Volapuk

De Vicipedia
Volapuk (Volapük)
Creada par: Johann Martin Schleyer
Anio: 1879–80
Tota parlores:
Familia: Linguas construida
 lingua aidante internasional
Fonte:
State ofisial
Regulada par: Kadäm Volapüka
Sifras
ISO 639-1: vo
ISO 639-2: vol
ISO 639-3: [1]
SIL: [2]
Mapa
Simbol de volapük.
Vide ance: LinguaLista de linguas

Volapük [vola'pyk] es un lingua aidante internasional construida par Johann Martin Schleyer, un prete catolica en Baden, Deutxland, ia crea la lingua en 1879–80, seguente un sonia en cual Dio ia parla a el. En 1889, on ia ave sirca 283 organizas, 25 jornales en o de volapük, e 316 testos en 25 linguas. Oji, on ave sola sirca 20 o 30 parlores de volapük en la mundo. Ma volapük ia inspira multe otra atentas per crea un lingua aidante internasional. En 1931, Arie de Jong ia cambia la lingua a sua forma moderna.

La leteras e sonas de volapük es:

leteras a ä b c d e f g h i j k l m n o ö p r s t u ü v x y z
IPA a ɛ b tʃ/dʒ d e f g h i ʃ/ʒ k l m n o ø p r s/z t u y v ks/gz j ts/dz

La asentua es a la silaba final de cada parola.

La plu parolas ia es prendeda de engles, con alga parolas de franses e deutx. Ma multe parolas ia es cambiada e deveni nonreconosable.

La gramatica es simil a latina, con multe formas de nomes e verbos, ma tota coerente.

Nomes[edita | edita la fonte]

Nomes ave cuatro casos en du numeros:

Simple Plural
Nominativa vol (tera - sujeto) vols (teras - sujeto)
Jenitiva vola (de tera) volas (de teras)
Dativa vole (a tera) voles (a teras)
Acusativa voli (tera - ojeto) volis (teras - ojeto)

Ajetivos e averbos[edita | edita la fonte]

Ajetivos es creada con la sufisa -ik e segue comun la nom. Comun, los no acorda con la nom. Ma ajetivos predicativa acorda. Un ajetivo ce presede la nom, o ce es separada de la nom per otra parolas, acorda ance. E ajetivos ce es usada en loca de un nom, o ce relata a plu ce un nom acorda.

Averbos es creada par ajunta la sufisa -o a cualce radis, e segue la verbo o ajetivo.


Pronomes[edita | edita la fonte]

Pronomes:

  • ob / obs = me / nos
  • ol / ols = tu / vos
  • or / ors = tu / vos (formas cortes, ma apena usada)
  • og / ogs = me o tu / me e tu/vos (apena usada)
  • om / oms = el / los (mases)
  • of / ofs = el / los (femes)
  • on / ons = el / los (cosas, o un misca de mases e femes)
  • oy / oys = on
  • os = (usada per la sujeto de verbos nonpersonal, como "pluve")
  • ok / oks = se
  • od / ods = la un a la otra / la un a la otras

Verbos[edita | edita la fonte]

Verbos fini con la mesma silabas como la pronomes ce indica la sujeto, per esemplo:

  • binön = es
    • binob = me es
    • binobs = nos es
    • binol = tu es
    • binols = vos es
    • binom = el (mas) es
    • binoms = los (mas) es
    • binof = el (fema) es
    • binofs = los (fema) es
    • binon = el (cosa) es
    • binons = los (cosas o seso miscada) es

Verbos ave multe detales plu ce la sufisas per person e numero, con esta morfemes posable:

  • tempo - pasada, presente, futur
  • aspeta - perfeta, nonperfeta, nonreal, abitual, posable, comandante
  • vose - ativa, pasiva, refletante
  • infinitivos (en tre tempos)
  • partisipios (en tre tempos e du voses)

Esemplos:

volapuk esemplo
-ön infinitivo löfön ("ama")
-öl partisipio presente löföl ("amante")
- presente löfom ("el ama")
ä- nonperfeta älöfom ("el ia es amante")
e- pasada elöfom ("el ia ama")
i- pasada perfeta ilöfom ("el ia ama ja")
o- futur olöfom ("el va ama")
u- futur perfeta ulöfom ("el va ama ja")
-öx dependente löfomöx ("si el ta ama")
-la sujuntiva löfom-la ("el ta ama, posable")
-ös esperante löfom-ös! ("el ta ama, per favore!")
-öd comandante löfom-öd! ("el ta ama!")
p- pasiva plöfom ("el es amada")

Nota ce multe de esta morfemes es nonnesesada, e la verbo simple es permeteda.

Afisas[edita | edita la fonte]

Ave ance multe afisas per altera la sinifia de parolas.

be- (cambia la caso dativa a la caso acusativa -af nomes de animales
dä- rompeda a pesos -ag abunda
dei- asta mori -am nom verbal
do- move a su -an un person ci es o ci fa alga cosa
du- move tra -at cuantia de
fa- asentia -av siensa
fe- consuma completa -äb resetante de, vitima
fi- a la fini, completa -äd jenerali de efeta
fäi- clui -än pais
hi- mas -ät astrata
ji- fema -ed spesifada
la- leva -ef grupo de persones
ke- juntada, la un con la otra -el on ci produi
läx- rol pasada -em grupo de cosas
le- grandia (fisical o astrata)
asendentes (pe avo, duavo, etc)
-ep plant
lu- desvalua; relatada par lege -er contenidas
lü- relatada par sposi -et esemplo concreta
ne- oposante -iäl tende
ni- ojeta interna -iär conteninte
nü- move a en -il diminui
plö- ojeta esterna -im filosofia
ru- primitiva, antica -od esemplo min dur o serios
sä- remete -ot esemplo plu dur o serios
    -ov posable
    -öf cualia
    -öp loca
    -öm aparato
    -üd punto de busola
    -ül enfante de; cara
    --li demanda (juntada a la verbo con un sinia de junta

Esemplo: la "Nos Padre" en Volapük:

O Fat obas, kel binol in süls,
Kömomöd monargän ola!
paisaludomöz nem ola!
Jenomöz vil olik, äs in sül, i su tal!
Bodi obsik vädeliki govolös obes adelo!
E pardolös obes debis obsik,
äs id obs aipardobs debeles obas.
E no obis nindukolös in tendadi;
sod aidalivolös obis de bad.
Jenosöd!
Linguas construida (lista)
Linguas aidante internasional adjuvilobolakcommunicationsspracheengles basalesperanto (esperantido) • esperanto 2esperanto reformidaglobasaglosaidiom neutralidointalinterglossainterlinguakahkosmoskotavalangue nouvellelatinescelatino sine flexionelingua franca novalingua franca nuovalingwa de planetalingwe uniwersalamondialmondlangomundezemundolincomundolingueneonovialoccidentalsessolresolsonaspokiltavouniversalgloturopivolapükyolik
Linguas aidante zonal afrihiliefatesefolkspraakfrenkischmedjusloviansceromániçoromanidslovianto
Linguas esperimental lincoslojbanloglantociponavoksigid
Linguas artal aingeljãdothrakiklingonláadannadsatquenya