Spokil

De Vicipedia
Jump to navigation Jump to search

Spokil es un lingua creada par Adolphe Nicolas, un dotor a barcon de la Bourboule, Frans. Un volapukiste, el ia comensa labora sur spokil en 1890, e ia publici un libro sur lo.[1] A un confere en Paris en 1907, el ia es permeteda defende sua lingua. Otra linguas presentada a la confere inclui esperanto, parla, bolak ("la Langue bleue"), idiom neutral, e un lingua nova introduida ido.

Como volapuk, spokil es un combina de "a priori" e "a posteriori", pe, lo inclui la influe de linguas real (spesial la linguas romanica e germanica) e de creas tota nova.

Spele e pronunsia[edita | edita la fonte]

Spokil ave 21 leteras: a, b, d, e, f, g, h, i, j, k, l, m, n, o, p, r, s, t, u, v, z.

Gramatica[edita | edita la fonte]

Como esperanto, la roles de parolas ave sufisas fisada:

  • -a - nomes
  • -e - infinitivas
  • -i - preposadas e juntas (derivada)
  • -o - ajetivos
  • -u - averbos

Lo ave tre articles: le (la), ne (un), e me (alga).

La nomes no cambia per casos. La plural es -s, ma lo pote es ajuntada a la nom, la article, o a otra determinantes.

  • les moda = le modas

Ajetivos no cambia.

La pronomes personal es estas:

  • Mi - me
  • Ti - tu
  • El - el (mas)
  • Ella - el (fema)
  • Ni - nos
  • Vi - vos
  • Li - los (mas)
  • Ellas - los (fema)

La ajetivo de posese es formida par ajunta la sufisa per ajetivos (-o). La pronom de posese es formida par presede la ajetivo par la article (le).

Verbos no varia per person. Los ave esta sufisas per indica tempo e aspeta:

  • -e - infinitivo (arbe = labora);
  • -ai - presente (arbai = labora);
  • -ei - pasada (arbei = ia labora);
  • -oi - futur (arboi = va labora);
  • -ui - ipotesal (arbui = ta labora);

On pote ance forma la tempo e aspeta de verbos par usa la infinitivo segueda par l- e la sufisas a supra:

  • arbe lai = arbai
  • arbe lei = arbei
  • arbe loi = arboi
  • arbe lui = arbui

La vose pasiva es creada par ajunta la sufisa -en ante la sufisa per tempo o aspeta:

  • arbenai - es laborada
  • arbenei - ia es laborada
  • arbenoi - va es laborada
  • arbenui - ta es laborada

La aspeta continuante es creada par ajunta la sufisa -iz ante la sufisa per tempo o aspeta:

  • arbizai - es laborante
  • arbizei - ia es laborante
  • arbizoi - va es laborante
  • arbizui - ta es laborante

Ambos la vose pasiva e la aspeta continuante pote es usada con la particula l-:

  • arbenai = arbe lenai
  • arbizui = arbe lizui
  • etc

La partisipio ativa es formida como esta:

  • -iz (pasada)
  • -az (presente)

La partisipio pasiva es formida par ajunta -en:

  • -eniz (pasada)
  • -enaz (presente)

On pote usa la verbo aidante de (ave) per crea plu tempos e aspetas.

Comandas es formida par usa la particula vi:

  • arbai vi - labora!

Numeros:

  • 1 - ba
  • 2 - ge
  • 3 - di
  • 4 - vo
  • 5 - mu
  • 6 - fa
  • 7 - te
  • 8 - ki
  • 9 - po
  • 10 - nu

Vocabulo[edita | edita la fonte]

La sinifia jeneral de un parola es portada par un, du, o tre consonantes, e la sinifia plu esata par un o du vocales. Per esemplo:

  • l e i ave roles eufonial
  • m e n indica oposantes, positiva e negativa
  • r sinifia la ideas de oscuria, asconde, vestes, pel, e sirca
  • k sinifia la ideas de divide, utiles, mano, pote, macina, e ante
  • s sinifia la ideas de conose, siensa, razona, pensa, serebro, e donce
  • rb - labora (arbeit)
  • rg - enerjia (erg)
  • rk - sirculo (circle)
  • gn - feu (ignis)
  • dr - acua (hydro)
  • br - nuri (bread)
  • gr - primi (engrave)
  • pn - aira (pneu)
  • kl - brilia (éclat)
  • kr - gera (krieg)
  • ktr - eletrica (electric)
  • tr - rica (treasure)
  • fr - fruta (fruit)
  • sp - parla (speak)
  • skr - scrive (scrive)

Par ajunta vocales, on crea parolas propre:

  • ikr - i (modo) + kr = arma
  • ikl - i + kl = esplodente
  • iktr - i + ktr = magnete
  • istr - i + str (viaja) = veculo
  • mov - m (positiva) + ov (tende) = ama
  • nov - n (negativa) + ov = odi

Pos esta radises, on ajunta la sufisas gramatical:

  • ab - altia
  • aba - la alta
  • abe - leva a alta
  • abi - a alta
  • abo - alta
  • abu - en un modo alta

Ave ance sufisas spesial:

  • -al - jeneral, un colie
  • -el - ator
  • -il - strumento
  • -ol - la fonte de un ata, la corpo, la arbor
  • -ul - la resulta de un ata, la produidas, la frutas
  • -ella - fema
  • -inna - forma peti, -eta

On pote ance crea parolas composada:

  • ga (solo, tera) + l (per eufonia) + stab (nivel alta) + a (nom) = galstaba (plano alta)

Esemplo[edita | edita la fonte]

Mael nio, kui vai o les zeal;
Aepseno lezai tio mita.
Veze lezai tio tsaeleda.
Feleno lezai tio bela,
uti o zeal itu o geol.
Demai da ni itu ebilai da gelenelas nio.
E no apidai ni o fismena.
Stu nibai ni le sfail.

Referentes[edita | edita la fonte]

  1. Nicolas, Adolphe Charles Antoine Marie (1904). Spokil. Langue internationale. Grammaire, exercises, les deux dictionnaires. Paris: Maloine.
Linguas construida (lista)
Linguas aidante internasional adjuvilobolakcommunicationsspracheengles basalesperanto (esperantido) • esperanto 2esperanto reformidaglosaidiom neutralidointalinterglossainterlinguakahkosmoskotavalangue nouvellelatinescelatino sine flexionelingua franca novalingua franca nuovalingwa de planetalingwe uniwersalamondialmondlangomundolincomundolingueneonovialoccidentalsessolresolsonaspokiltavouniversalgloturopivolapükyolik
Linguas aidante zonal afrihiliefatesefolkspraakfrenkischmedjusloviansceromanidslovianto
Linguas esperimental lincoslojbanloglantociponavoksigid
Linguas artal aingeljãdothrakiklingonláadannadsatquenya