Kotava

De Vicipedia
Kotava (Kotava)
Parlada en: tota la mundo
Area: Frans, Espania, Rusia, Africa, Canada
Tota parlores: s 40
Ordina:
Familia: Linguas construida
State ofisial
Lingua ofisial de:
Regulada par:
Sifras
ISO 639-1
ISO 639-2
SIL
Vide ance: LinguaLista de linguas

Kotava es un proposa per un lingua aidante internasional creada par Staren Fetcey. Lo es un lingua apriori: un lingua no creada de linguas esistente, ma nova creada. Fetcey ia ofre lo a la publica en 1978. Pos tre reformis, la lingua ia es stablida en 2011. Cambias futur es aora controlada par un comite. Kotava ave un eticeta de ISO avk e ave sirca 40 parlores.

La lingua ave un morfolojia multe rica ("aglutinante"), con un ordina de parolas flexable. La ordina "clasical" es SOV.

Scrive e pronunsia[edita | edita la fonte]

La alfabeta de kotava ave 24 leteras: a, b, c (como x), d, e, f, g, i, j, k, l, m, n, o, p, r, s, t, u, v, w, x (como ch en Bach), y, z.

La asentua es normal sur la vocal ante la consonante final. Si la parola fini con un diftongo, la asentua es sur la vocal prima de la diftongo (pe, fulay). Verbos per la person prima fini con un vocal asentuada, indicada par un marca de asentua (pe, esté).

Gramatica[edita | edita la fonte]

Pronomes[edita | edita la fonte]

  • jin : me
  • rin : tu
  • in : el
  • min : nos (incluinte)
  • cin : nos (escluinte)
  • win : vos
  • sin : los

La pronom refletante es int e la pronom resiproca es sint (lunlotra).

La determinantes de posese es creada par ajunta -af a la pronom personal. La pronomes de posese es la mesma ma con la article tel (la) a ante.

Kotava ave un cuantia grande de otra pronomes. La fundales es...

  • coba (cosa)
  • tan (person nonconoseda)
  • tel (person conoseda)
  • tol (un de du)

Los es estendeda par ajunta estas ante los:

  • bat (esta)
  • ban (acel)
  • mil (mesma)
  • ar (otra)
  • kot (cada, tota)
  • me (no)
  • kon (esta cualce)
  • bet (acel cualce)
  • lan (alga un)
  • man (tal)
  • yon (alga -s)
  • konak (esta cualce -s)
  • abic (poca -s)
  • jontik (multe -s)
  • slik (tro multe -s)
  • dik (tro poca -s)
  • um (bastante -s)
  • le (min)
  • li (tan multe/poca)
  • lo (plu)
  • tok? (ce? cual? ci?)
  • kas? (esce?)

Ave ance un pronom relativa jeneral, dan (ci, cual).

Nomes[edita | edita la fonte]

Un indica de seso gramatical no esiste. Per indica la fema de un animal o umana, ajunta -ya. Per la mas, ajunta -ye.

Kotava ave regulas ("regulas eufonial") de acorda de alterantes (determinantes, ajetivos, numeros, partisipios) con sua nomes. La alterantes adota la vocal final de sua nom. Si la nom fini con un consonante, la alterantes fini ance con un consonante. Pe, listaf patectoy (un vista bela), baroye blucte (tre abituas), bati zveri (acel avia). Nota ce la alterante presede normal la nom.

La plural es indicada par la sinifia de parolas alterante e par la conjuga de verbos. La determinante nondefinante jeneral es yon. Ma no indica de pluralia es nesesada, si lo es clar par la contesto.

Nomes aposada ("clasintes") segue nomes propre, e indica la fini per eufonia. Pe cuisafa London widava (London, la site merveliosa). Sufisas per indica individuas es normal ajuntada a la clasinte, no a la nom propre.

Determinantes[edita | edita la fonte]

La articles es tel (la) e tan (un).

La determinante de demanda es tok (cual, ce).

Kotava ave tre determinantes de mostra:

  • ban (esta)
  • bat (acel)
  • mil (la mesma)

Kotava usa esta determinantes de cuantia:

  • abic (poca)
  • le (min)
  • ar (otra)
  • li (tan multe)
  • bet (cualce)
  • lo (plu)
  • dik (tro poca)
  • man (tal)
  • jontik (multe)
  • mek (no)
  • kon (alga)
  • mel (tan multe)
  • konak (alga)
  • slik (tro multe)
  • kot (cada, tota)
  • um (bastante)
  • lan (tal)
  • yon (alga, de)

Numeros[edita | edita la fonte]

  • 1 tan-
  • 2 tol-
  • 3 bar-
  • 4 balem-
  • 5 alub-
  • 6 tev-
  • 7 per-
  • 8 anhust-
  • 9 lerd-
  • 10 san-
  • 100 decem-
  • 1000 decit-
  • 10 000 kun-
  • 100 000 vunt-
  • 1 000 000 celem-
  • 1 000 000 000 felem-
  • 1012 tung-
  • 1015 pung-
  • 1018 eung-
  • 1021 zung-
  • 1024 yung-

0 ned-

  • -oy (per numeros cardinal)
  • -eaf (per numeros ordinal)
  • -a (nom, -uple)
  • -da (nom, grupo de anios)
  • -ka (nom, grupo de dias)
  • jon- … -af (multipliada par...)
  • fuxe- … -af (divideda par...)
  • vol- (numero negativa)

Per espresas de matematica:

  • = dum (egali)
  • + do (plu)
  • - bas (min)
  • × jon (par)
  • / fuxe (entre)

Ajetivos[edita | edita la fonte]

Ajetivos es indicada par un fini con -f- pos un vocal (tipal -a-). La ajetivo ave un vocal final cual acorda (par eufonia) con sua nom:

  • kiewaf (bon)
  • kiewafa mona (un bon casa)

Ajetivos pote es derivada de nomes par la ajunta de -f-:

  • tawava (tera) > tawavaf (teral)
  • koe (en) > koef (interna)

La formas de compara es como esta:

  • lo-, lod- (plu)
  • li-, lid- (tan, egal)
  • le-, led- (min)

Per esemplo:

  • mantaf (larga)
  • lomantaf (plu larga)
  • limantaf (tan larga)
  • lemantaf (min larga)

On pote indica move en un dirije de cuantia par dupli la prefisas:

  • lolomantaf (plu e plu larga)
  • lelemantaf (min e min larga)

E on ajunta tel (la) per indica superioria:

  • tel lomantaf (la plu grande)
  • tel lemantaf (la min grande)

La preposada de compara es dan (ca).

Verbos[edita | edita la fonte]

La infinitivo es usada per la radis de la verbo. Ajuntada a lo es un serie de sufisas per indica la person de la sujeto e la tempo:

  • 1 singular: radis + ´ (asentua a la vocal final)
  • 2 singular: radis + l
  • 3 singular: radis + r
  • 1 plural, incluinte: radis + t
  • 1 plural, escluinte: radis + v
  • 2 plural: radis + c
  • 3 plural: radis + d

Per asentua la veria de un frase, ajunta en ante la verbo:

  • jin en estú (me come vera)

Per indica nonsertia, ajunta rotir ante la verbo:

  • in rotir estur (el come posible)

Per indica la nega, ajunta me, men o mea ante la verbo:

  • jin me estú (me no come)
  • jin koe Paris men irubá (me no abita ancora en Paris)
  • jin koe Paris mea irubá (me no abita plu en Paris)

Un paroleta nonusual es vol, cual indica ce on atenta forte no ata en esta modo:

  • jin vol estú (me atenta forte no come)

La tempo pasada de un verbo es indicada par ajunta -y- ante la vocal final de la verbo:

  • jin dankayá (me ia canta)
  • sin doleyed (los vende)

La tempo futur es indicada par ajunta -t- ante la vocal final:

  • rin estutul (tu va come)

Kotava ave multe modos per indica aspetas de verbos. La aspeta continuante es indicada par pone la paroleta dun o wan ante la verbo:

  • dun estú (me es comente, me es en la media de come)
  • wan estú (me continua come, me es comente ancora)

"La aspeta anterior" es simil a la idea de la aspeta perfeta, e es indicada par al:

  • ixam al estú (me ia come ja ma no continua aora)

"La aspeta posterior" espresa la idea ce on va comensa pronto un ata, es es indicada par di:

  • di estú (me va come, pos cuando me completi esta ata)

"La aspeta momental" espresa la idea ce un ata es plu corta ca normal, e es completida en un momento, e es indicada par ve:

  • va finta ve disukel (tu regarda la poster per un momento)

Simil a la aspetas anterior e posterior es du paroletas — su e fu — cual indica ce un ata fini o comensa a un momento ante o pos esta momento:

  • su estú (me veni de come)
  • fu estú (me vade a come)

Kotava indica la modo de comanda par no usa la pronom sujetal:

  • ké! (atenda!)

La modo dependente es normal usada pos la junta ede (si) e sua derivadas edeen, edeme, e edevol. Lo es espresada par ajunta co- ante la verbo:

  • jin co-ké (me ta atenda)

Kotava ave tre partisipios. La partisipio ativa es formida par ajunta -s a la verbo. La partisipio pasiva usa -n. E la partisipio completinte, cual refere a la ojeto nondireta de verbos bitransitiva, usa -mb:

  • rojus (defendente)
  • rojun (defendeda)
  • grewamb (per cual on grasia)

Como en esperanto, esta partisipios ave varias per indica pasada e futur ance:

  • rojuyus (cual ia defenda)
  • rojutun (cual va es defendada)
  • grewatamb (per cual on va grasia)

Estas pote es usada como averbos par ajunta -on:

  • in estuson pulvir (el parla en cuando el come)
  • in dizvenon dankar (el canta en cuando on oserva el)
  • rin belimbon gu rupa komodel (on adormi en cuando on leje un narada a se)

La lingua ave sinco voses gramatical: ativa, pasiva, refletante, resiproca, e completinte:

  • ativa - jin doalié (me combate)
  • pasiva - jin zo doalié (me es combateda)
  • refletante - jin va int tcaté (me lava me)
  • resiproca - sin va sint disuked (los regarda lunlotra)
  • completinte - jin va mbi zilí (on dona un torta a me)

Verbos transitiva pote es cambiada a verbos nontransitiva par ajunta -we:

  • beta (cambia cualce cosa) > betawe (cambia se)

Kotava ave multe prefisas per la verbo per indica "sumodos":

  • posiblia - in rotestur (el come posible)
  • obliga - in gonestur (el debe come)
  • vole - in djumestur (el ta vole come)
  • capasia - in grupestur (el pote come)
  • crede - in fogesestur (el imajina come)
  • semble - in nuvestur (el pare come)
  • conativa - in lagestur (el atenta come)
  • abitual - in gilestur (el come abitual)
  • asoluta - in sokestur (el come vera, sin duta)

La consonante final de la prefisa es cadeda ante un otra consonante. En ajunta, kotava ave prefisas cual segue estas per indica plu detalia ("sumodo"):

  • fisical - in rodefestur (el es capas de come)
  • permeteda - in rovebestur (el permete ce el mesma come)
  • esterna - in ronovestur (el es permeteda ce el mesma come)
  • oportunia - in rovodestur (el ave un oportun per come)
  • volente - in djukurestur (el vole come)
  • desirante - in djugalestur (el desira come)
  • amante - in djukarestur (el ama come)
  • esperante - in djupokestur (el espera come)
  • disposante - in djuprogestur (el es disposada come)
  • finjente - in nujidestur (el finje come)
  • atestante - in nuruyestur (el afirma come)
  • forsante - in lasugestur (el forsa ce el mesma come)
  • completante - in gibestur (el pasa sua oras en come)

Ancora, la consonante final de la prefisa es cadeda ante un otra consonante.

La ordina de la afisas e parolas de la verbo es como esta:

  • la pronom personal
  • la paroleta de aspeta
  • la averbo de state
  • la paroleta de vose
  • la prefisa de modo
  • la prefisa de sumodo
  • la radis
  • la sufisa de tempo
  • la sufisa de person

Averbos[edita | edita la fonte]

Kotava ave cuatro averbos simple: adim (per conclui...) balte (natural, serta) ae (es bon, amen) aje (ai, es mal)

Multe averbos es composada de la "estendes" (pe kot, me, bat, etc) discuteda a supra su la discute de pronomes segueda par estas sufisas:

date viele (cuando)

  • antérieure vielu (de cuando)
  • vieli (asta cuando)
  • ugale (en cuando)
  • edje (la dura de un aveni)
  • dume (per cual razona o causa)
  • kane (como, par cual media o metodo)
  • enide (per ce, car, afin)
  • inde (en cual modo)
  • tode (en cual situa)
  • ote (cuanto)
  • eke (a cual grado)
  • droe (a cual costa)
  • liz (asta cual loca)
  • lize (en cual loca)
  • lizu (de cual loca)
  • lizo (tra cual loca)

Per crea averbos de ajetivos, sustitui -f o -af par -on:

  • kaliaf (rapida) > kalion
  • xuf (vertical) > xuon

Preposadas[edita | edita la fonte]

  • a (sin)
  • dem (de, parte)
  • arbe (sin, nesesante)
  • kan (par, usante)
  • bas (sin, esetante)
  • pu (par, autor)
  • bro (seguente la esemplo de)
  • kevie (oposante)
  • damo (an con, an sin)
  • tornoce (regardante)

Preposadas de tempo:

  • abdi (ante)
  • radimi (pos)
  • arti (asta)
  • runi (de)
  • ba (a)
  • bad (en la dura de un aveni)
  • bak (en, en la tempo de)

Preposadas de loca:

  • abdu (ante)
  • radim (pos)
  • anam (sirca)
  • ist (media de, sentra de)
  • art (en)
  • run (estra)
  • ben (a, sur)

Estas es estendeda par usa esta varias:

  • radis - la loca a cual on vade
  • radis-e - la loca a cual on resta
  • radis-u - la loca de cual on vade
  • radis-o - la loca tra cual on vade

La paroleta ic es usada pos averbos per crea espresas preposadal de loca. Lo pote reseta la mesma sufisas como la preposadas de loca.

La paroleta gu es usada con averbos per crea otra espresas preposadal.

Juntas[edita | edita la fonte]

Juntas simple:

  • acum (alora, donce)
  • larde (car, seguente)
  • beka (an si)
  • okie (ma, an si)
  • da (ce)
  • ont (o...o)
  • ede (si)
  • osk (no sola)
  • edeen (ma vera)
  • teka (sin ce)
  • edeme (si no)
  • vaxede (esetante ce)
  • edevol (ma, esetante ce)
  • vexe (ma)
  • kle (donce)
  • voxosk (ma ance)
  • kore (an tal)
  • dum (como, en la modo en cual)

Juntas pote es composada de preposadas segueda par da (ce) o dan (como, comparada con), pe:

  • abdi da (ante cuando)
  • rape dam (la mesma como)

Esta juntas ave tre formas: La ajunta de -e indica ce la junta lia du proposas. La ajunta de -u sinifia ce, pe, un grupo de ajetivos aplica a la grupo seguente de nomes liada par la junta (pe "la grande blanca gato e can e gal").

  • is, ise, isu (e)
  • ok, oke, oku (o)
  • ik, ike, iku (e/o)
  • mei, meie, meiu (e no)
  • vols, volse, volsu (ma no)
  • az, aze, azu (e alora)
  • vox, voxe, voxu (ma ancora)
  • num, nume, numu (e donce)
  • kir, kire, kiru (car)
  • lodam, lodame, lodamu (prefereda ca)
  • lidam, lidame, lidamu (tan multe como)
  • ledam, ledame, ledamu (par manca de)

Demandas[edita | edita la fonte]

Demandas pote es formida par reversa la ordina de la verbo e la sujeto, o par ajunta cas (esce) a la comensa de la frase. Ance, la usa simple de pronomes, determinantes o averbos de demanda en la frase sufisi.

Afisas[edita | edita la fonte]

Kotava ave un cuantia multe grande de prefisas e sufisas — tro multe per lista asi. Los es vera esata ma intera coerente.

Comentas[edita | edita la fonte]

Kotava pare plu como un "artlang" (un lingua creada como un obra de arte) ca un lingua aidante internasional. Vera, sua natur apriori dirije bon a la problem de internasionalia, ma con la costa de es familial a nun. La usa de multe afisas de deriva e de gramatica pare prima un idea eselente per espresa esata ideas complicada. Ma la asentia de spasios o marcas gida a un problem de reconose do un afisa fini e un radis comensa (e la reversa).

Ma kotava es un obra mestral de crea lingual. Lo es tan plen esplicada ca elefen, e pote espresa cualce ideas cual on pote vole espresa. Plu, lo es un de la poca linguas aidante internasional cual ia reseta un eticeta de ISO, cual es un indica de sua completia e la cuantia de parlores (sirca 40).

Fontes[edita | edita la fonte]

Linguas construida (lista)
Linguas aidante internasional adjuvilobolakcommunicationsspracheengles basalesperanto (esperantido) • esperanto 2esperanto reformidaglobasaglosaidiom neutralidointalinterglossainterlinguakahkosmoskotavalangue nouvellelatinescelatino sine flexionelingua franca novalingua franca nuovalingwa de planetalingwe uniwersalamondialmondlangomundezemundolincomundolingueneonovialoccidentalsessolresolsonaspokiltavouniversalgloturopivolapükyolik
Linguas aidante zonal afrihiliefatesefolkspraakfrenkischmedjusloviansceromániçoromanidslovianto
Linguas esperimental lincoslojbanloglantociponavoksigid
Linguas artal aingeljãdothrakiklingonláadannadsatquenya