Eda contempora

De Vicipedia

La eda contempora es la periodo de la istoria cual comensa con la Revolui Franses e lo en cual nos vive oji. En esta periodo, la umanas ia vive un transita de popla, finida per la sosias avansada (nomida mundo prima) e ancora aveninte en la plu parte de paises (paises sudevelopada e paises nova industrida), cual ia porta sua crese ultra la limitas poneda par la natur, ateninte la jenerali de la consuma de tota tipo de produidas, servis e recursos natural cual ia fa crese la nivel de vive de la plu parte de umanas ma cual ia fa aumenta la nonegalias sosial e lasa per la futur nonsertias ambiental.

La avenis de esta epoca ia es influeda par la cambias aselerada en economia, sosia e tecnolojia cual ia es nomida Revolui Industrial. A la mesma tempo, la sosia preindustrial ia es destruida e un sosia de clases ia apare gidada la burjesia cual ia vide un declina de sua oposores xef (la favoredas) e la nase e developa de un clase nova (promove de laborores). La cambias political e ideolojial ia es an plu spetaculin (revolui libraliste, nasionalisme, autocratias). como ance la cambias en la mapa political mundal e la geras plu grande conoseda para la umanas.

En la campos economial, sosial e political, on pote demanda si la eda contempora es un vinse de la forsas governante la eda moderna o un periodo en cual la forsas economial e sosial cual ia nase en la eda moderna ia ateni sua potensia entera: la capitalisme e la burjesia e la forsas political cual ia fa lo de forma paralel: la nasion e la stato.