Istoria de Deutxland

De Vicipedia
Jump to navigation Jump to search
Gtk-find-and-replace.svg
Esta article debe es revisada.
Gtk-find-and-replace.svg

La conseta de Deutxland como un area distinguida en Europa sentral pote es trasada a la comandor roman Gaius Julius Caesar, ci ia refere a la area este nonconcistada de la rio Rhine como Germania, distinguinte lo de la Galia cual el ia concista. La vinse de la tribus germanica en la batalia de la foresta de Teoburgo (anio 9) ia preveni la ajunta par la Impero Roman. Seguente la cade de la Impero Roman, la francos ia concista la otra tribus germanica. Cuando la Impero Franco ia es divideda entre la eritores de Carlo la grande en 843, la parte este ia deveni Frans Este. En 962, Otto 1 ia deveni la imperor prima de la Santa Impero Roman, la stato deutx medieval.

En la alta eda medieval, la duxes rejional, prinses e bispos ia gania potia a la custa de la imperores. Martin Luter ia gida la Reformi protestantiste contra la Eglesa Catolica de pos 1517, cuando la statos norde ia deveni protestante, contra ce la statos sude ia resta catolica. La du partes de la Santa Impero Roman ia scaramuxa en la Gera de Tresdes Anios (1618–1648), cual ia es desastrosa per la dudes milion siviles ci ia vive en ambos statos. La Gera de Tredes Anios ia trae un destrui grande a Deutxland: plu ca un cuatri de la popla e un dui de la popla mas en la statos deutx ia es matada per la gera desastrosa. 1648 ia marca la fini de la Santa Impero Roman e la comensa de la sistem moderna de nasiones-statos, con Deutxland divideda en multe statos nondependente, como Prusen, Bavaria e Saxonia.

Pos la Revolui Franses e la Geras Napoleonal (1803–1815), la feudalisme ia fini e libralisme e nasionalisme ia scaramuxa con reata. La Revolui de Marto de 1848 ia fali. La Revolui Industrial ia moderni la economia deutx, gidante un crese rapida en la sites e la emerji de la move sosialiste en Deutxland. Prusen, con sua capital Berlin, ia crese en potia. La universias deutx ia deveni sentros eselente de siensa e siensas umana, e la musica e la artes ia flori. La Uni de Deutxland ia es atenida en 1871, realinte la Kleindeutsche Lösung (solve de Deutxland peti, sin Osteraic), o Großdeutsche Lösung la solve de Deutxland grande (Deutxland con Osteraic); la prima ia domina. La Reichstag nova, un parlamento elejeda, ia ave un rol limitada en la governa imperal. Deutxland ia uni a otra potias en la estende colonial en Africa e la Pasifica.

Deutxland ia es un potia dominante en la continente. En 1900, sua economia industrial estendente rapida ia suprapasa Britan, permetente un corsa marinal e un politica esterna atacosa. Deutxland ia gida la Potias Sentral en la Gera Mundal Un (1914–1918) contra Frans, Britan, Rusia e, de 1917, Statos Unida. Vinseda e ocupada partal, Deutxland ia es forsada a paia compensas de gera par la Trata de Versailles, e sua colonias e areas en Polsca e Alsace-Lorraine ia es prendeda. La Revolui Deutx de 1918–19 ia suverti la imperor e la res e prinses, gidante a la fundi de la Republica de Weimar, un democratia parlamental nonstable.

En la temprana de la desenio de 1930, la Depresa Grande ia colpa forte Deutxland, la nonemplea ia crese e la popla ia perde sua fida a la governa. En 1933, la Partito Sosialiste Nasional de Laborores Deutx su Adolf Hitler ia gania la vota jeneral e ia comensa governa. La politica esterna ia punta a crea la Deutxland Grande, e Rhineland ia es remilitarida en 1936, Osteraic ia es ajuntada par la Anschluss, e partes de Txescoslovensco con la Acorda de Munich en 1938 (an si en 1939 Hitler ia ajunta plu areas de Txescoslovensco). La atacas a la popla deutx en Polsca ia fa ce Hitler invade la pais en 1 setembre 1939. Par un trata con la Uni Soviet, Europa este ia es divideda con Stalin. En primavera de 1940 la blitzkrieg deutx ia concista Scandinavia, Nederland e Frans. Sola la Impero Brites e Elas ia oposa Hitler, ci ia invade la Uni Sovet en junio de 1941, ma esta invade ia fali en 1942, e pos la entra de Statos Unida en la gera, Britan ia deveni la base per la bombardas masosa de sites deutx. Deutxland ia luta en multa frontes entre 1942 e 1944, ma pos la invade aliada de Normandia en junio 1944, la armada deutx ia retira se en tota la frontes asta sua colasa final en maio 1945.

Su la ocupa par la alias, la teritorios deutx ia es divideda e desnazida, e la Gera Fria ia causa la divide de la pais a Deutxland Ueste democrata e Deutxland Este comuniste. Miliones de deutxes etnical ia fuji de areas comuniste a Deutxland ueste, cual ia esperia un crese rapida de economia, deveninte la economia dominante en Europa ueste. La amia franses-deutx ia deveni la funda de la integra political de Europa ueste en la Uni European. En 1989 la mur de Berlin ia cade, la Uni soviet ia colasa, e Deutxland este ia es reunida con Deutxland ueste en 1990. En 1998–1999, Deutxland ia es un de la paises cual ia fundi la eurozona.

Preistoria[edita | edita la fonte]

Tribus germanica, 750 aec - 768 ec[edita | edita la fonte]

Migra e concista[edita | edita la fonte]

La crese de la tribus germanica 750 BC – AD 1 (seguente Penguin Atlas of World History 1988):
   Colonias ante 750 BC
   Colonias nova asta 500 BC
   Colonias nova asta 250 BC
   Colonias nova asta AD 1

On crede ce la etnojenese de la tribus germanica ia aveni en la eda de bronze nordica o en la eda de fero preroman. De sua casas en la sude de Scandinavia e norde de Deutxland, la tribus ia comensa estende a sude, este e ueste en la sentenio 1 aec, contatante la tribus celta de Galia, como ance cultures irani, baltica e slavica en Europa sentro e este.

Stem Duchies and Marches[edita | edita la fonte]

Impero franco[edita | edita la fonte]

Eda medieval[edita | edita la fonte]

Carlo la grande[edita | edita la fonte]

Otto la grande[edita | edita la fonte]

Alia Hanseatic[edita | edita la fonte]

Espande a este[edita | edita la fonte]

Eglesa e stato[edita | edita la fonte]

Cambia e reformi[edita | edita la fonte]

Vilas e sites[edita | edita la fonte]

Femes[edita | edita la fonte]

Siensa e cultur[edita | edita la fonte]

Eda moderna[edita | edita la fonte]

Reformi[edita | edita la fonte]

Gera de Tredes Anios, 1618-1648[edita | edita la fonte]

Cultur e alfabetisme[edita | edita la fonte]

Siensa[edita | edita la fonte]

1648-1815[edita | edita la fonte]

Geras[edita | edita la fonte]

Statos plu peti[edita | edita la fonte]

Nobilia[edita | edita la fonte]

Campanianes e vive campanial[edita | edita la fonte]

Valuas burjes estende a Deutxland campanial[edita | edita la fonte]

Lumina[edita | edita la fonte]

Femes[edita | edita la fonte]

Revolui franses, 1789-1815[edita | edita la fonte]

Federa Deutx, 1815-1867[edita | edita la fonte]

Impero Deutx, 1871-1918[edita | edita la fonte]

Republica de Weimar, 1919-1933[edita | edita la fonte]

Deutxland Nazi, 1933-1945[edita | edita la fonte]

Deutxland en la Gera Fria, 1945-1990[edita | edita la fonte]

Republica Federal de Deutxland, 1990-oji[edita | edita la fonte]

Vide ance[edita | edita la fonte]