Deutxland Nazi

De Vicipedia
Jump to navigation Jump to search
Impero Deutx
Deutsches Reich
Bandera de Impero Deutx Deutsches Reich Scermo de Impero Deutx Deutsches Reich
Imno: Das Lied der Deutschen
(Canta de la deutxes)
Horst-Wessel-Lied
(Canta de Horst Wessel)
Loca de Impero Deutx Deutsches Reich
Capital Berlin (1933-1945)
Flensburgo (1945)
Lingua(s) ofisial Deutx
Relijion(es) ofisial
Forma de governa Tirania de un sola partito
- (1925-1934) Paul von Hindenburg

- (1934-1945) Adolf Hitler
- (1945) Karl Dönitz

Istoria
Machtergreifung

Sede de Deutxland

30 janero 1933

8 maio 1945

Area
 - Total
 - Acua (%)
 
633 786 km² 
Popla
 - 1933 est.
 - Densidat
 
65 336 000
103,1/km²
Moneda Reichsmark (ℛℳ)
Parte de

Deutxland Nazi es la nom istoriografial per la periodo entre 1933 e 1945, cuando la Partito Sosialiste Nasional de Laborores Deutx o Partito Nazi de Adolf Hitler ia governa la pais. Ofisial, la Stato deutx ia es nomida Deutsches Reich ("Impero deutx") de 1871. Par contrasta, la governa nazi ia deside adota la nom Großdeutsches Reich ("Grande impero deutx") cual ia es usada asta 1945. Ance la nom Drittes Reich ("Impero tre") es usada per refere a esta epoca.

Nom[edita | edita la fonte]

La nom ofisial de la stato ia es Deutsches Reich (Impero deutx) de 1933 a 1943 e Großdeutsches Reich ("Impero deutx grande") de 1943 a 1945. La deutxes moderna refere a la periodo como Zeit des Nationalsozialismus ("tempo de sosialisme nasional") o Dritte Reich (Impero tre").

Jeografia[edita | edita la fonte]

Cambias teritorial[edita | edita la fonte]

Como resulta de sua defeta en la Gera Mundal Prima e la Trata de Versailles, Deutxland ia perde alga teritorios, spesial los cual es este de la rios Oder e Neisse, a Polsca.

Politica[edita | edita la fonte]

Ideolojia[edita | edita la fonte]

Article xef: Nazisme

La Partito Sosialiste Nasional de Laborores Deutx ia es un partito political destriste cual ia apare en la cambion cual ia acompania la Depresa Grande en 1929. Cuando el ia es en prison pos la Putsch nonsusedosa de Munchen de 1923, Hitler ia scrive Mein Kampf, do el ia descrive sua ideas per cambia la sosia deutx a un sosia fundida sur raza. La ideolojia nazi ia asembla antiiudisme, ijenia razal e eujenetica, e ia combina lo con pangermanisme e crese teritorial con la ojeto de oteni plu Lebensraum per la popla deutx.

La governa ia atenta oteni esta teritorio nova par ataca Polsca e la Uni Soviet, con la intende de deporta o mata la iudis e la slavicas ala vivente, ci ia es regardada como inferior a la raza arian e como un parte de un conspira iudi bolxevic. La governa nazi ia crede ce sola Deutxland pote vinse la fortias bolxevic e salva umanas de la domina mundal par la iudis internasional. Otra persones sur ci la nazis ia crede ce los ne merita vive ia es romanis, Atestores de Iaue, omosesales, persones sosial malajustada e descapasidas.

Influeda per la promove Völkisch, la governa ia oposa la modernisme cultural e ia suporta la developa de un militar estendosa a la custa de inteletalisme. Creosia e arte ia es sofocada, estra cuando los ia pote servi como propaganda. La partito ia usa simboles como la bandera de sangue e rituos como la asemblas de la Partito Nazi per coraji unia e reafirma la popularia de la governa.

Governa[edita | edita la fonte]

Comandas Reichsstatthalter entre 1933 e 1935 ia aboli la Länder (statos) de Deutxland e cambia los con un divide manejal nova, la Gaue, gidada par gidores de la NSDAP (Gauleiters), ci ia deveni la governeros de sua rejiones propre. La cambia ia no es fada completa e la statos ia es usada como divides manejal per alga departes de la governa como instrui.