Esperanto

De Vicipedia
Jump to navigation Jump to search
Esperanto (Esperanto)
Creada par: L. L. Zamenhof
Anio: 1887
Tota parlores: 2 000 000
Familia: Linguas construida
 lingua aidante internasional
Fonte: Vocabulo de linguas romanica e germanica, gramatica de linguas slavica
State ofisial
Regulada par: Akademio de Esperanto
Sifras
ISO 639-1: eo
ISO 639-2: epo
ISO 639-3: [1]
SIL: [2]
Mapa
Flag of Esperanto.svg
Bandera de Esperanto
Vide ance: LinguaLista de linguas

Esperanto es la lingua desiniada la plu susedosa asta aora.

Istoria[edita | edita la fonte]

Esperanto ia es creada en 1887 par dr L. L. Zamenhof. La lingua ia gania rapida multe seguores e ia deveni la lingua projetada la plu importante, cuasi intera deslocante un otra projeta cual ia susede: volapük. De comensa, Esperanto no ia es mera un projeta lingual ma ance un projeta per boni relatas entre la poplas ("homaranismo"). Zamenhof ia descrive la regulas de esperanto 1905 en la "Fundamento", cual es asta aora la "biblia" per tota esperantistes. On ia atenta multe bonis a esperanto, notable ido e novial, ma no otra lingua ia ave la susede de esperanto orijinal.

Cualias[edita | edita la fonte]

  • Lo indica la spesies de parolas e dedui los par sufisas.
  • Lo indica la tempos de la verbos par sufisas.
  • Ajetivos ave la mesma finis per caso e cuantia como la nomes a cual los relata.
  • On construi parolas plu complicada par junta poca parolas fundal.
  • Lo ave multe prefisas e sufisas cual altera la sinifia de parolas.
  • Esperanto usa ses leteras spesial cual no es en la alfabeta latina.

Cultur[edita | edita la fonte]

Esperanto ave entre sento mil e milion parlores en la mundo. La obras scriveda inclui multe miles de libros, orijinal traduida o scriveda en esta lingua, e multe jornales. Organizas esiste per esperanto en multe paises. A cada anio un reuni internasional grande aveni, tipal con entre mil e tre mil partisipores.

La reunis la plu resente:

  • 2018 Lisbon / Portugal
  • 2017 Seoul / Corea Sude
  • 2016 Nitra / Slovensco
  • 2015 Lille / Frans (la reuni numero 100)
  • 2014 Buenos Aires / Arjentina
  • 2013 Reykjavik / Island
  • 2012 Hanoi / Vietnam
  • 2011 København / Danmarc
  • 2010 La Habana / Cuba
  • 2009 Białystok / Polsca
  • 2008 Rotterdam / Nederland
  • 2007 Yokohama / Japan
  • 2006 Firenze / Italia
  • 2005 Vilnius / Lietuvia
  • 2004 Beijing / Xina
  • 2003 Göteborg / Sveria
  • 2002 Fortaleza / Brasil
  • 2001 Zagreb / Corvatsca
  • 2000 Tel-Aviv / Israel
  • 1999 Berlin / Deutxland

Lias[edita | edita la fonte]