Lincos
Lincos (un corti per la espresa latina lingua cosmica) es un lingua artifisial prima descriveda en 1960 par dr Hans Freudenthal en sua libro Lincos: Design of a Language for Cosmic Intercourse, Part 1 ("Lincos: un desinia de un lingua per interata cosmal"). Lo es un lingua desiniada per es comprendable par cada forma de vive intelijente, par transmete interstelal. Freudenthal, un matematiciste, ia crede ce tal lingua debe es fasil comprendeda par vives cual no conose la gramaticas o vocabulas de tera.
La disionario de lincos, cual ta es enviada prima ante alga otra mesajes, comensa con un sistem de pulsas cual pote crea un vocabula per discute numeros natural e la funda de aritmetica (soma, sutrae, multiplia, e divide) con numeros binaria. La consetas de egalia, compara, variables, e constantes es mostrada par esemplos, e final lo descrive lojica de proposas, teoria de grupos, e lojica de ordina prima. La sesion seguente de la disionaria crea un vocabula per descrive tempo, incluinte dura, la pasada, e la futur. Sesion tre introdui la consetas difisil per descrive conversa entre individuas. Lo usa esemplos per introdui atores ci parla la un con la otra, ci fa demandas, ci conose cosas, ci desira cosas, ci fa prometes, ci jua. Final, sesion cuatro descrive consetas relatante a masa, spasio, e move. En esta sesion final, Freudenthal an atenta descrive la sistem solal e la formas de umanas.
La libro du no ia es scriveda, ma ta ajunta cuatro plu sesiones a la disionario: "materia", "tera", "vive", e "condui". No transmetes ia es fada con lincos.
A su es un esemplo de lincos de sesion 3, mostrante un individua fante demandas de un otra:
| Testo lincos | Sinifia |
|---|---|
| Ha Inq Hb ? x 2 x = 5 | Ha dise a Hb: Ce es x tal ce 2 x = 5? |
| Hb Inq Ha 5/2 | Hb dise a Ha: 5/2 |
| Ha Inq Hb Ben | Ha dise a Hb: Bon |
| Ha Inq Hb ? x 4 x=10 | Ha dise a Hb: Ce es la x tal ce 4 x = 10? |
| Hb Inq Ha 10/4 | Hb dise a Ha: 10/4 |
| Ha Inq Hb Mal | Ha dise a Hb: Mal |
| Hb Inq Ha 1/4 | Hb dise a Ha: 1/4 |
| Ha Inq Hb Mal | Ha dise a Hb: Mal |
| Hb Inq Ha 5/2 | Hb dise a Ha: 5/2 |
| Ha Inq Hb Ben | Ha dise a Hb: Bon |
Nota la difere entre "bon/mal" e "vera/falsa": 10/4 es un responde vera a la demanda, e donce "vera" ta es un responde valida. Ma car lo no ia es reduida a sua termas plu simple, la responde no ia es lo cual Hb ia desira, e donce el responde mal asi.
Un otra esemplo mostra "meta-conversa":
| Testo lincos | Sinifia |
|---|---|
| Ha Inq Hb ? x 4 x = 10 | Ha dise a Hb: Ce es la x tal ce 4 x = 10? |
| Hb Inq Hc ? y y Inq Hb ? x 4 x = 10 | Hb dise a Hc: Ci demanda a me per la x tal ce 4 x = 10? |
| Hc Inq Hb Ha | Hc dise a Hb: Ha |
Referes[edita | edita la fonte]
- Freudenthal, Hans (1960). Lincos: Design of a Language for Cosmic Intercourse. Amsterdam: North-Holland.
Lia esternal[edita | edita la fonte]
| Linguas construida (lista) | ||
|---|---|---|
| Linguas aidante internasional | adjuvilo • bolak • communicationssprache • engles basal • esperanto (esperantido) • esperanto 2 • esperanto reformida • globasa • glosa • idiom neutral • ido • intal • interglossa • interlingua • kah • kosmos • kotava • langue nouvelle • latinesce • latino sine flexione • lingua franca nova • lingua franca nuova • lingwa de planeta • lingwe uniwersala • mondial • mondlango • mundeze • mundolinco • mundolingue • neo • novial • occidental • ses • solresol • sona • spokil • tavo • universalglot • uropi • volapük • yolik | |
| Linguas aidante zonal | afrihili • efatese • folkspraak • frenkisch • medjusloviansce • romániço • romanid • slovianto | |
| Linguas esperimental | lincos • lojban • loglan • tocipona • voksigid | |
| Linguas artal | aingeljã • dothraki • klingon • láadan • nadsat • quenya | |