Quenya

De Vicipedia
Jump to navigation Jump to search

Quenya (pronunsiada "cuenia") es un lingua creada par J.R.R. Tolkien. Lo es un lingua de la Tera Media imajinada par Tolkien en se libros, e ia es inspirada par suomi e linguas indo-europeanes antica. Lo ia es scriveda con la leteras de la tengwar.

Un esemplo[edita | edita la fonte]

Ave asi la du linias prima de Namárië, la poesia la plu longa en quenya. Nota ce la sinieta agu indica un vocal longa, e la ë indica sola ce la e final es pronunsiada, e no silente, como en engles.

Ai! laurië lantar lassi súrinen
Yéni únótimë ve rámar aldaron!

Esplica:

Ai: A!
laurië: lus oro < laure (+ plural)
lantar: ia cade < lanta (cade) + -ar (aoriste)
lassi: folias < lasse (+ plural)
súrinen: en la vent < súrë + -nen (par)
Yéni: per anios < yén (+ plural)
únótime: sin numero < u (no) + nótime (contable)
ve: como
rámar: alas < ráma (+ plural)
aldaron: de arbores < alda + r (plural) + on (de)

En elefen:

A! Como lus oro, folias cade en la venta
anios longa sin numero como alas de arbores!

En engles:

Ah! like gold fall the leaves in the wind,
long years numberless as the wings of trees!

Lo ave ance un tradui en latin:

Tamquam aurum folia cecidunt in vento
innumerabilia-que tamquam alae arborum anni sunt!

La Namarie completa[edita | edita la fonte]

Ai! laurië lantar lassi súrinen,
Yéni únótimë ve rámar aldaron!
Yéni ve lintë yuldar avánier
mi oromardi lisse-miruvóreva
Andúnë pella, Vardo tellumar
nu luini yassen tintilar i eleni
ómaryo airetári-lírinen.
Sí man i yulma nin enquantuva?
An sí Tintallë Varda Oiolossëo
ve fanyar máryat Elentári ortanë
ar ilyë tier undulávë lumbulë;
ar sindanóriello caita mornië
i falmalinnar imbë met, ar hísië
untúpa Calaciryo míri oialë.
Si vanwa ná, Rómello vanwa, Valimar!
Namárië! Nai hiruvalyë Valimar.
Nai elyë hiruva. Namárië!
A! como lus oro, la folias cade en la venta,
anios longa e sin numero como alas de arbores!
La anios longa ia pasa como bevis rapida
de la vin de miel en salones grande
ultra la Ueste, su la voltas blu de Varda
en cual la stelas trema
en la vos de se canta, santa e renin.
Ci ta repleni aora la tas per me?
Per aora la ensendor, Varda, la rena de la stelas,
de monte Sempreblanca ia leva se manos como nubes
e tota ruetas es inondada profunda en ombra;
e estra un campania gris un oscuria reposa
sur la ondas spumante entre nos,
e nebla covre la joalas de Calacirya per eternia.
Aora perdeda, perdeda a los de la Este es Valimar!
Bon viaja! Cisa tu va trova Valimar!
Cisa an tu va trova el! Bon viaja!

Estetica[edita | edita la fonte]

Quenya ia es desiniada par Tolkien per sona multe bela, e multe persones ia comenta sur la estetica de la lingua. Un analise de esta poesia, la plu longa en quenya, mostra ce lo conteni 79 parolas, de sirca 6.6 leteras per parola, con 204 vocales per 221 consonantes (o 48% vocales). Incluida en la vocales es 18 duples. 139 de la consonantes es n, r, l, e m (o 63%). 67 es t, v, s, y, e d (o 30%). Silabas fini cuasi sempre con un vocal o par n, r, l, o m. La resulta es un lingua cual core dulse, xef con sonas vosida e nonesplodente.

Per compara, la tradui a elefen ave 141 parolas de sirca 4.1 leteras per parola, con 240 vocales per 295 consonantes (o 45% vocales). Silabas fini sempre con un vocal, o con s, n, r, l, o m. No mal! Ma, en esta tradui, elefen ave plu consonantes dur e an alga consonantes duple a la comensa de silabas - st, pl, pr, bl, br, tr, gr, sp, - cual dona un sona alga min dulse.

Linguas construida (lista)
Linguas aidante internasional adjuvilobolakCommunicationsspracheengles basalesperanto (esperantido) • esperanto 2esperanto reformidaglosaidiom neutralidointalinterglossainterlinguakahkosmoskotavalangue nouvellelatinescelatino sine flexionelingua franca novalingua franca nuovalingwa de planetalingwe uniwersalamondialmondlangomundolincomundolingueneonovialoccidentalsessolresolsonaspokiltavouniversalgloturopivolapükyolik
Linguas aidante zonal afrihiliefatesefolkspraakfrenkischmedjusloviansceromanidslovianto
Linguas esperimental lincoslojbanloglantociponavoksigid
Linguas artal aingeljãdothrakiklingonláadannadsatquenya