plu popular.