Lojban
Lojban es un lingua construida cual atenta es nonambigua sintatical, pd lojical ma usable par umanas. Lo ia comensa cuando Loglan, la atenta orijinal, ia deveni cluida a cambias par la inventor James Cooke Brown. Un grupo - la Logical Language Group (LLG) - ia developa cual ia aspira boni la lingua e permete ce lo es abrida a tota. Pos un periodo de debata e proba, un forma fundal ia es completada en 1997 con sua nom nova.
Lojban es intendeda como un lingua per comunica entre persones ci parla linguas multe diferente, e como un modo per tradui par macinas, e per esplora la crusa entre lingua umana e programas infotecnolojial.
Alfabeta e pronunsia
[edita | edita la fonte]| leteras | simbols aidante | |||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| IPA | a/ɑ | b | ʃ/ʂ | d | ɛ/e | f/ɸ | ɡ | i | ʒ/ʐ | k | l | m | n | o/ɔ | p | r | s | t | u | v/β | x | ə | z | h/θ | ʔ | . |
| Latin | a | b | c | d | e | f | g | i | j | k | l | m | n | o | p | r | s | t | u | v | x | y | z | ' | . | , |
La forma fonetica de la radises en lojban ia es creada par algoritmo par xerca per motifes de sona en parolas con sinifias simil en ses linguas major de la mundo, e par multiplia la pesia de la motifes par la cuantia de parlores de cada lingua. La linguas ia es putong, engles, hindi, espaniol, rusce, e arabi. Esta ia resulta en un lista de radises semblante como un misca de putong e engles, con alga min influe de la otras.
Lojban ave tre clases de parolas: predical (brivla), strutural (cmavo), e nomes propre (cmevla). Cada ava proprias unica, afin on pote reconose cual rol la parola ave. On ave ance fratas spesial de parolas per alga parolas predical e strutural, de cual parolas composada (lujvo) pote es creada.
La ordina de parolas es fundal sujeto prima (SVO e SOV). Ma con alga paroletas, lo pote es variada:
- mi prami do (SVO) (me ama tu)
- mi do prami (SOV) (me tu ama - par me, tu es amada)
- do se prami mi (OVS) (tu se ami mi - se reversa la sujeto e ojeto de la verbo de SVO)
- do mi se prami (OSV) (tu me se ama - se reversa la sujeto e ojeto de la verbo de SOV)
- prami fa mi do (VSO) (ama fa me tu - fa marca la sujeto cuando lo es en un loca pos la verbo; do no nesesa la marca simil fe car lo es en un loca asetable per la ojeto)
- prami | fe do | fa mi (VOS) (ama fe tu fa me - ambos sujeto e ojeto es en locas nonasetable, e donce nesesa marcas)
Lojban ia prende ance la grupo de indicas de evidentia e disposa de la lingua construida laadan e de alga linguas american orijinal. Estas es parolas cual permete ce la parlor espresa sua state emosial, o la fonte de sabia, o la paso presente de la conversa, pe felis, ama, no/neutra/intensa, atestada/reportada/opina, etc. E lojban ave 63 parolas unica per espresa aspetas variosa de spasio e tempo.
Esemplo de Lojban
[edita | edita la fonte]Frases
[edita | edita la fonte]- la .lojban. no'u lo jbobau cu runbau
- Lojban, ce es la lingua Lojban, es un lingua construida.
- .i ly. se finti la .lojbangirz. lo za'i zasti fa su'o bangu poi se jicmu lo logji gi'e zifre selcpa gi'e se pilno ku'o de'i li 1987
- El ia es creada en 1987 par la Logical Language Group ("lojbangirz" o Grupo Lingua Lojical) con intende de ave a la min un lingua ce es fundida en lojica e creada libre e usosa.
- .i lo na'e ralju te finti cu nu cipra lo ka lo nu pilno ce'u cu galfi lo tadji be lo nu pensi
- La intende du de creores es discovre si usa un lingua cambia la modo de pensa.
Parolas
[edita | edita la fonte]- .i = indica la comensa de la frase seguente
- cu = separa declaras, e
- se = intercambia sujete e ojete, vose pasiva
- la = nomada, la cosa ce es nomada:
- la .lojban. se finti la .lojbangirz.
- (la cosa ce es nomada) Lojban es creada (vose pasiva) par (la cosa ce es nomada) Grupo Lingua Lojial
- lo = article de defini, la
- nu = indica la aveni/prosede de un cosa:
- lo nu pensi
- la aveni de pensa